ମାଲକାନଗିରି,୧୯ା୧୨ (ଓଡିଆ ପୁଅ ) ମାଲକାନଗିରି ଜିଲ୍ଲାରେ ଏକ ଆଭାବନୀୟ ଘଟଣା ଘଟି ଯାଇଛି,ଜଣେ ନାବାଳକକୁ ଦୁଷ୍କର୍ମ କରି ଫେରା ହୋଇ ଯାଇଥିବା କାମୁକ ଯୁବକ କୁ ପୁଲିସ ବେଙ୍ଗାଲୁର ସହରରୁ ଗିରଫ କରିବାରେ ସଫଳ ହୋଇଛନ୍ତି । ଆଜି ମାଲକାନଗିରି ଜିଲ୍ଲାପୁଲିସ କାର୍ଯ୍ୟାଳୟ ଠାରେ ଆୟୋଜିତ ସାମ୍ବାଦିକ ସମ୍ମିଳନୀରେ ଏସପି ଜଗମୋହନ ମୀନା ଗିରଫ କାମୁକ ଯୁବକକୁ ପ୍ରଦର୍ଶନ କରି ତାଙ୍କ କୁକର୍ମ ସଂପର୍କରେ ସୁଚନା ଦେଇଥିଲେ । ମାଲକାନଗିରି ଜିଲ୍ଲା ମୋଟୁ ଥାନାସ୍ଥ ଏମପିଭି୮୨ ଗ୍ରାମର ବାପି ରାୟ(୨୫) ନାମକ ଯୁବକ ତାଙ୍କ ଗାଁ ଖେଳ ପଡିଆ ରେ ଭଲିବଲ ଖେଳୁଥିବା ଜଣେ ନାବାଳକୁ ପାଖକୁ ଡାକିଥିଲେ । ସେ ନିକଟକୁ ଆସିବାରୁ ତାକୁ ମଟର ସାଇକେଲରେ ବସାଇ ଏମଭି୭୯ ବଜାରକୁ ନେଇ ଚିକେନ ପକଡା ଖୁଆଇଥିଲେ । ପକଡା ଖାଇସାରିଲା ପରେ ମୋବାଇଲରେ ସିନେରି ଫଟୋ ଫଠାଇବା କହି ରାସ୍ତାକଡରେ ଥିବା ପାହଡ ନିକଟକୁ ନେଇ ଯାଇଥିଲେ । କିଛି ଫଟୋ ଉଠାଇବାପରେ ବାପି ସେହି ନାବାଳକୁ ଜଙ୍ଗଲ ଭିତରକୁ ନେଇ ଜବରଦସ୍ତ ତାସହିତ ଦୁଷ୍କର୍ମ କରିଥିଲେ । ନାବାଳକ ଟି ରକ୍ତାକ୍ତ ହୋଇ କାନ୍ଦିବାରୁ ତାକୁ ୧୫୦ଟଙ୍କା ଦେଇ ଏ ବିଷୟରେ କାହାକୁ କହିଲେ ତୋତେ ଜୀବନରୁ ମାରିଦେବି ଧମକାଇଥିଲେ, ନାବାଳକ ଟି ର ଚେତା ବୁଡି ଯିବାରୁ ବାପି ତରବରିଆ ଭାବେ ତାକୁ ସେଠାରେ ଛାଡିଦେଇ ପଳାଇଥିଲେ । କିଛି ସମୟପରେ ପିଡିତ ନାବାଳକର ଚେତା ଫେରିବାରୁ ସେ ବହୁକଷ୍ଟରେ ତାଙ୍କ ଘରକୁ ଯାଇ ସମସ୍ତ ବିଷୟ କହିଦେଇଥିଲେ । ପରିବାର ଲୋକେ ତାକୁ ଡାକ୍ତରଖାନା ନେଇ ଚିକିତ୍ସା କରି ମୋଟୁ ଥାନାରେ ଏକ ଏତଲା ଦେବାରୁ ଗିରଫ ହେବାଭୟରେ କାମୁକ ଯୁବକ ବାପି ଗାଁ ଛାଡି ଫେରାର ହୋଇ ଯାଇଥିଲେ । ଏହି ଘଟଣା ଗତ ୨୧.୮.୨୦୧୮ ରେ ଘଟିଥିଲା । ୨୨.୮.୨୦୧୮ରେ ଥାନାରେ ଏତଲା ଦେବାପରେ ପୁଲିସ ତଦନ୍ତ ଆରମ୍ଭ କରି ବିଭିନ୍ନ ସ୍ଥାନରେ ଖୋଜା ଖୋଜି ଚଳାଇଥିଲେ । ମାଲକାନଗିରି ପୁଲିସ ଫେରାର ବାପିର ମୋବାଇ ଟ୍ରାକିଂ କରି ଜାଣିବାକୁ ପାଇଲେ ଯେ ବାପି ବେଙ୍ଗାଲୁର ସହରରେ ଆତ୍ମଗୋପନ କରିଛି,ମାଲକାନଗିରି ଜିଲ୍ଲାପୁଲିସର ଏକ ସ୍ୱତନ୍ତ୍ର ଟିମ ବେଙ୍ଗାଲୁର ଯାଇ ଅଭିଯୁକ୍ତ ବାପିରାୟ ଙ୍କୁ ଗିରଫ କରି ମାଲକାନଗିରି ଆଣିବାରେ ସଫଳ ହୋଇଛନ୍ତି , ଗିରଫ ଯୁବକକୁ ମୋଟୁ ଥାନା କେସ ନମ୍ବର ୨୦ ୨୨.୮.୨୦୧୮ ତାରିଖ ଭାରତୀୟ ପିଙ୍ଗଳ କୋର୍ଡ ଏସ୩୬୩ /୩୭୭ / ୩୨୩ /୫୦୬ /ଆରଡବ୍ଲୁ ସେକ୍ସନ ୬ ପୋସ୍କୋ ଦଫା ଲାଗୁକରି କୋର୍ଟ ଚାଲାଣ କରା ଯାଇଛି ବୋଲି ଏସପି ଶ୍ରୀ ମୀନା ସାମ୍ବାଦିକ ସମ୍ମିଳନୀରେ ସୁଚନା ଦେଇଛନ୍ତି । ଏହି ସମ୍ବାଦିକ ସମ୍ମିଳନୀରେ ଅନ୍ୟାନ ମାନଙ୍କ ମଧ୍ୟରେ ମୋଟୁ ଥାନାଅଧିକାରୀ ଓ ରିଜର୍ଭପୁଲିସ ଇନିସପେକ୍ଟର ସ୍ୟାମସୁନ୍ଧର ସୋରେନ ଙ୍କ ସହିତ ଅନ୍ୟାନ ପୁଲିସ ଅଧିକାରୀ ମାନେ ଉପସ୍ଥିତ ଥିଲେ ।