ଭଦ୍ରକ ବିଧାୟକଙ୍କ ବଦାନ୍ୟତା, ରେଳ ଷ୍ଟେସନରେ ଅଟକି ଥିବା ୩୦ ତୀର୍ଥଯାତ୍ରୀ ବସ୍ ଯୋଗେ ଭଦ୍ରକ ଫେରିଲେ

ଭଦ୍ରକ, ୩୧ା୧୦ (ଓଡ଼ିଆ ପୁଅ / ସ୍ନିଗ୍ଧା ରାୟ) – ଭଦ୍ରକ ରୁ ୩୦ରୁ ଅଧିକ ତୀର୍ଥଯାତ୍ରୀ ମକ୍କା ମଦିନା ରୁ ଉମ୍ରା ତୀର୍ଥ ସାରି ମୁମ୍ବାଇ ରୁ କୋଣାର୍କ ଏକ୍ସପ୍ରେସ ଟ୍ରେନ ରେ ଫେରୁଥିବା ବେଳେ ବିଶାଖାପାଟନମ ଷ୍ଟେସନ ର ପରବର୍ତ୍ତୀ ଷ୍ଟେସନ ରେ ଅନ୍ୟ ଏକ ଟ୍ରେନ ର ଭୟଙ୍କର ଦୂର୍ଘଟଣା ଘଟିଥିଲା । ଫଳରେ ଟ୍ରେନ ଟି ବାତିଲ ହୋଇଯାଇଥିଲା । ଏହାଯୋଗୁଁ ହଜାର ହଜାର ରେଳ ଯାତ୍ରୀ କଣ୍ଟିକପାଳୀ ଷ୍ଟେସନ ରେ ରାତି ସାରା ଫସି ରହିଥିଲେ । ଯେଉଁଥିରେ ଭଦ୍ରକ ର ମଧ୍ୟ ୩୦ ଜଣ ଯାତ୍ରୀ ଥିଲେ । ଅଟକି ଥିବା ତୀର୍ଥଯାତ୍ରୀମାନେ ଅନ୍ୟ ଉପାୟ ନ ପାଇ ଭଦ୍ରକ ବିଧାୟକ ସଞ୍ଜୀବ କୁମାର ମଲ୍ଲିକଙ୍କୁ ଯୋଗାଯୋଗ କରିଥିଲେ । ବିଧାୟକ ଶ୍ରୀ ମଲ୍ଲିକ ମାତ୍ର ଓଡିଶା ମୋ ପରିବାର ପରିବାର ସହାୟତାରେ ମାତ୍ର ଦୁଇ ଘଣ୍ଟା ଭିତରେ ବିଶାଖାପାଟନମ ଷ୍ଟେସନ ରୁ ଭଦ୍ରକ ଆସିବାକୁ ଗୋଟିଏ ଏସ୍‌ସି ବସ୍ ର ବ୍ୟବସ୍ଥା କରିଥିଲେ । ଫଳ ରେ ଦୁର୍ଦ୍ଦଶା ଭୋଗୁଥିବା ଭଦ୍ରକ ର ୩୦ରୁ ଅଧିକ ହଜ୍‌ଯାତ୍ରୀମାନେ ଭଦ୍ରକ ପହଂଚିବା ସମ୍ଭବ ହୋଇ ପାରିଥିଲା । ବିଧାୟକ ଶ୍ରୀ ମଲ୍ଳିକଙ୍କ ଏଭଳି ବଦାନ୍ୟତା ଯୋଗୁଁ ହଜଯାତ୍ରୀମାନେ ତଥା ଟାଉନ ବିଜେଡି ସଭାପତି ତାହେର ମହମ୍ମଦ, ଶିକ୍ଷକ ନେତା ତବରେଜ ଖାଁ ପ୍ରମୁଖ ବିଧାୟକଙ୍କୁ କୃତଜ୍ଞତା ଅର୍ପଣ କରିଛନ୍ତି ।