ପୁରୁଣା ବଜାର ରାସ୍ତାର ଉନ୍ନତି କାର୍ଯ୍ୟ ଚାଲିଛି, ଉପକୃତ ହେବେ ସ୍ଥାନୀୟ ବାସିନ୍ଦା, ମା’ ଭଦ୍ରକାଳୀ ମନ୍ଦିରକୁ ରାସ୍ତା ହେବ ସୁଗମ

ଭଦ୍ରକ, ୫ା୯ (ଓଡ଼ିଆ ପୁଅ / ସ୍ନିଗ୍ଧା ରାୟ) – ଓଡ଼ିଶା ସରକାରଙ୍କ ୱାର୍କସ ବିଭାଗ ଦ୍ୱାରା ପ୍ରକାଶିତ ବିଜ୍ଞପ୍ତି ଅନୁଯାୟୀ ପୁରୁଣା ବଜାରରୁ ଓଡ଼ିଶା ପ୍ରସିଦ୍ଧ ଭଦ୍ରକର ମା ଭଦ୍ରକାଳୀ ମନ୍ଦିର ପର୍ଯ୍ୟନ୍ତ ୮ କି.ମି. ରାସ୍ତା ଆର.ଡ଼ି. ବିଭାଗରୁ ପୂର୍ତ୍ତ ବିଭାଗକୁ ହସ୍ତାନ୍ତର କରାଯାଇଛି । ଏହି ରାସ୍ତାକୁ ଓ.ଡ଼ି.ଆର୍ (ଅଦର ଡିଷ୍ଟ୍ରିକ୍ଟ ରୋଡ଼୍‌) ହିସାବରେ ମଧ୍ୟ ଘୋଷଣା କରାଯାଇଛି । ଏହି ପରିପ୍ରେକ୍ଷୀରେ ପ୍ରାପ୍ତ ସୂଚନା ଅନୁଯାୟୀ ପୂର୍ତ୍ତ ବିଭାଗ ଭଦ୍ରକ ଦ୍ୱାରା ମୋଚି ଛକରୁ ଉତ୍ତର ବାହିନୀ ପର୍ଯ୍ୟନ୍ତ ରାସ୍ତା କାମ ଚାଲୁଅଛି । ପୂର୍ବ ରାସ୍ତାର ପ୍ରଶସ୍ତି କରଣ ସହିତ କଂକ୍ରିଟ କରାଯାଇ ରାସ୍ତାର ସୁଦୃଢ଼ିକରଣ ଓ ସମତଳ କରାଯାଉଛି । ଏହି ରାସ୍ତା ନିର୍ମାଣ ଦ୍ୱାରା ସ୍ଥାନୀୟ ବାସିନ୍ଦା ଯଥେଷ୍ଟ ଉପକୃତ ହେବା ସହିତ ମା ଭଦ୍ରକାଳୀ ମନ୍ଦିରକୁ ଯାତାୟତ ପାଇଁ ରାସ୍ତା ଗମନାଗମନ ଉପଯୋଗୀ ହେବ ।