ମାହାଙ୍ଗା, ୪/୭ (ଓଡ଼ିଆ ପୁଅ /ଅଭୟ ଜେନା) କଟକ ଜିଲ୍ଲା ମାହାଙ୍ଗା ବ୍ଲକ କୁଆଁପାଳ -ସାଲେପୁର ସଡକର ବଣୁଆପୀଠ ନିକଟ ଶିକ୍ଷକ ଭବନ ସାମ୍ନାରେ ଆଜି ଏକ ମର୍ମନ୍ତୁଦ ସଡକ ଦୁର୍ଘଟଣା ଘଟିଛି।
୨ ବାଇକ ଆରୋହୀଙ୍କ ମଧ୍ୟରେ ମୁହାଁମୁହିଁ ଧକ୍କା ହେବାରୁ ସ୍କୁଟିରେ ଆସୁଥିବା ମଧୁପୁର ଅଂଚଳର ଅବସରପ୍ରାପ୍ତ ଶିକ୍ଷକ ମୁକ୍ତାର ମହମ୍ମଦଙ୍କ ଘଟଣାସ୍ଥଳୀରେ ମୃତ୍ୟୁ ହୋଇଯାଇଛି।
ଅନ୍ୟପକ୍ଷରେ କାଳିଅଣ୍ଟି ଅଂଚଳର ପ୍ରକାଶ ଭୂୟାଁ ଓ ଗଗନ ସାମଲଙ୍କୁ ଅଗ୍ନିଶମ ବାହିନୀ ସହାୟତାରେ ମାହାଙ୍ଗା ମେଡିକାଲରେ ଭର୍ତ୍ତି କରାଯାଇଛି।
ପ୍ରକାଶ ଓ ଗଗନ ଏକ ବାଇକ ଯୋଗେ ଆସୁଥିବାବେଳେ ଦୁର୍ଘଟଣାର ସମ୍ମୁଖୀନ ହୋଇଥିଲେ।
ଏମାନେ ଗୁରୁତର ଅବସ୍ଥାରେ ଚିକିତ୍ସା ହେଉଥିବା ସୂଚନା ମିଳିଛି।
