ଭଦ୍ରକ, ୨୬ା୧୨ (ଓଡ଼ିଆ ପୁଅ / ସ୍ନିଗ୍ଧା ରାୟ) – କରୋନାର ନୂଆ ଭାରିଆଣ୍ଟ ଓମିକ୍ରନ୍କୁ ନେଇ ସାରା ବିଶ୍ୱରେ ଚିନ୍ତା ବୃଦ୍ଧି ପାଇଥିବାବେଳେ ନିକଟରେ ଓଡ଼ିଶାରେ ଓମିକ୍ରନ୍କୁ ନେଇ ଭୟ ସୃଷ୍ଟି ହୋଇଛି । ଆଉ ଭଦ୍ରକ ଜିଲାରେ କୋଭିଡ୍ ଆକ୍ରାନ୍ତ ଚିହ୍ନଟ ହୋଇଥିବା ପ୍ରଶାସନିକ ସୂତ୍ରରୁ ଜଣାଯାଇଛି । ଏମାନଙ୍କ ମଧ୍ୟରେ ଭଦ୍ରକ ପୌରପାଳିକା ୧୮ନଂ ୱାର୍ଡ ମୁଲଣାସାହି ଅଂଚଳର ବିଦେଶ (ସାଉଦି ଆରଫ) ଫେରନ୍ତା ବୋଲି ଜଣାଯାଇଛି । ତେବେ ଦୁବାଇ ଫେରନ୍ତା ସହରାଞ୍ଚଳ ଅଧିବାସୀ କୋଭିଡ୍ ଆକ୍ରାନ୍ତ ଚିହ୍ନଟ ହେବା ପରେ ଭଦ୍ରକ ଜିଲାର ଓମିକ୍ରନ୍ ଭୟ ଘାରିଛି । ସ୍ୱାସ୍ଥ୍ୟ ବିଭାଗ ସୂଚନା ଅନୁଯାୟୀ ଗତ ନଭେମ୍ବର ମାସରୁ ଓମିକ୍ରନ୍ ସଂକ୍ରମଣକୁ ଗୁରୁତ୍ୱ ଦେଇ ବିଦେଶ ଫେରନ୍ତାଙ୍କ ଉପରେ ଜିଲାର ସର୍ଭିଲେନ୍ସ ବା ସର୍ଭେକ୍ଷଣକୁ କଡାକଡି କରାଯାଇଛି । ବିଦେଶ ଫେରନ୍ତା ଜିଲାକୁ ଆସିଛନ୍ତି । ସହରାଞ୍ଚଳ ୧୮ ନଂ ୱାର୍ଡ ମୁଲନାସାହି ବାସିନ୍ଦା ଏହି ବିଦେଶ ଫେରନ୍ତା ଭଦ୍ରକକୁ ଫେରିବା ପରେ ପ୍ରଶାସନ ଓ ସ୍ୱାସ୍ଥ୍ୟ ବିଭାଗ ଚିନ୍ତା ବଢିଛି । କୋଭିଡ୍ ଆକ୍ରାନ୍ତଙ୍କୁ ସ୍ୱାସ୍ଥ୍ୟ ବିଭାଗ ପକ୍ଷରୁ ଜିଲା ହସ୍ପିଟାଲ ପରିସରରେ ଥିବା କୋଭିଡ୍ ୱାର୍ଡକୁ ଆଣି ରଖାଯାଇଛି । ଆଉ ଓମିକ୍ରନ୍ ଭାରିଆଣ୍ଟ ଠାବ ପାଇଁ ତାଙ୍କର ଜେନମସିକୁଏନ୍ସ (ଡବ୍ଲ୍ୟୁଜିଏସ୍) ପରୀକ୍ଷା ପାଇଁ ଭୁବନେଶ୍ୱର ସ୍ଥିତ (ଆଇଏଲ୍ଏ) ଇନ୍ଷ୍ଟିଚ୍ୟୁଟ ଅଫ୍ ଲାଇଫ୍ ସାଇନ୍ସକୁ ତାଙ୍କ ନମୁନା ପଠାଯାଇଛି ବୋଲି ଜିଲା ମୁଖ୍ୟ ଡାକ୍ତର ସନ୍ତୋଷ କୁମାର ପାତ୍ର ସୂଚନା ଦେଇଛନ୍ତି । ଏହି ରିପୋର୍ଟ ଦେଢଦିନରେ ଆସିବା ପରେ ଓମିକ୍ରନ୍ ଆଶଙ୍କା ଦୂର ହେବ ବୋଲି ମୁଖ୍ୟ ଚିକିତ୍ସାଧିକାରୀ ଡାକ୍ତର ପାତ୍ର କହିଛନ୍ତି । ତେବେ ପୌରପାଳିକା ଦ୍ୱାରା ମୁଲନାସାହିକୁ ମାଇକ୍ରୋ କଣ୍ଟେନମେଣ୍ଟ ଜୋନ୍ ଘୋଷଣା କରାଯିବା ସହ ସାନିଟାଇଜର ଓ ସଫାସୁତୁରା ମଧ୍ୟ କରାଯାଇଛି ।
ବିଦେଶ ଫେରନ୍ତାଙ୍କ ପଜିଟିଭ୍ ପରେ ଭଦ୍ରକରେ ଘାରିଲା ଓମିକ୍ରନ୍ ଭୟ, ୧୮ ନଂ ୱାର୍ଡ ମୁଲନାସାହିରେ ମାଇକ୍ରୋ କଣ୍ଟେନମେଣ୍ଟ ଜୋନ୍ ଘୋଷଣା
