ଭୁବନେଶ୍ୱର ୧୯/୧୧ (ଓଡ଼ିଆ ପୁଅ) – କେନ୍ଦ୍ର ବିଜେପି ସରକାର ଗତ ବର୍ଷେ ତଳେ ଯେଉଁ ତିନୋଟି କୃଷି ଆଇନ ପ୍ରଣୟନ କରିଥିଲେ ଏହା ସମ୍ପୂର୍ଣ୍ଣ କୃଷି ଓ କୃଷକ ବିରୋଧୀ। ଯଦ୍ୱାରା ପୁଞ୍ଜିପତିମାନେ ଲାଭ ଉଠାଇବା ବେଳେ ଚାଷୀମାନେ ତଳିତଳାନ୍ତ ହୋଇଥାନ୍ତେ। ଏହି ନୀତିର ବିରୋଧ କରି ସମଗ୍ର ଭାରତ ବର୍ଷର ଚାଷୀସଂଗଠନ ବିଶେଷ କରି ଭାରତୀୟ ଜାତୀୟ କଂଗ୍ରେସ ଓ ଆମ ପ୍ରିୟ ନେତା ଶ୍ରୀ ରାହୁଳଗାନ୍ଧୀଙ୍କ ନେତୃତ୍ୱରେ ସଂସଦ ବାହାରେ ଓ ସଂସଦ ଭିତରେ ଯେପରି କଳା କୃଷି ଆଇନକୁ ବିରୋଧ ଜାରି ରଖିଲେ ଏବେ ତାହାର ଫଳ ମିଳିଲା। ମୋଦି ସରକାର ଏଥିରେ ମୁଣ୍ଡ ନୁଆଇଁଲେ ଓ କରିଥିବା ଅକ୍ଷମଣୀୟ ଅପରାଧ ପାଇଁ ଦେଶବାସୀଙ୍କୁ କ୍ଷମା ମାଗିଲେ। ଯାହାକି ଚାଷୀଙ୍କର ଐତିହାସିକ ବିଜୟ। କିନ୍ତୁ ଏହି ଆଇନକୁ ସାମ୍ବିଧାନିକ ପ୍ରକ୍ରିୟାରେ ତୁରନ୍ତ ପ୍ରତ୍ୟାହାର କରାଯିବା ସହ ଏମଏସ୍ପିକୁ ଆଇନଗତ ମାନ୍ୟତା ନ ମିଳିବା ପର୍ଯ୍ୟନ୍ତ ଚାଷୀ ଆନ୍ଦୋଳନ ଜାରି ରହିବ ଏବଂ ଏଥିରେ କିଷାନ କଂଗ୍ରେସ ସମ୍ପୂର୍ଣ୍ଣ ଦୃଢ଼ ସମର୍ଥନ ଦେବ ବୋଲି ଓଡ଼ିଶା ପ୍ରଦେଶ କିଷାନ କଂଗ୍ରେସ ଅଧ୍ୟକ୍ଷ ଅମୀୟ କୁମାର ପଟ୍ଟନାୟକ ଏକ ପ୍ରେସ ବିଜ୍ଞପ୍ତିରେ ଜଣାଇଛନ୍ତି।
ତିନି କଳା କୃଷି ଆଇନ ପ୍ରତୟାହାର ଚାଷୀସମାଜର ଐତିହାସିକ ବିଜୟ:କିଷାନ କଂଗ୍ରେସ
