କୋରାପୁଟ ୮-୧ (ଓଡିଆ ପୁଅ /ରଂଜନ ଦାସ)କୋରାପୁଟ ଜିଲ୍ଲାରେ ଦଶମ ଶ୍ରେଣୀ ସ୍କୁଲ ଖୋଲିବାର ପ୍ରଥମ ଦିନରେ ୭୨୯୨ ଜଣ ଛାତ୍ରଛାତ୍ରୀ ସ୍କୁଲ ଆସିଥିବା ଜିଲ୍ଲା ଶିକ୍ଷା ଅଧିକାରୀଙ୍କ କାର୍ଯ୍ୟାଳୟ ସୂତ୍ରରୁ ଜଣାପଡିଛି।କୋରାପୁଟ ଜିଲ୍ଲାରେ ସମୁଦାୟ ୨୮୪ ଟି ସ୍କୁଲ ଖୋଲାଯାଇଥିଲା।ଦଶମ ଶ୍ରେଣୀ ଛାତ୍ରଛାତ୍ରୀ ସଂଖ୍ୟା ୧୫୬୮୨ ରହିଥିବା ବେଳେ ୭୨୯୨ ଜଣ ସ୍କୁଲ ଆସିଥିଲେ।ସେମିଲିଗୁଡା ବ୍ଲକରେ ସର୍ବାଧିକ ଛାତ୍ରଛାତ୍ରୀ ସ୍କୁଲ ଆସିଥିଲେ।ସେମିଲିଗୁଡା ବ୍ଲକରେ ୨୪ ଟି ସ୍କୁଲର ୮୮୮ ଛାତ୍ରଛାତ୍ରୀଙ୍କ ମଧ୍ୟରୁ ୭୭୪ ଜଣ ଛାତ୍ରଛାତ୍ରୀ ସ୍କୁଲକୁ ଆସିଥିଲେ ବୋଲି ଜଣାପଡିଛି।ରାଜ୍ୟ ସ୍କୁଲ ଓ ଗଣଶିକ୍ଷା ବିଭାଗର ଯୁଗ୍ମ ନିର୍ଦ୍ଦେଶକ ତଥା କୋରାପୁଟ ଜିଲ୍ଲା ନୋଡାଲ ଅଧିକାରୀ ପ୍ରକାଶଧ କୁମାର ଯୋଷୀ, ଜିଲ୍ଲା ଶିକ୍ଷା ଅଧିକାରୀ ରାମଚନ୍ଦ୍ର ନାହାକ ଓ ବ୍ଲକ ଶିକ୍ଷା ଅଧିକାରୀମାନେ ବିଭିନ୍ନ ସ୍କୁଲ ପରିଦର୍ଶନ କରି କୋଭିଡ ଗାଇଡଲାଇନ ଅନୁସାରେ ଛାତ୍ରଛାତ୍ରୀ ସ୍କୁଲ ପ୍ରବେଶ କରୁଥିବା ଦେଖିବାକୁ ପାଇଥିଲେ।
ଖୋଲିବା ପ୍ରଥମ ଦିନରେ ୭୨୯୨ ଜଣ ଛାତ୍ରଛାତ୍ରୀ ସ୍କୁଲ ଆସିଲେ
