ମାଲକାନଗିରି,୯ ।୧୨ (ଓଡିଆ ପୁଅ ) ମାଓବାଦୀଙ୍କ ପିଏଲଜିଏ ସପ୍ତାହ ୨ତାରିଖ ଠାରୁ ଆରମ୍ଭ ହୋଇ ୮ତାରିଖରେ ସରିଯାଇଛି । ମାଓବାଦୀଙ୍କ ଭୟରେ ମାଲକାନଗିରିକୁ ଚଳା ଚଳକରୁଥିବା ସମସ୍ଥ ସରକାରି ବସ ସହ ବିଜୁ ସ୍ୱାସ୍ଥ୍ୟ ଗାଡି ୨ଟି ଦୀର୍ଘ ୮ଦିନ ଧରି ବନ୍ଦ ରହିବା ପରେ ଆଜି ଠାରୁ ସ୍ୱାଭାବିକ ଭାବେ ଚଳାଚଳ ଆରମ୍ଭ କରିଛି । ଦୀର୍ଘ ୮ଦିନ ଧରି ସରକାରୀ ବସ ଓ ବିଜୁ ସ୍ହାସ୍ଥ୍ୟ ଏକ୍ସପ୍ରେସ ବସ ବନ୍ଦ ରହିଥିବାରୁ ସାଧାରଣ ଯାତ୍ରୀ ମାନଙ୍କ ସହିତ ରୋଗୀ ମାନେ ନାହିଁ ନଥିବା ହଇରାଣ ହୋଇଥିଲେ । ଗରିବ ରୋଗୀଙ୍କୁ ମାଲାକନଗିରି ଜିଲ୍ଲାହସପିଟାଲ କୁ ନେବା ଆଣିବା କରିବା ପାଇଁ ମାଲକାନଗିରି ଠାରୁ ୧୦୦କିଲୋମିଟ ଦୂର ମୋଟୁ ଓ ମାଲକାନଗିରି ଠାରୁ ୮୫କିଲୋମିଟର ଦୂର ସ୍ୱାଭିମାନ ଅଚଂଳ ଜାନବାଇକୁ ଗତ ମାସ ଠାରୁ ରାଜ୍ୟସଡକ ପରିବହନର ଦୁଇଟି ବିଜୁସ୍ୱାସ୍ଥ୍ୟ ଏକ୍ସପ୍ରେସ ବସ ଚାଲୁଥିଲା, ଏହି ବସରେ ମାଗଣାରେ ରୋଗୀମାନେ ଜିଲ୍ଲାହସପିଟାଲକୁ ଆସି ଚିକିତ୍ସିତ ହୋଇ ନିଜ ଘରକୁ ଫେରୁଥିଲେ । ଏହି ଗାଡି ଦୁଇଟି ମାଓବାଦୀଙ୍କ ପିଏଲଜିଏ ସପ୍ତାହ ପାଇଁ ଗତ ୨ତାରିଖ ଠାରୁ ବନ୍ଦ ରହିଥିବାରୁ ଗରିବ ରୋଗୀ ମାନେ ନାହିଁ ନଥିବା ହଇରାଣ ହେବାସହିତ ଜିଲ୍ଲାହସପିଟାଲକୁ ନିଜେ ଗାଡି ଭଡା କରି ଖର୍ଚାନ୍ତ ହୋଇ ଚିକିତ୍ସିତ ହେବାକୁ ଆସୁଥିଲେ । ମାଓବାଦୀଙ୍କ ପିଏଲଜିଏ ସପ୍ତାହ ମାଲକାନଗିରି ଜିଲ୍ଲାରେ ସେମିତି କିଛି ପ୍ରଭାବ ପଡିନଥିବାରୁ ଅନ୍ୟାନ ଘରୋଇବସଗୁଡିକ ମାଓପ୍ରବଣ ଅଚଂଳରେ ଚଳାଚଳାକରୁଥିବା ବେଳେ କେବଳ ସରକାରୀ ବସଗୁଡିକ ଭୟରେ ବନ୍ଦକରିଦିଆ ଯାଇଥିଲା । ମାଓପ୍ରବଣ କାଲିମେଳା ମୋଟୁ, ପଡିଆ, ଏମଭି୭୯,ଅଚଂଳକୁ ଘରୋଇବସ ଓ ଛୋଟ ଯାନବାହନ ଚଳାଚଳ କରୁଥିଲେ ମଧ୍ୟ ସରାକରି ବସ ଗୁଡିକ ବନ୍ଦ ରହିଥିବାରୁ ସାଧାରଣ ଯାତ୍ରୀ ମାନେ ନାହିଁ ନଥିବା ହଇରାଣ ହେଉଥିଲେ । ଏପରିକି ମାଲକାନଗିରି ଜିଲ୍ଲାରେ ଚଳାଚଳ କରୁଥିବା ଭୁବନେଶ୍ୱର,ବ୍ରହ୍ମପୁର, ଭଜଂନଗର,ବିଶାଖାପାଟଣା, ବିଜୟନଗରମ,କୋରାପୁଟ, ଭବାନିପାଟଣା,ବାଲିମେଳା-କଟକ,ଚିତ୍ରକୋଣ୍ଡା-କଟକ,ବିଜୟନଗରମ,ବ୍ରହ୍ମପୁର,ଆସିକା,ଆଦି ଦୂରଗାମି ସରାକାରି ବସ ସହିତ ଜିଲ୍ଲା ଭିତରେ ରେ ଚଳପ୍ରଚଳ କରୁଥିବା ମୋଟୁ-କୋରାପୁଟ, କାଲିମେଳା, ମାଥିଲି, ମହୁପଦର, ମୁଦୁଲିପଡା,ଚିତ୍ରକୋଣ୍ଡା,ବାଲିମେଳା, ଖଇରପୁଟ, ତେନ୍ତୁଲିଗୁମ୍ମା,ପଡିଆ-ଜୟପୁର,ମାଲକାନଗିରି- ଜୟପୁର,ରୁଟର ସରକାରି ବସଗୁଡିକ ୧ତାରିଖ ଠାରୁ ବନ୍ଦହୋଇ ଯାଇଥିଲା, ଏହି ସବୁ ସ୍ଥାନକୁ ଗମନାଗମନର ଏକ ମାତ୍ର ମାଧ୍ୟମ ସରକାରି ବସ ହୋଇଥିବାରୁ ସେହି ସବୁସ୍ଥାନର ଗ୍ରାମବାସୀ ମାନେ ନାହିଁ ନଥିବା ହଇରାଣ ଭୋଗୁଥିଲେ । ଆଜି ଠାରୁ ମାଲକାନଗିରି ବସଷ୍ଟାଣ୍ଡ ଠାରୁ ସମସ୍ତ ସରକାରୀ ବସ ଓ ବିଜୁ ସ୍ୱାସ୍ଥ୍ୟ ଏକ୍ସପ୍ରେସ ବସ ଚଳାଚଳ ଆରମ୍ଭ କରିଥିବାରୁ ସାଧାରଣ ଯାତ୍ରୀ ଓ ରୋଗୀ ମାନେ ଆସ୍ୱସ୍ଥିଲାଭ କରିଛନ୍ତି ।