ମାଲକାନଗିରି, ୧୧ା୪ (ଓଡିଆ ପୁଅ )ଦୀର୍ଘବର୍ଷହେଲା କାଲିମେଳା ବ୍ଲକସ୍ଥ ବଡିଗେଟା ପଚାୟଂତ ବାସୀ ମାଓବାଦୀମାନଙ୍କ ଭୟରେ ଭୋଟ ଦେଇପାରୁନଥିଲେ । ଚଳିତ ନିର୍ବାଚନରେ ମାଓଗଡରେ ମତଦାନ ହୋଇପାରିଛି । ମାଓଗଡ ବଡିଗେଟା ଭୋଟକେନ୍ଦ୍ରରେ କଡାପୁଲିସ ସୁରକ୍ଷା ବଳୟରେ ଶତାଧିକ ଆଦିବାସୀ ପୁରଷ ଓ ମହିଳା ମାନେ ଲମ୍ବାଧାଡିରେ ଭୋଟ କେନ୍ଦ୍ରକୁ ଯାଇ ନିର୍ଭୟରେ ନିଜ ନିଜ ମତଦାନ ସାବ୍ୟସ୍ତକରିଛନ୍ତି । ଏହି ବୁଥରେ ୧୦୫୬ ଭୋଟର ରହିଛନ୍ତି ।ଏକଦା ମାଲକାନଗିରି ଜିଲ୍ଲାର ମାଓଗଡ ଭାବେ ଚିରପରିଚିତ ବଡିଗେଟା ପଚାଂୟତର ମାରିଗେଟା, ବଡିଗେଟା, ସାରିଗେଟା,ବଡଟେକଗୁଡା, ସାନ ଟେକଗୁଡା ଗ୍ରାମବାସୀ ମାଓବାଦୀଙ୍କ ଭୟରେ ଦୀର୍ଘ ୩୦ବର୍ଷ ଧରି ଭୋଟଦାନରୁ ବଚିଂତ ହୋଇ ଆସୁଥିଲେ । ସେହି ସବୁ ଗ୍ରାମ ପାହଡ ଘଚଂଜଙ୍ଗଲଘେରା ଅପହଁଚ ଇଲାକାରେ ହୋଇଥିବା ସେହି ଗ୍ରାମକୁ ଭଲରାସ୍ତା ଟିଏ ନଥିବାରୁ ମାଓବାଦୀ ମାନେ ପାଖଜଙ୍ଗଲରେ ଆଶ୍ରୟ ସ୍ଥଳ କରି ସେହି ସବୁଗ୍ରାମବାସୀ ମାନଙ୍କୁ ଭୟଦେଖାଇ ସେମାନଙ୍କ ସଂଗଠନରେ ସାମିଲ କରିଥାନ୍ତି । ବଡିଗେଟା,ଟେକଗୁଡା ଗ୍ରାମ ମୁଣ୍ଡରେ ମାଓବାଦୀ ମାନେ ବିରାଟ ବିରାଟ ମାଓବାଦୀ ଶହୀଦ ସ୍ତମ୍ବ ନିର୍ମାଣକରି ପୁଲିସ ପ୍ରଶାସନକୁ ଚ୍ୟାଲେଜଂ ଦେଇଥିଲେ । ସେହି ସବୁ ଗ୍ରାମ ମାଓବାଦୀଙ୍କ କବଜ୍ଜାରେ ଥିବାରୁ ସେଠାକୁ ନିର୍ବାଚନ ସମୟରେ ପୁଲିଂପାର୍ଟି ଯିବାକୁ ଭୟକରୁଥିବାରୁ କେବଳ ବଡିଗେଟା ପଚାଂୟତରେ ଭୋଟକେନ୍ଦ୍ର ଟିଏ ଲୋକଦେଖାଣିଆ ଭାବେ ହୋଇଥାଏ , ଯିଏ ଭୋଟ ଦେବ ଯା ଆଙ୍ଗୁଳି ରେ କାଳି ଚିହ୍ନଦେଖିବାକୁ ମିଳିବ ତା ହାତ କାଟିଦିଆ ଯିବ ବୋଲି ପୁର୍ବରୁ ମାବାଦୀ ମାନେ ଗ୍ରାମବାସୀ ମାନଙ୍କୁ ଧମକ ଦେଉଥିବାରୁ ସେହି ସବୁ ଗ୍ରମବାସୀ ଭୟରେ ଭୋଟଦେବାକୁ ଯାଇନ ଥାନ୍ତି । ମାଓପ୍ରବଣ ଅଚଳର ଅଧିକାଂଶ ଲୋକ ଭୋଟ କଣ ଜାଣନ୍ତି ନାହିଁ । ଚଳିତ ବର୍ଷ ସେହି ସବୁ ଗ୍ରାମବାସୀ ମାନଙ୍କର ଭୟଦୂରକରିଦେଇଛି ଜିଲ୍ଲାପୁଲିସ ପ୍ରଶାସନ ସେଠାରେ ଏକ ବିଏସଏଫ କ୍ୟାମ୍ପପ୍ରତିଷ୍ଟା ହେବା ପରେ ମାଓବାଦୀ ମାନେ ଛତ୍ରଭାଙ୍ଗଦେଇ ଅନ୍ୟତ୍ର ଜଙ୍ଗଲକୁ ପଳାଇଛନ୍ତି । ସେଠାରେ ବିଏସଏଫ କ୍ୟାମ୍ପ ହେବା ଓ ମାଓବାଦୀ ମାନେ ସେ ଗାଁରୁ ପଳାଇବା ର ଦେଖି ଗ୍ରାମବାସୀ ମାନଙ୍କ ମନରୁ ଭୟଦୂର ହୋଇ ଯାଇଛି, ଆଜି ସକାଳ ୭ଟା ଠାରୁ ବଡିଗେଟା, ଟେକଗୁଡା, ସାନଟେକଗୁଡା, ମାରିଗେଟା, ସାରିଗେଟା ଗ୍ରାମ ଶତାଧିକ ଆଦିବାସୀ ମହିଳା ଓ ପୁରଷ ଭୋଟକେନ୍ଦ୍ରକୁ ଆସି ନିର୍ଭୟରେ ଭୋଟଦେଇଥିବାର ଜଣାପଡିଛି ।