ଭଦ୍ରକ ନୂଆ ବଜାର ସରସ୍ୱତୀ ଶିଶୁ ବିଦ୍ୟାମନ୍ଦିର ମାଟ୍ରିକ୍ ପରୀକ୍ଷାରେ ଏ୧ ପ୍ରାପ୍ତ ମେଧାବୀ ସମ୍ବର୍ଦ୍ଧନା ଉତ୍ସବ

ଭଦ୍ରକ, ୯ା୫ (ଓଡ଼ିଆ ପୁଅ / ସ୍ନିଗ୍ଧା ରାୟ) – ଚଳିତ ଶିକ୍ଷାବର୍ଷ ମାଟ୍ରିକ୍ ପରୀକ୍ଷାରେ ସାରା ଓଡ଼ିଶାରେ ନୂଆବଜାର ସରସ୍ୱତୀ ଶିଶୁ ବିଦ୍ୟାମନ୍ଦିରର ଏ୧ ପ୍ରାପ୍ତ ମୋଟ ୧୩ ଜଣ ଶିଶୁମାନେ ସଫଳତାର ସହ କୃତିତ୍ୱ ଅର୍ଜନ କରିଛନ୍ତି । ସେମାନେ ହେଲେ ଦିବ୍ୟଜ୍ୟୋତି ଦାସ ୫୬୩ (୯୩.୮୩%), ସତ୍ୟମ୍ ନାୟକ ୫୫୪ (୯୨.୩୩%), ଶୁଭମ୍ କୁମାର ପତି ୫୫୦ (୯୧.୬୬%), ଶୁଭଲକ୍ଷ୍ମୀ ମଲ୍ଲିକ ୫୪୮ (୯୧.୩୩%), ସ୍ୱୟମ୍ ସ୍ୱରୂପ ନାୟକ ୫୪୭ (୯୧.୧୬%), ସାଇପ୍ରିୟା ଜେନା ୫୪୬ (୯୧%), ପ୍ରିୟାଂଶୁ ପ୍ରିୟଦର୍ଶୀ ୫୪୫ (୯୦.୮୩%), ସୋନାକ୍ଷୀ ଶୁଭଦର୍ଶନୀ ୫୪୪ (୯୦.୬୬%), ରୁଦ୍ରାଂଶୁ ଶେଖର ଷଢ଼ଙ୍ଗୀ ୫୪୧ (୯୦.୧୬%), ସବ୍ୟସାଚୀ ରାଉଳ ୫୪୦ (୯୦%), ମୋନାଲିସା ଦାସ ୫୪୦ (୯୦%), ଶ୍ରଦ୍ଧାଞ୍ଜଳି ମିଶ୍ର ୫୪୦ (୯୦%), ମଧୁସ୍ମିତା ରାୟ ୫୪୦ (୯୦%) ସ୍ଥାନ ଅଧିକାର କରିଛନ୍ତି । ଉକ୍ତ ଉତ୍ସବରେ ବିଦ୍ୟାଳୟର ପ୍ରଧାନ ଆଚାର୍ଯ୍ୟ ମାୟାଧର ଲେଙ୍କା ଅତିଥି ପରିଚୟ କରିଥିଲେ । ମୁଖ୍ୟ ବକ୍ତା ବିଦ୍ୟାଳୟ ର ସମ୍ପାଦକ ବିଭୁ ଚନ୍ଦନ ଜେନା ଶିଶୁମାନେ ଭବିଷ୍ୟତରେ ରାଷ୍ଟ୍ର ନିର୍ମାଣ କାର୍ଯ୍ୟରେ ସହାୟକ ହୁଅନ୍ତୁ ବୋଲି ମତ ରଖିଥିଲେ । ଏହି ସଫଳତା ପାଇଁ ମୁଖ୍ୟ ଅତିଥି ସାଂସଦ ଅଭିମନ୍ୟୁ ସେଠୀ କୃତିତ୍ୱ ଲାଭ କରିଥିବା ସମସ୍ତ ଶିଶୁ ଓ ଅଭିଭାବକମାନଙ୍କୁ ସମ୍ବର୍ଦ୍ଧନା କରିଥିଲେ ଓ ବିଦ୍ୟାଳୟର ସମସ୍ତ ପରିଚାଳନା ସମିତିର ସମସ୍ତ ସଦସ୍ୟ, ବିଭୁ ଚନ୍ଦନ ଜେନା (ସମ୍ପାଦକ), ବସନ୍ତ କୁମାର ମହାନ୍ତି (କୋଷାଧ୍ୟକ୍ଷ), ସର୍ବେଶ୍ୱର ମହାପାତ୍ର (ସଦସ୍ୟ), ରୀନାରାଣୀ ଯେନା, ମାୟାଧର ଲେଙ୍କା (ପ୍ରଧାନ ଆଚାର୍ଯ୍ୟ), ଓ ଗୁରୁଜୀ, ଗୁରୁମା, କୃତିତ୍ୱ ହାସଲ କରିଥିବା ସମସ୍ତ ଶିଶୁମାନଙ୍କୁ ଶୁଭେଚ୍ଛା ଓ ଅଭିନନ୍ଦନ ଜ୍ଞାପନ କରିଛନ୍ତି । ଶେଷରେ ବିଦ୍ୟାଳୟର ଆଚାର୍ଯ୍ୟା ପଦ୍ମାବତୀ ପାଢୀ ଧନ୍ୟବାଦ୍ ଅର୍ପଣ କରିଥିଲେ ।