ଚୋରୀକୁ ଧରିବାର ୩୬ ଘଂଟାରେ ପରେବି ଚାନ୍ଦବାଲି ଥାନାରେ ହେଉନି ମାମଲା, ପ୍ରତିବାଦରେ ଏସଡ଼ିପିଙ୍କ କାର୍ଯ୍ୟାଳୟ ଘେରିଲେ କୁଚୁଳୀଆଡ଼ିଆ ୱାର୍ଡ଼ବାସୀ

ଭଦ୍ରକ, ୧୦ା୭ (ଓଡ଼ିଆ ପୁଅ / ସ୍ନିଗ୍ଧା ରାୟ) – ଚୋର ଓ ଡ଼କାୟତଙ୍କ ପାଇଁ ଓଳିଲାତି କରୁଛନ୍ତି ଚାନ୍ଦବାଲି ଥାନା ଅଧିକାରିଣୀ, ପୋଲିସ ହାତରେ ଚୋର ଧରାପଡ଼ିବାର ୩୬ ଘଂଟା ପରେ ମଧ୍ୟ ହେଉନି କାର୍ଯ୍ୟାନୁଷ୍ଟାନ । ଓଲଟା ଅଭିଯୋଗ କାରୀଙ୍କୁ ଦିଆଯାଉଛି ଧମକ । ଏମିତି ଘଟଣା ଦେଖିବାକୁ ମିଳିଛି ଚାନ୍ଦବାଲି ଥାନା ଅଧିନ ସୋମପୁର କୁଚୁଳିଆଡ଼ିଆ ଅଂଚଳରୁ । ୨ ଜଣ ଚୋର ଏକ ଚିଙ୍ଗୁଡ଼ି ଫାର୍ମରୁ ଚିଙ୍ଗୁଡ଼ି ଖାଦ୍ୟ ପ୍ୟାକେଟ ଚୋରି କରୁଥିବା ସମୟରେ ଫାର୍ମରେ କାର୍ଯ୍ୟରତ କର୍ମଚାରୀ ମାନେ ଚୋରୁଙ୍କୁ ଧରି ପୋଲିସରେ ଜିମା ଦେଇଥିଲେ । ହେଲେ ଅଭିଯୋଗ କାରୀଙ୍କ ଲିଖିତ ଅଭିଯୋଗର ୩୬ ଘଂଟା ପରେ ମ୍ମ ପୋଲିସ କେବଳ ଚୋର ମାନଙ୍କୁ ଅଟକ ରଖି ଚୁପ ହୋଇ ବସିଛି । ଅନ୍ୟପଟେ ଥାନା ଅଧିକାରୀଣୀ ଅଭିଯୋଗ କାରୀଙ୍କୁ ଥାନାକୁ ଡ଼କାଇ ଓଲଟା କେସ ଦଫାରଫା କରିବାର ଚାପ ଦେବା ପରେ ଅଭିଯୋଗକାରୀ ଓ ଅନ୍ୟ ଚିଙ୍ଗୁଡ଼ି ଫାର୍ମ କର୍ମଚାରୀ ନ୍ୟାୟ ପାଇଁ ଏସ ଡ଼ି ପିଓଙ୍କ ନିଟକରେ ଦ୍ୱାରସ୍ଥ ହେବା ସହ ନ୍ୟାୟ ଭିକ୍ଷା କରିଛନ୍ତ ।