କୋରାପୁଟ ୦୪-୦୭(ଓଡିଆ ପୁଅ /ରଂଜନ ଦାସ) ଏକ ଚୋରୀ ଅଭିଯୋଗରେ କୋରାପୁଟ ଟାଉନଥାନା ପୋଲିସ ଜଣକୁ ଗିରଫ କରିଥିବାବେଳେ ଗିରଫ ଅଭିଯୁକ୍ତ ଠାରୁ ଏକ ଲାପଟପ ଓ ସୁନା ଗହଣା ଜବତ କରିଥିବା ଟାଉନଥାନା ଭାରପ୍ରାପ୍ତ ନିରୀକ୍ଷକ ଧୀରେନ ପଟ୍ଟନାୟକ ସୂଚନା ଦେଇଛନ୍ତି । କିଛି ଦିନ ପୂର୍ବେ ଜଣେ ବ୍ୟକ୍ତି ତାଙ୍କ ଘରୁ ଚୋରି ହୋଇଥିବା ଥାନାରେ ଅଭିଯୋଗ କରିଥିଲେ । ସବ-ଇନସପେକ୍ଟର ଚିତ ରଂଜନ ପ୍ରଧାନୀ ଏକ ମାମଲା ରୁଜୁ କରି ଘଟଣାର ତଦନ୍ତ କରୁଥିବାବେଳେ କୌଣସି ସୂତ୍ରରୁ ଖବର ପାଇ ସମ୍ପୃକ୍ତ ଯୁବକଙ୍କୁ ଗିରଫ କରି ତା ନିକଟରୁ ଏକ ଲିନୋଭା ଲାପଟପ,ହାର୍ଡ ଡିସ୍କ୍ ଓ ଗୋଟିଏ ସୁନା ହାର ଜବତ କରିଥିଲେ । ଗିରଫ ଅଭିଯୁକ୍ତକୁ କୋର୍ଟ ଚାଲାଣ କରା ଯାଇଥିବା ଟାଉନଥାନା ଭାରପ୍ରାପ୍ତ ନିରୀକ୍ଷକ ଶ୍ରୀ ପଟ୍ଟନାୟକ ସୂଚନା ଦେଇଛନ୍ତି ।
କୋରାପୁଟ ଟାଉନଥାନା ପୋଲିସ ଦ୍ୱାରା ଚୋରୀ ଅଭିଯୋଗରେ ଜଣେ ଗିରଫ
