ଭୁବନେଶ୍ୱର ୧୮-୧ (ଓଡ଼ିଆ ପୁଅ) ”ଇଭିଏମ ହଟାଅ ଗଣତନ୍ତ୍ର ବଞ୍ଚାଅ” ର ନାରା ଦେଇ ଉତ୍ତରାଖଣ୍ଡରୁ ଦୀର୍ଘ ୬୫୦୦ କିଲୋମିଟର ପଦଯାତ୍ରାରେ ବାହାରିଥିବା ଶ୍ରୀ ଓଁକାର ସିଂ ଧିଲୋନ ୧୦ ଟି ରାଜ୍ୟ ଓ ୪୬୦୦ କିଲୋମିଟର ପଦଯାତ୍ରା ଶେଷକରି ଏବେ ଓଡିଶା ରାଜ୍ୟ ମଧ୍ୟରେ ତାଙ୍କର ପଦଯାତ୍ରା ଜାରିରଖିଛନ୍ତି। ଓଡିଶା ପଦଯାତ୍ରାର ଏହିକ୍ରମରେ ଶ୍ରୀ ଧିଲୋନ ଆଜି ଦିନ ୧ ଟା ସମୟରେ ଭୁବନେଶ୍ୱରରେ ଆସି ପହଞ୍ଚି ଥିଲେ। ପଦଯାତ୍ରୀ ଶ୍ରୀ ଧିଲୋନ ଏହି ଅବସରରେ ଇଭିଏମ ବ୍ୟବହାରର ଭୟାବହତା ଓ ପଦଯାତ୍ରାର ଲକ୍ଷ ଓ ଉଦ୍ଦେଶ୍ୟ ସମ୍ପର୍କରେ ଉପସ୍ଥିତ ଥିବା ଗଣମାଧ୍ୟମ ପ୍ରତିନିଧିମାନଙ୍କୁ ସମ୍ବୋଧିତ କରିଥିଲେ।
ଶ୍ରୀ ଧିଲୋନଙ୍କର ଆଗାମୀ ଗସ୍ତକ୍ରମ ଅନୁଯାୟୀ ଓଡ଼ିଶାରେ ତାଙ୍କର ପଦଯାତ୍ରା ଶେଷକରି ପଶ୍ଚିମବଙ୍ଗ, ଝାରଖଣ୍ଡ, ବିହାର, ଉତ୍ତରପ୍ରଦେଶ ଦେଇ ଦିଲ୍ଲୀର ରାଜଘାଟରେ ଏହି ପଦଯାତ୍ରାର ସମାପନ କରିବାର କାର୍ଯ୍ୟକ୍ରମ ରହିଅଛି।