ଭଦ୍ରକ, ୨୧ା୩ (ଓଡ଼ିଆ ପୁଅ / ସ୍ନିଗ୍ଧା ରାୟ) – ସରକାର ଜନସାଧାରଣ ଙ୍କର ସୁଖପ୍ରଦ ଯାତ୍ରା ପାଇଁ କୋଟି କୋଟି ଟଙ୍କାଖର୍ଚ୍ଚ କରି ଯାତାୟତ ରାସ୍ତା ଓ ନଦୀ ଉପରେ ପକ୍କା ପୋଲ ନିର୍ମାଣ କରୁଛନ୍ତି । ହେଲେ ଦୀର୍ଘ ବର୍ଷ ହେବ କପାଳୀ ନଦୀ ଉପରେ ନିର୍ମାଣ ହୋଇଥିବା ପକ୍କା ପୋଲର ବାଡ଼ା ଭାଙ୍ଗି ତାହାର ଅବସ୍ଥା ସଂଗୀନ ହୋଇଥିବା ବେଳେ ,ଏହାର ଉଭୟ ପଟକୁ ସଂଯୋଗ କରିଥିବା ଆପ୍ରେଚ ରାସ୍ତା ନିର୍ମାଣ ହୋଇନି । ଫଳରେ ମୁଖ୍ୟ ରାସ୍ତାରୁ ଉକ୍ତ ପୋଲକୁ ସଂଯୋଗୀ ରାସ୍ତା ନିର୍ମାଣ ହୋଇନଥିବାରୁ ତାହା ଦିନକୁ ଦିନ କ୍ଷୟ ହୋଇ କପାଳୀ ପାଟିରେ ଏହା ଲୀନ ହେବାର ସଂଭାବନା ସୃଷ୍ଟିହୋଇଛି । ବନ୍ତ ବ୍ଳକ ଏହି ପଂଚାୟତ ଅଧିନ ବାଙ୍ଗୋରପଦୀ ଗ୍ରାମ ପାଶ୍ୱର୍ଦେଇ କେଉଁ ଆବାହମାନ କାଳରୁ ପ୍ରବାହିତ ହୋଇଛି କ୍ଷୀଣ ପ୍ରଭା କପାଳୀ ନଦୀ । ଏହା ଉପରେ ଏକ ଏକପକ୍କା ପୋଲ ନିର୍ମାଣ ପାଇଁ ଗ୍ରାମବାସୀଙ୍କ ପକ୍ଷରୁ ବହୁ ବର୍ଷ ଧରି ଦାବି ହୋଇଥିଲା । ଯା ହେଉ ବହୁ ବିଳମ୍ବରେ ହେଉପଛେ ଉକ୍ତ ପଦୀ ଉପରେ ଦୀର୍ଘ ପନ୍ଦର ବର୍ଷରୁ ଅଧିକ ହେବ ଏକ ପକ୍କା ପୋଲ ନିର୍ମାଣ କରାଯାଇଥିଲା । ହେଲେ ଉକ୍ତ ପୋଲ ନିର୍ମାଣ ହେବାର ଦୀର୍ଘ ବର୍ଷ ଅତିବାହିତ ହୋଇ ଏହାର ଉଭୟ ପାଶ୍ୱର୍ର ବାଡ଼ା ଭାଙ୍ଗିବାକୁ ବସିିଏହାର ଅବସ୍ଥା ଦିନକୁ ଦିନ ସଂଗୀନ ହୋଇଛି । ଏହାର ପାଖ ଦେଇ ଯାଇଥିବା ବନ୍ତ ଆଗରପଡ଼ା ରାସ୍ତାର ବାଙ୍ଗୋରପଦୀ ଛକଠାରୁ ପକ୍ମା ପୋଲ ପଯ୍ୟନ୍ତ ରାସ୍ତା ନିର୍ମାଣ ହୋଇନି । ।
ଏହାର ପାଶ୍ୱର୍ରେ ମାଧବାନଂଦ , ଗିରିଧାରୀ ମାଧ୍ୟମିକ ଉଚ୍ଚ ବିଦ୍ୟାଳୟ ଅବସ୍ଥିତ ରହିଛି । ଏହି ରାସ୍ତା ମଧ୍ୟ ମୁଖ୍ୟ ରାସ୍ତା ପାଖରୁ ବାହାରି ୫୩ ନଂ ରାଜ ପଥର ଟିଲୋ ଜାଗୁଳାଇପଦା କୁ ସଂଯୋଗ କରିଛି । କପାଳୀ ନଦୀ ପାଶ୍ୱର୍ରେ ଦୁଇଗୋଟି ଗ୍ରାମ ବାଙ୍ଗୋରପଦୀ,ଜଗଦିଶ ପୁର ଅବସ୍ଥିତ ରହି ଥିବାରୁ ସାମାନ୍ୟ ବର୍ଷା ହେଲେ ଏହି ରାସ୍ତା ଉପରେ ପାଂଚଫୁଟ ଉଚ୍ଚର ବନ୍ୟା ଜଳ ସୃଷ୍ଟି ହୁଏ । ଏହାର ପାଖରେ ବିଦ୍ୟାଳୟ ,ପୋଷ୍ଟ ଅଫିସ ଅବସ୍ଥିତ ଥିବାରୁ ପ୍ରତିଦିନ ଗ୍ରାମବାସୀଙ୍କ ସମେତ ଛାତ୍ରଛାତ୍ରୀ ମାନେ ଏହାକୁ ନିଜର ଯାତାୟତ ରାସ୍ତା ଭାବେ ଗ୍ରହଣ କରିଥାନ୍ତି । ବର୍ଷା ଦିନରେ ପୋଲର ଉଭୟପାଶ୍ୱର୍ର ରାସ୍ତା ସଂପୁର୍ଣ୍ଣ ବୁଡ଼ି ଯିବାରୁ ଛାତ୍ରଛାତ୍ରୀଙ୍କଠାରୁ ଗ୍ରାମବାସୀ ଉକ୍ତ ରାସ୍ତା କୁ ଛାଡ଼ି ଦେଢ଼ କିମି ରାସ୍ତା ଅତିକ୍ରମ କରି ଦୋଳପଦୀ କିମ୍ବା ସଖିପାଟଣା ଛକ ରାସ୍ତା ଦେଇ ଉକ୍ତ ସ୍ଥାନରେ ପହଁଚିଥାନ୍ତି । ପୁରାତନ ପୋଲର ବାଡ଼ା ଗୁଡ଼ିକ ଭାଙ୍ଗିଯାଇଥିବାରୁ ଏହା ଗ୍ରାମବାସୀ , ଛାତ୍ରଛାତ୍ରୀ ଓ ପଶୁମାନଙ୍କ ପାଇଁ ବିପଦ ସାଜିଛି । ମୁଖ୍ୟ ରାସ୍ତାରୁ ନଦୀ ପୋଲ ପର୍ଯ୍ୟନ୍ତ ମାତ୍ର ପାଂଚଶହ ମିଟର ରାସ୍ତା ଥିବା ବେଳେ ଆରଡ଼ି ବିଭାଗ କିମ୍ବା ପଂଚାୟତ ପକ୍ଷରୁ ଏହାର ନିର୍ମାଣ ହୋଇପାରିନି । ଉକ୍ତ ରାସ୍ତା ନିର୍ମାଣ ନହେବାରୁ ଏହାର ପାଶ୍ୱ ଦେଇ ଯାଉଥିବା କପାଳୀ ନଦୀ ରେ ପ୍ରତିବର୍ଷ ବନ୍ୟ ଆସି ଯାତାୟତ ରାସ୍ତା କ୍ରମଶଃ କ୍ଷୟ ହେବାକୁ ବସିଛି । ଏହି ସମସ୍ୟାକୁ ବିଭାଗୀୟ ଅଧିକାରୀ ଉପଲବ୍ଧ କରିି ଏହାର ସମାଧାନ କରିବାକୁ ଅଂଚଳବାସୀ ଙ୍କ ତରଫରୁ ଦାବି ହେଉଛି ।