ବଡ଼ବିଲ ,ତା ୨୪ ଅପ୍ରେଲ (ଓଡ଼ିଆ ପୁଅ/ସୀତାରାମ ଦୀକ୍ଷିତ) କରୋନା ମହାମାରୀକୁ ନେଇ ସାରା ଦେଶ ଲକଡାଉନ ସମୟରେ କାଳ ବୈଶାଖୀର ତାଣ୍ଡବ, ଭାଙ୍ଗିଲା ଅନେକ ମାଙ୍କଡ଼ିଆଙ୍କ ଝୁମ୍ପୁଡି ଘର । ଏମିତି ଏକ ଦୁଃଖଦ ଘଟଣା କେନ୍ଦୁଝର ଜିଲ୍ଲା ବଡ଼ବିଲ ବ୍ଲକ ଅନ୍ତର୍ଗତ ସେରେଣ୍ଡା ପଞ୍ଚାୟତର ପି ସାହି ପାଖରେ ଥିବା ମାଙ୍କଡ଼ିଆ ଝୁମ୍ପୁଡି ଘର ଆଜି କାଳ ବୈଶାଖୀ ପବନରେ ଉଡିଯାଇଥିବା ଦେଖିବାକୁ ମିଳିଛି । ଖବର ଅନୁଯାୟୀ ଉକ୍ତ ମାଙ୍କଡ଼ିଆ ଶ୍ରେଣୀର ଲୋକମାନେ ଦୀର୍ଘଦିନ ଧରି ଏଠାରେ କିଛି କାଠର ସଂଯୋଗରେ ପଲିଥିନ୍ ବାନ୍ଧି ବସବାସ କରୁଥିବା ସହ ଭିକ୍ଷା ବୃତ୍ତି କରି ନିଜର ଗୁଜୁରାଣ ମେଣ୍ଟାଇଥାନ୍ତି । ସେମାନଙ୍କ ପେଟ ପାଇଁ ବର୍ତ୍ତମାନ କରୋନା ମହାମାରୀର ଲକ୍ ଡାଉନ୍ ନିୟମ ଏକ ପ୍ରକାର ଦୁଃଖ ସାଜିଥିବା ବେଳେ କାଳ ବୈଶାଖୀ ଚିନ୍ତାର କାରଣ ପାଲଟିଛି । ଘଟଣା ପରେ ଯୋଡା ବ୍ଳକର ୨୬ ନମ୍ୱର ଜୋନର ଜିଲ୍ଲା ପରିଷଦ ସଦସ୍ୟା ଜୟନ୍ତୀ ବାନରା ନିଜେ ଘଟଣାସ୍ଥଳରେ ପହଞ୍ଚି ଅନୁଧ୍ୟାନ କରିବା ପରେ ବଡ଼ବିଲ ତହସିଲଦାରଙ୍କୁ ଫୋନ୍ ଯୋଗେ ଜଣାଇଥିଲେ । ଖବର ପାଇ ତହସିଲଦାର ଶ୍ରୀଯୁକ୍ତ କ୍ଷୀରୋଦ କୁମାର ବେହେରା ଭଦ୍ରାସାହିର ରାଜସ୍ବ ନିରୀକ୍ଷକ ଗୌରୀହରି ବେହେରାଙ୍କୁ ଘଟଣାସ୍ଥଳକୁ ପଠେଇଥିଲେ । ରାଜସ୍ବ ନିରୀକ୍ଷକ ଭାଙ୍ଗିଥିବା ମାଙ୍କଡ଼ିଆମାନଙ୍କୁ ଜିଲ୍ଲା ପରିଷଦ ସଦସ୍ୟା, ନାଏବ ସରପଞ୍ଚ ମୁନା ବାନରା, ସମାଜ ସେବୀ ଗଣେଶ ପାତ୍ରଙ୍କ ସହଯୋଗରେ ଆବଶ୍ୟକୀୟ ପଲିଥିନ ଯୋଗାଇଥିଲେ ।
ମାଙ୍କିଡିଆଙ୍କ ପେଟ ପାଇଁ ଲକ୍ ଡାଉନ୍ ଦୁଃଖ ସାଜିଥିବା ବେଳେ କାଳ ବୈଶାଖୀର ତାଣ୍ଡବ, ଅନେକ ଝୁମ୍ପୁଡି ଉଡିଲା
