ନୟାଗଡ(ଓଡିଆ ପୁଅ/ଦେବୀପ୍ରସାଦ ଆଚାର୍ଯ୍ୟ)/୧୬/୧୧- ପ୍ରତିବର୍ଷ ଧାନ ପାଚିଲା ସମୟକୁ ଲଘୁଚାପ ଜନିତ ବର୍ଷା ଲାଗି ରହୁଛି । ଯାହାଫଳ ରେ ପ୍ରକୃତି ଚାଷି ଉପରେ ଦାଉ ସାଧିଲା ଭଳି ଅନୁଭବ ହେଉଛି । ଧାନ ପାଚିଲା ପରେ ପାଚିଲା ଧାନ କୁ କାଟି ଚାଷୀ ଖୁସି ବ୍ୟକ୍ତ କରୁଥିଲେ । କିନ୍ତୁ କଟା ହୋଇଥିବା ପାଚିଲା ଧାନ ଜମି ଉପରେ ବର୍ଷା ପାଣି ଲାଗି ରହିବା ଯୋଗୁଁ ଧାନ ସବୁ ବିଲ ରେ ଜଗା ହେବାକୁ ବସିଲାଣି । ଏ ଭଳି ଦେଖିବାକୁ ମିଳିଛି ରଣପୁର ର ମନ୍ଦାକିନୀ ଓ କଙ୍କଡାଝର ନଦୀ ଅବବାହିକା ତଳିଆ ଅଂଚଳ ରେ ।
ଲତାର ମୈାଜାର ପ୍ରଫୁଲ ରାୟ ଙ୍କର ଏକର ଏକର କଟା ଧାନ ଜମିରେ ପଡି ଏବେ ଗଜା ହେବାକୁ ବସିଲାଣି । ସେହିଭଳି ନନ୍ଦପୁର ମୈାଜା ର ସନ୍ତୋଷ ମୁଦୁଲି , ଟୁଙ୍ଗା ମୁଦୁଲି ଙ୍କ ଠାରୁ ଆରମ୍ଭ କରି ଅନେକ ଚାଷୀ ଗଜା ଧାନ ଗୋଛା କରି ଆଣି ଅମଳ କରିବାରେ ବ୍ୟସ୍ତ । କିନ୍ତୁ ଅମଳ ହୋଇଥିବା ଗଜା ଧାନ ଆଉ ଚାଉଳ ବାହାରିବା ଯୋଗ୍ୟ ନୁହେଁ । ସେହି ଧାନ କୁ ନେଇ ଚାଷୀ ମୁଣ୍ଡରେ ଚଡକ ପଡିଥିବା କୁହାଯାଉଛି । ବର୍ଷ ଯାକର ଖାଦ୍ୟ ଚିନ୍ତା ସାଙ୍ଗକୁ ଋଣ ସୁଝିବା ଚିନ୍ତା ଚାଷୀ କୁ ଘାରିଲାଣି । ସରକାରୀ ସହାୟତା ଆଶା ରେ ଧାନ ଚାଷୀ ।
