ମାଲକାନଗିରି,୫ା୬ (ଓଡିଆ ପୁଅ )ଆଜି ଜ୍ୟେଷ୍ଠ ପୂର୍ଣ୍ଣିମା ,ଏହି ପବିତ୍ର ତିଥିରେ ପାଳିତ ହେଉଛି ଶ୍ରୀବିଗ୍ରହଙ୍କ ଦେବସ୍ନାନ ।ସମଗ୍ର ବିଶ୍ୱରେ ଭୟାବହ କରୋନା ମହାମାରି ଗ୍ରାସ କରିଥିବାରୁ ଲକଡାଉନ ପାଇଁ ଫିକା ପଡିଯାଇଛି ଏହି ଦେବସ୍ନାନ ପୂର୍ଣ୍ଣିମା । ମାଲକାନଗିର ଜିଲ୍ଲା ସଦର ମହକୁମା ଶ୍ରୀଜଗନ୍ନାଥଙ୍କ ମନ୍ଦିର ଠାରେ ସେବାୟତ ଓ କିଛି ଅଳ୍ପ ଭକ୍ତଙ୍କୁ ନେଇ ନିରାଡମ୍ବର ସହକାରେ ସ୍ନାନପୂର୍ଣ୍ଣିମା ପାଳିତ ହୋଇଛି । ଜଗନ୍ନାଥ ମନ୍ଦିର କମିଟି ଓ ତହସିଲ ପକ୍ଷରୁ ମନ୍ଦିର ଦ୍ୱାରରେ ପାଣି ବାଲ୍ଟି ହ୍ୟାଣ୍ଡଓ୍ୟାସ ରଖା ଯାଇଥିଲା, ମନ୍ଦିଭିତରକୁ ପ୍ରବେଶ ପୂର୍ବରୁ ହାତ ଧୋଇବା ପରେ ସମସ୍ତଙ୍କୁ ସାନିଟାଇଜ କରାଯାଇ ନୂତନ ମାସ୍କ ପିନ୍ଧିବାକୁ ଦିଆ ଯାଇଥିଲା,ସ୍ନାନମଣ୍ଡପ କୁ ଠାକୁରଙ୍କୁ ନିଆ ନ ଯାଇ ରତ୍ନସିହାଂସନ ତଳେ ତନିଠାକୁର ଶ୍ରୀବଳଭଦ୍ର,ଶ୍ରୀଗନ୍ନାଥ,ଭଉଣୀ ସୁଭଦ୍ରା ଙ୍କୁ ସ୍ଥାପନ କରାଯାଇ ସେବାୟତ ମାନେ ସାମଜିକ ଦୂରତା ରକ୍ଷାକରି ଶ୍ରୀଜୀଉଙ୍କୁ ସ୍ନାନ କରିଥିଲେ । ଆଜି ସକାଳେ ମନ୍ଦିରର ମୁଖ୍ୟପୂଜକ ବିନାୟକସତପଥି ଓ ଅନ୍ୟାନ ପୁଜକ,ଦଇତା ପତି ମାନେ ତିନିବିଗ୍ରହ ଙ୍କୁ ଶ୍ରୀରତ୍ନସିହାଂସନ ରୁ ତଳକୁ ଓହ୍ଲାଇଦେଇ ରତିନିତି ଅନୁସାରେ ଶ୍ରୀବିଗ୍ରହ ଙ୍କୁ ସ୍ନାନକରି ମିଷ୍ଟାନ ଓ ବାଲ୍ୟଭୋଗ ଲଗା ଯାଇଥିଲା, ଦର୍ଶନପରେ ତିନିଠାକୁରଙ୍କୁ ଅଧରପଣା ଦିଆଯାଇଥିଲା ।ପୁଜାକମିଟି ପକ୍ଷରୁ ସେଠାରେ ଉପସ୍ଥିତ ଥିବା ଭକ୍ତ ଓ ସେବାୟତ ଙ୍କୁ ପ୍ରସାଦ ଓ ଅଧରପଣା ଦିଆଯାଇଥିଲା । ତନିଠାକୁର ଙ୍କ ରତିନିତି ସରିଲାପରେ ପୂଜକ ଓ ଦଇତାପତି ମାନେ ଆଣସର ଘରକୁ ପାଛୋଟି ନେଇଯାଇ ସେଠାରେ ବିଧିବିଧାନ ଅନୁସାରେ ସ୍ଥାପନ କରିଥିଲେ । ଦିନତମାମ ମନ୍ଦିର ପରିଷର ନିକଟରେ ସାମଜିକ ଦୂରତା ରକ୍ଷାକରାଯାଇ ଅଳ୍ପଭକ୍ତଙ୍କୁ ନେଇ ଭଜନସମାରୋହ ର ଆୟୋଜନ ହୋଇଥିଲା ।ଭକ୍ତମାନଙ୍କ ଭିଡକୁ ରୋକିବାପାଇଁ ମନ୍ଦିର ଦ୍ୱାରରେ କଡାପୁଲିସ ସୁରକ୍ଷା ବ୍ୟବସ୍ଥା କରାଯାଇଥିଲା ।ଠିକ ସେହିପରି ମୋଟୁ,କାଲିମେଳା,ଏମଭି୭୯,ପଡିଆ,ମାଥିଲି, ଗୋବିନ୍ଦପାଲି,ବାଲିମେଳା,ଚିତ୍ରକୋଣ୍ଡା ଠାରେ ଥିବା ଶ୍ରୀ ଜଗନ୍ନାଥଙ୍କ ମନ୍ଦିରରେ ଦେବସ୍ନାନ ପୂର୍ଣ୍ଣିମା ନିରାଡମ୍ବରରେ ପାଳିତ ହୋଇଯାଇଛି