ମାଲକାନଗିରି,୧ା୪ (ଓଡିଆ ପୁ୍ଅ) ମାଲକାନଗିରି ଜିଲ୍ଲାପୋଲିସ ପ୍ରଶାସନ ପକ୍ଷରୁ କୋଭିଡ ନିୟମପାଳନ ସହ ୮୬ତମ ଓଡିଶା ପୋଲିସ ପ୍ରତିଷ୍ଠା ଦିବସ ସ୍ଥାନିୟ ଜିଲ୍ଲା ପୋଲିସ ପଡିଆ ଠାରେ ଅନୁଷ୍ଟିତ ହୋଇଯାଇଛି । ଏହି ଅବସରରେ ଜିଲ୍ଲାଆରକ୍ଷୀ ଅଧିକ୍ଷକ ରିଶିକେସ ଡି ଖିଲାରୀ ମୁଖ୍ୟଅତିଥି ଭାବେ ଯୋଗଦେଇ ସମ୍ମିଳିତ ପୋଲିସ ପ୍ୟାରେଡ୍ ରେ ଅଭିବାଦନ ଗ୍ରହଣ କରି ଓଡିଶା ପୋଲିସ ର ଆଭିମୁଖ୍ୟ ଓ ଦାଇତ୍ୱ ସଂପର୍କରେ କହି ବା ସହ ରଜ୍ୟପାଳ ଓ ମୁଖ୍ୟମନ୍ତ୍ରୀଙ୍କ ପୁଲିସ ବିଭାଗ ପ୍ରତି ସୁଭେଚ୍ଛା ବାର୍ତା ପାଠକରିଥିଲେ । ପୋଲିସ ସେବାକ୍ଷେତ୍ରରେ ଉଲେଖ୍ୟନୀୟ ସଫଳତା ପାଇଁ ଥାନାଅଧିକାରୀ,ସବଇନିସପେକ୍ଟର, ଏଏସଆଇ. କନେଷ୍ଟବଳ,ହାବିଲଦାର,ଟ୍ରାଫିକ କନେଷ୍ଟବଳ ମୋଟ ୧୦ଜଣ ପୁଲିସ କର୍ମଚାରୀ ଙ୍କୁ ଏସପି ଶ୍ରୀ ଖିଲାରୀ ପୁରଷ୍କାର ଦେଇ ସମ୍ମାନିତ କରିଥିଲେ । ଏହି ଅବସରରେ ଅନ୍ୟାନମାନଙ୍କ ମଧ୍ୟରେ ବିଧାୟକ ଆଦିତ୍ୟ ମାଢି,ଜିଲ୍ଲାପରିଷଦ ଅଧ୍ୟକ୍ଷ ଦଶରଥ ପଡିଆମି,ଅତିରିକ୍ତ ଏସପି,ଏସଡିପିଓ,ଡିଏସପି,ବିଏସଏଫ କମାଣ୍ଡେଟଂ,ଥାନା ଅଧିକାରୀ ପ୍ରମୁଖ ପୁଲିସ ଅଧିକାରୀ ଉପସ୍ଥିତ ଥିଲେ । ଏହି ଅବସରରେ ତିନିପ୍ଲାଟୁନ ସଶସ୍ତ୍ର ପୁଲିସ ବାହିନୀ ପ୍ୟାରେଡରେ ଭାଗନେଇଥିଲେ । ରିଜର୍ଭପୁଲିସ ଇନିସପେକ୍ଟର ପ୍ୟାରେଡ ପରିଚାଳନାକରି ଥିଲେ ।