ଜେଜେ ମା, ଜେଜେ ବାପା ,ଅଜା, ଆଇଙ୍କୁ ନେଇ ବଡ଼ବିଲ ସରସ୍ୱତୀ ଶିଶୁ ବିଦ୍ୟାମନ୍ଦିରରେ ଏକ ସମ୍ମିଳନୀ

ବଡ଼ବିଲ,ତା ୧୭ ନଭେମ୍ବର (ଓଡ଼ିଆ ପୁଅ/ସୀତାରାମ ଦୀକ୍ଷିତ) କେନ୍ଦୁଝର ଜିଲ୍ଲା ବଡ଼ବିଲ ସରସ୍ୱତୀ ଶିଶୁ ବିଦ୍ୟାମନ୍ଦିରରେ ଜେଜେ ମା ଜେଜେ ବାପା ବା ଅଜା ଆଇମାନଙ୍କୁ ନେଇ ଏକ ସମ୍ମିଳନୀ ଅନୁଷ୍ଠିତ ହୋଇଯାଇଛି । ଖବର ଅନୁଯାୟୀ ଆଜି ଦିନ ୧୦ ଘଟିକା ସମୟରେ ବିଦ୍ୟାଳୟରେ ପାଠାୟନ କରୁଥିବା ଛାତ୍ରଛାତ୍ରୀମାନଙ୍କ ଜେଜେ ବାପା, ଜେଜେ ମା ବା ଅଜା, ଆଇମାନଙ୍କୁ ନେଇ ଏହି ସମ୍ମିଳନୀ ଅନୁଷ୍ଠିତ ହେଇଥିଲା । ବିଦ୍ୟାଳୟର ପ୍ରଧାନ ଆଚାର୍ଯ୍ୟ ଡମ୍ବରୁଧର ମହାନ୍ତଙ୍କ ଅଧ୍ୟକ୍ଷତାରେ ସଭା କାର୍ଯ୍ୟ ଅନୁଷ୍ଠିତ ହୋଇଥିଲା । ଉକ୍ତ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଅବସରପ୍ରାପ୍ତ ଅଧ୍ୟକ୍ଷ ଶ୍ରୀଯୁକ୍ତ ସରୋଜ ମହାପାତ୍ର ଯୋଗ ଦେଇ ତାଙ୍କର ବକ୍ତବ୍ୟ ପ୍ରଦାନ କରିଥିଲେ । ଆଚାର୍ଯ୍ୟା ରଶ୍ମିରେଖା ନାଏକ ଧନ୍ୟବାଦ ଅର୍ପଣ କରିଥିଲେ । ଜେଜେ ବାପା ଜେଜେ ମା ମାନେ ନିଜ ନିଜର ପରିଚୟ ଦେଇଥିବା ସହ ଅନୁଭୂତି ପ୍ରଦାନ କରିଥିଲେ । ଏଥିସହ ସଂଗୀତ ଓ ବିଭିନ୍ନ ଖେଳ କରାଯାଇ ପୁରସ୍କାର ପ୍ରଦାନ କରାଯାଇଥିଲା । ଆଚାର୍ଯ୍ୟା ଶ୍ରୀମତି ନନ୍ଦିନୀ ମହାନ୍ତି, ପୁଷ୍ପ ଶ୍ରୀପତି, ରଞ୍ଜିତାରାଣୀ ଦାସ, ମନ୍ଦାକିନି ବାରିକ, କବିଲତା ମହାନ୍ତ, ସାବିତ୍ରୀ ନାଏକ ମଧୁସ୍ମିତା ଭୋଇ ଓ ଆଚାର୍ଯ୍ୟ ଶ୍ରୀଯୁକ୍ତ ବସନ୍ତ ବାରିକ, ନଳିନୀକାନ୍ତ ମହାନ୍ତ, ମଦନମୋହନ ସାମଲ, ନରେଶ ମହାନ୍ତ, ଚନ୍ଦନ ମହାନ୍ତ, ଇନ୍ଦୁମତି ମହାନ୍ତ ,ଗୋବର୍ଦ୍ଧନ ଗିରି, ଶରତ ଚନ୍ଦ୍ର ପାତ୍ର ପ୍ରମୁଖ ଯୋଗ ଦେଇ କାର୍ଯ୍ୟକ୍ରମକୁ ପରିଚାଳନା କରିଥିଲେ ।