ମାଲକାନଗିରି,୩୧ା୧ (ଓଡିଆ ପୁଅ )ମାଲକାନଗିରି ଜିଲ୍ଲା ମାଥିଲି ଥାନାସ୍ଥ ମାର୍ଡକାପଦର ନୁନୁଖୋର ଜଙ୍ଗଲେ ମାଓବାଦୀ ଯବାନ ଙ୍କ ମଧ୍ୟରେ ଗୁଳିବିନିମୟ ଘଟି ଜଣେ ମାଓବାଦୀଙ୍କର ମୃତ୍ୟୁହେବାସହ ମାଓକ୍ୟାମ୍ପ ରୁ ବିପୁଳ ପରିମାଣର ବନ୍ଧୁକ ଗୋଳାବାରୁଦ ଜବତ ହୋଇଛି । ମାର୍ଡାକାପଦର ପଚାଂୟତ ନୁନଖାରୀ ଜଙ୍ଗଲରେ ମାଓକ୍ୟାମ୍ପ ଚାଲିଥିବାର ଗୋଇନ୍ଦା ସୁତ୍ରରୁ ପୁଲିସ ଖବର ପାଇ ସେଠାକୁ ଆଜି ଏସଓଜି, ଡିଭିଏଫ ଓ ବିଏସଏଫ ଯବାନ ମାନେ ମିଳିତ କୁମ୍ବିଂ ଅପରେସନରେ ଯାଇଥିଲେ । ଯବାନ ମାନଙ୍କୁ ଦେଖି ଜଙ୍ଗଲରେ ମାଓବାଦୀ ମାନେ ସେମାନଙ୍କ ଉପରକୁ ଗୁଳିଚାଳନା କରିଥିଲେ । ଯବାନ ମାନେ ମଧ୍ୟ ପାଲଟା ଗୁଳିଚଳାଇଥିଲେ । ଉଭୟଙ୍କ ମଧ୍ୟରେ ପ୍ରାୟ ଦୁଇଘଟାଂଧରି ଗୁଳିବିନିମୟ ହୋଇଥିଲା । ଯବାନ ମାନଙ୍କୁ ମୁକୁବିଲା କରିନପାରି ମାଓବାଦୀ ମାନେ ଛତ୍ରଭଙ୍ଗଦେଇ ଜଙ୍ଗଲରେ ଲୁଚିପଳାଇଥିଲେ । ସେହି ଜଙ୍ଗଲରେ ଯବାନ ମାନେ ସର୍ଚଅପରେସନ କରିବାରୁ ଜଣେ ହାର୍ଡକୋର ପୁରଷ ମାଓବାଦୀ ଙ୍କ ମୃତ ଶରୀର ପଡିଥିବାର ଦେଖିବାକୁ ପାଇଥିଲେ ମାଓବାଦୀ ଙ୍କ ମୃତ ଶରୀର ସହ ମାଓକ୍ୟାମ୍ପରୁ ବନ୍ଧୁକ୧ଟି,ପିସ୍ତଲ ୧ଟି,ଅଫୁଟା ଗୁଳି୧୦ଟି,୧୫ହଳ ମାଓବାଦୀ ପୋଷାକ ଓ ବିପୁଳପରିମାଣର ବିସ୍ପୋରକ ଦ୍ରବ୍ୟ ସହ ମାଓସାମଗ୍ରୀ ଜବତ କରି ଜିଲ୍ଲାହେର୍ଡକ୍ୱାଟରକୁ ଅଣାଯାଇଛି ।ମୃତ ମାଓବାଦୀର ପରିଚୟ ମିଳିନଥିବାରୁ ପୁଲିସ ଆଜି ଆଖପାଖ ଗ୍ରାମର ଲୋକମାନଙ୍କୁ ଡାକି ମାଓବାଦୀଙ୍କ ପରିଚୟ ଖୋଜାଆରମ୍ଭ କରିଦେଇଛନ୍ତି । ଗୁଳିବିନମୟରେ ଅଧିକ ମାଓବାଦୀ ମୃତ ଆହତ ହୋଇଥିବାର ସନ୍ଦେହରେ ଆଜି ସେହି ଜଙ୍ଗଲରେ ଯବାନମାନଙ୍କ ପକ୍ଷରୁ ସର୍ଚ ଅପରେସନ ଜାରିରହିଛି ।