ମାନବ ସମ୍ବଳ ବିକାଶ ପାଇଁ ଏକକ ଶିକ୍ଷାନୀତି ଆବଶ୍ୟକ, ଭଦ୍ରକ ସାଂସ୍କୃତିକ ମହୋତ୍ସବର ୮ମ ସଂଧ୍ୟା

ଭଦ୍ରକ, ୧୦ା୧ (ଓଡ଼ିଆ ପୁଅ / ସ୍ନିଗ୍ଧା ରାୟ) – ଯେଉଁ ଦେଶର ଶିକ୍ଷା ନୀତି ଯେତେ ଉକୃଷ୍ଟ, ସେହି ଦେଶ ସେତିକି ବିଭବଶାଳୀ । ଦେଶ ସ୍ୱାଧିନତା ପାଇବାକୁ ଇତିମଧ୍ୟରେ ୭୫ ବର୍ଷ ବିତିଯାଇଥିଲେ ମଧ୍ୟ ଦେଶରେ ଏକ ନିର୍ଦ୍ଧିଷ୍ଠ ଶିକ୍ଷା ନୀତି ନାହିଁ । ବିଶେଷକରି ପ୍ରାଥମିକ ଓ ମାଧ୍ୟମିକ ସ୍ତରରେ ଶିକ୍ଷା ଦାନ କ୍ରମଶଃ ବିପର୍ଯ୍ୟସ୍ତ ହେବାରେ ଲାଗିଛି । ଯାହାକି ବହୁ ସମୟରେ ଦେଶର ମାନବ ସମ୍ବଳ ଗଠନ ଦିଗରେ ପ୍ରତିବନ୍ଧକ ସୃଷ୍ଟି କରୁଛି । ତେଣୁ ସମଗ୍ର ଦେଶରେ ଏକକ ଶିକ୍ଷାନୀତି ପ୍ରଣୟନ କରିବା ଆବଶ୍ୟକ ବୋଲି ଐତିହାସିକ ଗାନ୍ଧୀ ପଡ଼ିଆ ଠାରେ ଭଦ୍ରକ ସାଂସ୍କୃତିକ ମହୋତ୍ସବର ୮ମ ସଂଧ୍ୟାର ଏକ ସ୍ୱତନ୍ତ୍ର ଆଲଚନାଚକ୍ରରେ ମତ ପ୍ରକାଶ ପାଇଛି । ମହୋତ୍ସବ କମିଟିର ସଭାପତି ରବି ନାରାୟଣ ଖିଲାରଙ୍କ ପୌରହିତ୍ୟରେ ଅନୁଷ୍ଠିତ ଉକ୍ତ ଆଲୋଚନାଚକ୍ରରେ ବରିଷ୍ଠ ପ୍ରାଧ୍ୟାପକ ସମୀର ହୁଇ ମୁଖ୍ୟ ଅତିଥି, କଳାକାର ନିମାନନ୍ଦ ସାହୁ ମୁଖ୍ୟବକ୍ତା ଭାବେ ଯୋଗଦେଇଥିଲେ । ଉକ୍ତ କାର୍ଯ୍ୟକ୍ରମରେ ରିଷ୍ଠ ସଦସ୍ୟା କଳ୍ପନା ଜେନା ମଞ୍ଚ ଆହ୍ୱାନ, ଚୈତାଳୀ ଖିଲାର ସ୍ୱାଗତ ଭାଷଣ, ବରିଷ୍ଠ ସଦସ୍ୟ ଜଗବନ୍ଧୁ ବେହେରା ଅତିଥି ପରିଚୟ ପ୍ରଦାନ କରିଥିବାବେଳେ, ମନୋରମା ରାୟ ଧନ୍ୟବାଦ ଅର୍ପଣ କରିଥିଲେ । ସଭା ଶେଷରେ ସ୍ଥାନୀୟ ନାଟ୍ୟ ସଂସ୍ଥାମାନଙ୍କ ପକ୍ଷରୁ ନୃତ୍ୟ ପରିବେଷଣ କରାଯାଇଥିଲା । କମିଟିର ସମ୍ପାଦକ ଆଶିଶ ଅମିତାଭ ମହାପାତ୍ର, କୋଷାଧ୍ୟକ୍ଷ ପ୍ରିୟଦର୍ଶନ ବୋଇତି, ଆବାହକ ଅବିନାଶ ପଣ୍ଡା, କ୍ଷିତିଶ ସାମନ୍ତ ବେହେରା, ଅପୂର୍ବ ବେହେରା, ସୁପ୍ରଭା ପାଣୀ, ସଂଯୁକ୍ତା ମହାନ୍ତି, ଶଙ୍କର ଗୁରୁଭିଲ୍ଲା, ଅଜୟ ପଣ୍ଡା ପ୍ରମୁଖ କାର୍ଯ୍ୟକ୍ରମ ପରିଚାଳନା କରିଥିଲେ ।