ଭାରତରେ କରୋନା ସଙ୍କଟର ମୁକାବିଲା ପାଇଁ ୩ ସେବା ସଂସ୍ଥାକୁ ଦେଢ଼ କୋଟି ଡଲାର ସହାୟତା ପ୍ରଦାନ କଲା ଟ୍ୱିଟର

ଭୁବନେଶ୍ୱର ୧୧ ମଇ (ଓଡ଼ିଆ ପୁଅ) କରୋନା ସଙ୍କଟରୁ ମୁକ୍ତି ପାଇବା ପାଇଁ ଟ୍ୱିଟର ଭାରତକୁ କରୋନା ସଙ୍କଟର ମୁକାବିଲାପାଇଁ ୧୫ ମିଲିୟନ ଡଲାର ଦାନ କରିଛି। ଟ୍ୱିଟର ସିଇଓ ଜ୍ୟାକ୍ ପାଟ୍ରିକ୍ ଡୋର୍ସି ସୋମବାର ଟ୍ୱିଟ୍ କରି କହିଛନ୍ତି ଯେ ଏହି ଅର୍ଥ ତିନିଟି ବେସରକାରୀ ସଂସ୍ଥା – କେୟାର, ଏଡ୍ ଇଣ୍ଡିଆ ଏବଂ ସେବା ଇଣ୍ଟରନ୍ୟାସନାଲ ଆମେରିକାକୁ ଦାନ କରାଯାଇଛି।

ଭାରତରେ କରୋନା ମାମଲା ଦ୍ରୁତ ଗତିରେ ବୃଦ୍ଧି ପାଉଛି। ଏଭଳି ପରିସ୍ଥିତିରେ କରୋନା ସଙ୍କଟକୁ ଦୃଷ୍ଟିରେ ରଖି ମାଇକ୍ରୋବ୍ଲଗିଂ ସାଇଟ୍ ଟ୍ୱିଟର ମଧ୍ୟ ଭାରତକୁ ୧୫ ମିଲିୟନ୍ ଡଲାର ଅର୍ଥାତ୍ ଦେଢ଼ କୋଟି ଡଲାର ପ୍ରାୟ ୧୦୦ କୋଟି ଟଙ୍କା ଦାନ କରିଛି। ଭାରତ ବର୍ତ୍ତମାନ କରୋନାର ଦ୍ୱିତୀୟ ଲହରର ସମ୍ମୁଖୀନ ହୋଇଛି। ଭାରତକୁ ଏବେ ସାହାଯ୍ୟ ପାଇଁ ଦୁନିଆର ଅନେକ ଦେଶ ଆଗକୁ ଆସୁଛନ୍ତି।

ଟ୍ୱିଟର ସିଇଓ ଜ୍ୟାକ୍ ପାଟ୍ରିକ୍ ଡୋର୍ସି ସୋମବାର ଟ୍ୱିଟ୍ କରି କହିଛନ୍ତି ଯେ ଏହି ଅର୍ଥ ତିନିଟି ବେସରକାରୀ ସଂସ୍ଥା – କେୟାର, ଏଡ ଇଣ୍ଡିଆ ଏବଂ ସେବା ଇଣ୍ଟରନ୍ୟାସନାଲ ୟୁଏସକୁ ଦାନ କରାଯାଇଛି। କେୟାରକୁ ୧୦ ମିଲିୟନ ଡଲାର ଦିଆଯାଇଥିବାବେଳେ ଏଡ ଇଣ୍ଡିଆ ଏବଂ ସେବା ଇଣ୍ଟରନ୍ୟାସନାଲ ୟୁଏସକୁ ୨.୫ ମିଲିୟନ ଡଲାର ପ୍ରଦାନ କରାଯାଇଛି। ସାନ ଫ୍ରାନ୍ସିସ୍କୋ ଭିତ୍ତିକ କମ୍ପାନୀ ଏକ ବିବୃତ୍ତିରେ କହିଛି, “ସେବା ଇଣ୍ଟରନ୍ୟାସନାଲ ହେଉଛି ଏକ ହିନ୍ଦୁ, ବିଶ୍ୱାସ ଆଧାରିତ, ଅଣ-ଲାଭ ସେବା ସଂଗଠନ। କୋଭିଡ ରୋଗୀଙ୍କ ଚିକିତ୍ସା ପାଇଁ ଏହି ଦାନ ପ୍ରଦାନ କରାଯାଉଛି। ଏହା ଭେଣ୍ଟିଲେଟର, ଶଯ୍ୟା ଏବଂ ଅନ୍ୟାନ୍ୟ ଜୀବନ ରକ୍ଷକ ପାଇଁ ବ୍ୟବହୃତ ହେବ। ଏହି ଉପକରଣଗୁଡିକ ସରକାରୀ ଡାକ୍ତରଖାନା, କୋଭିଡ -୧୯ କେୟାର ସେଣ୍ଟର ଏବଂ ଅନ୍ୟାନ୍ୟ ଡାକ୍ତରଖାନାରେ ବିତରଣ କରାଯିବ ବୋଲି ବିବୃତ୍ତିରେ କୁହାଯାଇଛି।