ଭଦ୍ରକ, ୩୦ା୧୦ (ଓଡ଼ିଆ ପୁଅ / ସ୍ନିଗ୍ଧା ରାୟ) – ଆଜି ଭଦ୍ରକର ଜନଗହଳିପୂର୍ଣ୍ଣ ବନ୍ତଛକ ଠାରେ ଦେଖିବାକୁ ମିଳିଥିଲା ଏଭଳି ଅଭାବନୀୟ ଘଟଣା । ଜଣେ ବିବାହିତା ମହିଳାକୁ ଫେସ୍ବୁକ୍ରେ ବହୁବାର ପ୍ରେମ ନିବେଦନ କରିବା ସହ ମୋବାଇଲ୍ରେ ବିଭିନ୍ନ ଅଶ୍ଳୀଳ ମେସେଜ୍ ଦେଇ ଶାରୀରିକ ଓ ମାନସିକ ନିର୍ଯ୍ୟାତନା ଦେଇଆସୁଥିବା ଯୁବକକୁ ମହିଳାଙ୍କ ସଂପର୍କୀୟମାନେ ଦେଇଥିଲେ ଉତ୍ତମ ଓ ମଧ୍ୟମ । ଏହି ଘଟଣାକୁ ମନଭରି ଦେଖିଥିଲେ ବହୁ ସାଧାରଣ ଲୋକ । ଘଟଣାର ପ୍ରେକ୍ଷାପଟ ଏହିଭଳି । ବାଲେଶ୍ୱର ଜିଲା ଖଇରା ବ୍ଲକ୍ର ସଂପୃକ୍ତ ଯୁବକ ଜଣକ ସମ୍ବଲପୁରରେ ରହୁଥିବା ଜଣେ ବିବାହିତା ମହିଳାଙ୍କୁ ଫେସ୍ବୁକ୍ରେ ବାରମ୍ବାର ପ୍ରେମ ନିବେଦନ କରିଆସୁଥିଲେ । ଏପରିକି ତାଙ୍କ ମୋବାଇଲ୍କୁ ବିଭିନ୍ନ ପ୍ରକାର ଅଶ୍ଳୀଳ ମେସେଜ୍ ଦେଇ ଏକ ପ୍ରକାର ଶାରୀରିକ ଓ ମାନସିକ ନିର୍ଯ୍ୟାତନା ଦେଇଆସୁଥିଲେ । ଫଳରେ ସଂପୃକ୍ତ ମହିଳା ଜଣକ ଯୁବକଙ୍କ ଏଭଳି ଅମାନବୀୟ ବ୍ୟବହାରରେ ଅତିଷ୍ଠ ହୋଇ ନିଜ ପରିବାର ଲୋକଙ୍କୁ ଜଣାଇବା ପରେ ପୂର୍ବ ପ୍ରସ୍ତୁତି ଅନୁସାରେ ଗତକାଲି ରାତିରେ ଯୁବକ ଜଣଙ୍କୁ ଭଦ୍ରକର ବନ୍ତଛକକୁ ଡକାଯାଇଥିଲା । ମହିଳାଙ୍କ ଦ୍ୱାରା ଏଭଳି ପ୍ରେମିଳ ଆମନ୍ତ୍ରଣ ପାଇ ଯୁବକ ଜଣକ ବନ୍ତଛକରେ ପହଞ୍ôଚବା ପରେ ଛକି ରହିଥିବା ମହିଳା ଓ ପରିବାରର ସଂପର୍କୀୟ ମାନେ ତାଙ୍କୁ କାର୍ରୁ ଘୋଷାରି ଘୋଷାରି ମନଇଚ୍ଛା ଗୋଇଠା, ବିଧା ମାରି ତଳେ ଗଡାଇ ପଡାଇ ଉତ୍ତମ ମଧ୍ୟମ ଦେଇଥିଲେ । ଏହି ଘଟଣାଟି ରାସ୍ତାରେ ଯାତାୟତ କରୁଥିବା ସାଧାରଣ ଲୋକଙ୍କ ପାଇଁ ବେଶ୍ ରୋଚକ ହୋଇଥିଲା । ଘଟଣାଟି ସହରାଞ୍ଚଳ ଥାନାରେ ପହଞ୍ôଚଥିବାବେଳେ ଶେଷ ଯବନିକା କଣ ହେବ, ତାହା ଦେଖିବାକୁ ବାକି ରହିଲା ।
ବିବାହିତା ମହିଳାଙ୍କ ସହ ଫେସ୍ବୁକ୍ ପ୍ରେମ ନିବେଦନ ମହଙ୍ଗା ପଡିଲା, ସଂପର୍କୀୟଙ୍କ ମାଡରେ ଯୁବକଙ୍କ ବୁଦ୍ଧି ହଜିଗଲା,
