ବ୍ରହ୍ମପୁର୧୫ା୨(ଓଡିଆ ପୁଅ/ବିରଞ୍ଚିନାରାୟଣ ପତ୍ରୀ) ସରକାରଙ୍କ ପକ୍ଷରୁ ରାଜ୍ୟରେ ସମସ୍ତ ଶିକ୍ଷାନୁଷ୍ଠାନ ଗୁଡିକୁ ଯୋଗାଇ ଦିଆଯାଉଥିବା ୟୁନିଫର୍ମ । ଏହାକୁ ବେସରକାରୀ ଶିକ୍ଷାନୁଷ୍ଠାନ ଗୁଡିକ ପିଲାମାନଙ୍କୁ ୟୁନିଫର୍ମ ପିନ୍ଧିବାକୁ ବାଧ୍ୟବାଧକତା କରିଥିବା ଦେଖାଯାଇଛି । ଆଜି ଏହାକୁ ନେଇ ବ୍ରହ୍ମପୁରର ଏକ ଘରୋଇ ସ୍କୁଲରେ ଅଭାବନୀୟ ଘଟଣା ହେବା ଦେଖିବାକୁ ମିଳିଛି ।
ଜଣେ ପ୍ରଥମ ଶ୍ରେଣୀର ଛାତ୍ରୀ ସ୍କୁଲକୁ ୟୁନିଫର୍ମ ନପିନ୍ଧି ସାଧାରଣ ଡ୍ରେସ୍ ପିନ୍ଧି ଆସିଥିବାରୁ ଶିକ୍ଷୟିତ୍ରୀ ଛାତ୍ରୀଙ୍କୁ ଶ୍ରେଣୀ ଗୃହରେ ଉଲଗ୍ନ କରିଥିବାକୁ ନେଇ ସ୍କୁଲରେ କିଛି ସମୟ ଉତ୍ତେଜନା ଦେଖିବାକୁ ମିଳିଥିଲା । ସ୍କୁଲ ୟୁନିଫର୍ମ ପିନ୍ଧି ନଥିବାରୁ ଛାତ୍ରୀକୁ ଉଲଗ୍ନ କରାଯାଇଥିବା ଅଭିଯୋଗ ରେ ସଂପୃକ୍ତ ଶିକ୍ଷୟିତ୍ରୀ ଙ୍କୁ ବୈଦ୍ୟନାଥପୁର ଥାନାରେ ଅଟକ ରଖାଯାଇଥିବା ବୈଦ୍ୟନାଥପୁର ଥାନାରୁ ପକ୍ଷରୁ ସୁଚନା ମିଳିଛି ।
