ହୋଲି ଖେଳ ହେଲା କାଳ, ମହାନଦୀରେ ବୁଡ଼ି ଯୁବକ ମୃତ

କଟକ, ୧୯/୩ (ଓଡ଼ିଆ ପୁଅ/ ଅଭୟ ଜେନା) ହୋଲି ଖେଳ ହେଲା କାଳ। କଟକ ବିରିବାଟୀ ଅଞ୍ଚଳର ଜଣେ ଯୁବକ ମହାନଦୀରେ ବୁଡ଼ି ମୃତ। ଯୁବକ ଜଣକ ନାଁ ଅଭିଜିତ ବାରିକ। ଅଭିଜିତ ଓ ତାଙ୍କର ୩ ଜଣ ସାଙ୍ଗ ହୋଲି ଖେଳିବା ପରେ ମହାନଦୀ ନିମେଇଷାପୁର ନୂଆଁ କୋରୁଆଁ ଘାଟରେ ଗାଧୋଉଥିବା ବେଳେ ଅଭିଜିତ ନଦୀ ସୂଅରେ ଭାସି ଯାଇଥିଲେ। ତାଙ୍କୁ ଗୁରୁତର ଅବସ୍ଥାରେ କଟକ ବଡ଼ ମେଡ଼ିକାଲରେ ଭର୍ତ୍ତି କରିବା ପରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ।