ମୋଦି ସରକାରର ଏକଛତ୍ରବାଦ ଶାସନରେ ଅହେତୁକ ତୈଳଦର ବୃଦ୍ଧିକୁ ବରଗଡ ଜିଲ୍ଲାର ବିଭିନ୍ନ ସ୍ଥାନରେ କଂଗ୍ରେସର ବିରୋଧ

ପଦ୍ମପୁର, ବରଗଡ ୧୧-୬ (ଓଡ଼ିଆ ପୁଅ/ସଚ୍ଚିଦାନନ୍ଦ ପାତ୍ର) : ଆଜି ସାରା ରାଜ୍ୟରେ ପେଟ୍ରୋଲ, ଡିଜେଲ୍ ଅହେତୁକ ତୈଳ ଦର ବୃଦ୍ଧି ପ୍ରତିବାଦରେ ଓଡ଼ିଶା ପ୍ରଦେଶ କଂଗ୍ରେସ ଦଳ ର ସଭାପତି ଶ୍ରୀଯୁକ୍ତ ନିରଞ୍ଜନ ପଟ୍ଟନାୟକ ଙ୍କ ଆହ୍ୱାନ କ୍ରମେ ବରଗଡ ଜିଲ୍ଲା ପଦ୍ମପୁର ସହର ରେ ଥିବା ପେଟ୍ରୋଲ ଷ୍ଟେସନ ମାନଙ୍କରେ ପଦ୍ମପୁର ନଗର କଂଗ୍ରେସ ର ସଭାପତି ଶ୍ରୀ ଦିଲ୍ଲିପ ଦାନୀ ଏବଂ ବୋଡାସମ୍ବର ବ୍ଳକ କଂଗ୍ରେସ ସଭାପତି ଶ୍ରୀ ଚମ୍ପକେଶ୍ୱର ପୁରୋହିତ ଙ୍କ ଉଦ୍ୟମ ରେ ପ୍ରତିବାଦ କରାଯାଇଛି l ଅପାରଗ ସରକାର ଆଜିର ଦିବସ ରେ ଜନସାଧାରଣ ଙ୍କ ରକ୍ତ ଶୋଷଣ କରିବାରେ ବ୍ୟସ୍ତ ସମସ୍ତ ନିତ୍ୟବ୍ୟବହାର୍ଯ୍ୟ ଜିନିଷ ର ଅହେତୁକ ଦରଦାମ ବୃଦ୍ଧି ସାଙ୍ଗକୁ ପେଟ୍ରୋଲ, ଡିଜେଲ୍ ଦର ବୃଦ୍ଧି ର ପ୍ରତିବାଦ ଜଣାଇବା ପାଇଁ ସହରକୁ ଗ୍ରାମାଞ୍ଚଳ ରୁ କଂଗ୍ରେସ ଦଳ ଶତାଧିକ କର୍ମୀ ସାମିଲ ହୋଇ ପ୍ରତିବାଦ ଜଣାଇଥିଲେ l ଏ ଅବସର ରେ ସର୍ବଶ୍ରୀ:-ବରିଷ୍ଠ ଓକିଲ ଗୈାତିଆ କୁମାର ସାହୁ, ଓକିଲ ସନ୍ତୋଷ ଶତପଥୀ, ଅକ୍ଷୟ ସାହୁ, ପ୍ରଫୁଲ୍ଲ ସାହୁ, ମାୟାରାମ ସୁନା ପଞ୍ଚାନନ ସାହୁ, ବୁଡ଼ୁ ଧୁବଲ, ଆନନ୍ଦ ପାତ୍ର, ସୁବାଷ ନାଏକ, ତିର୍ଥ ବିଶ୍ୱାଳ, ଗଜିଆ ଶର୍ମା, ସୁନିଲ ଅଗ୍ରୱାଲ ଓ ବରଗଡ ଜିଲ୍ଲା ଯୁବ କଂଗ୍ରେସ ସମ୍ପାଦକ ଅଖିଳ ପୁରୋହିତ ପ୍ରମୁଖ ଏକତ୍ରିତ ହୋଇ ଓଡ଼ିଶା ପ୍ରଦେଶ କଂଗ୍ରେସ କମିଟିର ସଦସ୍ୟ ଙ୍କ ଆହ୍ୱାନ କୁ ସମର୍ଥନ ଜଣାଇ ପ୍ରତିବାଦ କରିଥିଲେ l