କୋରାପୁଟ ୨୭-୦୩ (ଓଡିଆ ପୁଅ/ରଂଜନ କୁମାର ଦାସ)ଭାରତୀୟ ନିର୍ବାଚନ ଆୟୋଗଙ୍କ ନିର୍ଦ୍ଦେଶନୁସାରେ କୋରାପୁଟ ଲୋକସଭା ଏବଂ ଲକ୍ଷ୍ମିପୁର, କୋରାପୁଟ, କୋଟପାଡ, ଜୟପୁର ଓ ପଟ୍ଟାଙ୍ଗୀ ବିଧାନସଭାର ପ୍ରାର୍ଥି /ପ୍ରାର୍ଥିନୀମାନେ ନିର୍ବାଚନ ଖର୍ଚ୍ଚ ବିବରଣୀ ବହି ପ୍ରଚାରସୀମା ମଧ୍ୟରେ ଖର୍ଚ୍ଚ ତଦାରଖ ପର୍ଯ୍ୟବେକ୍ଷକଙ୍କୁ ନିଜେ, ଏଜେଂଟ କିମ୍ବା କ୍ଷମତାପ୍ରାପ୍ତ ଅନ୍ୟ କୋଣସି ବ୍ୟକ୍ତିଙ୍କ ଦ୍ୱାରା ୩ ଥର ଦାଖଲ କରିବାକୁ ଜିଲ୍ଲା ସୂଚନା ଓ ଲୋକ ସଂପର୍କ ଅଧିକାରୀ ପ୍ରଧାନ ଟୁଲିଆମ୍ମା ଏକ ପ୍ରେସ ଇସ୍ତାହାରରେ ସୂଚନା ଦେଇଛନ୍ତି।କୋରାପୁଟ ଲୋକସଭା ନିର୍ବାଚନ ମଣ୍ଡଳୀ ନିମନ୍ତେ ଚଳିତମାସ ୩୧, ଆସନ୍ତାମାସ ୪ ଓ ୮ ତାରିଖ ୧୨ ଘଟିକାଠାରୁ ଅପାରହ୍ନ ୩ ଘଟିକା ମଧ୍ୟରେ ଜିଲ୍ଲାପାଳଙ୍କ ସମ୍ମିଳନୀ କକ୍ଷରେ ଦାଖଲ କରିବେ ବୋଲି ଇସ୍ତାହାରରେ ସୂଚନା ଦିଆଯାଇଛି।ବିଧାନସଭା ନିର୍ବାଚନ ମଣ୍ଡଳୀର ପ୍ରାର୍ଥି /ପ୍ରାର୍ଥିନୀମାନେ ଆସନ୍ତାମାସ ୨, ୬ ଓ ୯ ତାରିଖ ସକାଳ ୧୦ ଘଟିକାରୁ ୩ ଘଟିକା ମଧ୍ୟରେ କୋରାପୁଟ ସଦଭାବନା ସଭାଗୃହଠାରେ ନିଜେ, ନିର୍ବାଚନ ଏଜେଟଂ କିମ୍ବା ଅନ୍ୟ କୈାଣସି କ୍ଷମତାପ୍ରାପ୍ତ ବ୍ୟକ୍ତିଙ୍କ ଦ୍ୱାରା ନିର୍ବାଚନ ଖର୍ଚ୍ଚ ବିବରଣୀ ବହି ଦାଖଲ କରିବାକୁ ଜିଲ୍ଲାପାଳ ତଥା ଜିଲ୍ଲା ନିବ୭ାଚନ ଅଧିକାରୀ ନିର୍ଦ୍ଦେଶ ଦେଇଥିବା ଇସ୍ତାହାରରେ ଉଲ୍ଲେଖ କରାଯାଇଛି।
କୋରାପୁଟ ଲୋକସଭା ଓ ବିଧାନସଭାର ପ୍ରାର୍ଥିମାନେ ନିର୍ବାଚନର ଖର୍ଚ୍ଚ ବିବରଣୀ ବହି ପ୍ରଚାର ସୀମା ମଧ୍ୟରେ ୩ ଥର ଦାଖଲ କରିବେ
