ମାଲକାନଗିରି,୨୩ା୧(ଓଡିଆ ପୁଅ) ମାଲକାନଗିରି ଜିଲ୍ଲା ଅଗ୍ନିଶମ ବିଭାଗ ପକ୍ଷରୁ ଗନ୍ଧିପାଲି ଗ୍ରାମଠାରେ ଥିବା ଓଡିଶା ଆଦର୍ଶ ବିଦ୍ୟାଳୟ ପରିସରରେ ଅଗ୍ନିନିର୍ବିପାକ ଓ ପ୍ରାଥମିକ ଚିକିତ୍ସାର କର୍ମଶାଳା ଅନୁଷ୍ଟିତ ହୋଇଯାଇଛି । ଜିଲ୍ଲା ସହକାରୀ ଅଗ୍ନିଶମ ଅଧିକାରୀ ସରୋଜକୁମାର ବେହେରା ଙ୍କ ନେତୃତ୍ୱରେ ଆୟୋଜିତ କର୍ମଶାଳାରେ ଅଗ୍ନିଶମ କର୍ମଚାରୀ ମାନେ ଯୋଗଦେଇ ହଟାତ ଅଗ୍ନିସଂଯୋଗ ହୋଇଗଲେ କେମତି ରକ୍ଷାପାଇବେ, ଅଗ୍ନି ନିରୋଧ ଯନ୍ତ୍ର କିପରି ବ୍ୟବହାର କରାଯିବ ଓ ଆହତ ମାନଙ୍କୁ କିପିର ପ୍ରାଥମକି ଚିକିତ୍ସା ଯୋଗାଇ ଦିଆଯିବ , କୋଠା ଘରେ ନିଆଁ ଲାଗିଗଲେ କିପରି ଉଦ୍ଧାର ହୋଇ ଅଗ୍ନିନିର୍ବିପାକ ଓ ନାରପତା ସ୍ଥାନକୁ କିପରି ସ୍ଥାନାନ୍ତରିତ କରା ଯିବ , ସେ ସଂପର୍କରେ ତାଲିମ ଦେଇ ମକ୍ ଡ୍ରିଲ କରିଥିଲେ । ଆକସ୍ମିକ ଦୁର୍ଘଟଣାର ଶିକାର ହେଲ ତାଙ୍କୁ କିପରି ପ୍ରାଥମିକ ଚିକିତ୍ସା କରି ପରେ ସ୍ଥାନୀୟ ହସପିଟାଲକୁ ନେବାର ବ୍ୟବସ୍ଥା କରା ଯାଇପାରିବ ସେହି ବିଷୟରେ କହିଥିଲେ । ବିଶେଷକରି ବିଦ୍ୟାଳୟର ଛାତ୍ରୀ ମାନେ ନିର୍ଭୟରେ ସିଡି ରେ ଚଢି କୋଠା ଛାତ ଉପରୁ ଉଦ୍ଧାର କାର୍ଯ୍ୟସହିତ ଆତ୍ମରକ୍ଷାର କୌଶଳ ପ୍ରଦର୍ଶନ କରିଥିଲେ । ଏହି ଶିବୀରରେ ୩୦୦ରୁ ଉର୍ଦ୍ଦ ଛାତ୍ର, ଛାତ୍ରୀ, ଅଧ୍ୟାପକ,ଅଧ୍ୟାପିକା,ବିଦ୍ୟାଳୟ କର୍ମଚାରୀ ମାନେ ଉପସ୍ଥିତ ରହି ତାଲିମ ନେଇଥିଲେ ।