ନୂଆଦିଲ୍ଲୀ: ଲଦାଖ ପୂର୍ବ ସୀମାନ୍ତରେ ଭାରତ ଏବଂ ଚୀନ ମଧ୍ୟରେ ଉତ୍ତେଜନା ଲାଗି ରହିଥିବା ବେଳେ ଡାଏରୀ ପ୍ରଡକ୍ଟକୁ ନେଇ ନିଜର ସ୍ଵତନ୍ତ୍ର ପରିଚୟ ସୃଷ୍ଟି କରିଥିବା ଅମୂଲର ସୋସିଆଲ୍ ମିଡିଆ ଆକାଉଣ୍ଟକୁ ଟୁଇଟ୍ର ବ୍ଲକ୍ କରି ଦେଇଥିଲା। ଚାଇନା ବିରୋଧରେ କ୍ୟାମ୍ପେନ୍ ଚଲାଇଥିବାରୁ ଟ୍ୱିଟର୍ ଅମୂଲ୍ ଆକାଉଣ୍ଟକୁ ବ୍ଲକ୍ କରି ଦେଇଥିଲା।
ତେବେ, ଏହାକୁ ନେଇ ଅମୁଲ୍ ସମର୍ଥନରେ ୟୁଜର୍ସ ମାନେ ଟ୍ୱିଟରରେ କ୍ୟାମ୍ପେନ୍ ଚଲାଇବା ପରେ ମାତ୍ର କିଛି ସମୟ ପରେ ଅମୂଲର ଟୁଇଟ୍ର ପେଜ୍ ପୁଣି ଥରେ ଚାଲୁ ହୋଇଛି। ବିବାଦ ବୃଦ୍ଧି ହେବା ପରେ ଟ୍ୱିଟର ଅମୁଲ୍ ଆକାଉଣ୍ଟକୁ ଅନବ୍ଲକ୍ କରିବା ସହ କହିଛି ଯେ ସୁରକ୍ଷା ଦୃଷ୍ଟିରୁ ଏହା ଏକ ରୁଟିନ୍ ପ୍ରକ୍ରିୟା ଥିଲା। ଟ୍ୱିଟର କହିଛି ଯେ ଅମୁଲ୍ ଆକାଉଣ୍ଟ କେବେ ବନ୍ଦ୍ କରାଯାଇ ନାହିଁ। କେବଳ ଆବଶ୍ୟକ ଯାଞ୍ଚ ସମାପ୍ତ ନହେବା ପର୍ଯ୍ୟନ୍ତ ଆକାଉଣ୍ଟକୁ ପ୍ରତିବନ୍ଧ କରାଯାଇଥିଲା। ଅର୍ଥାତ୍ ଏହାର କିଛି ଫିଚରକୁ ସୀମିତ କରାଯାଇଥିଲା। କମ୍ପାନୀର କହିବାନୁସାରେ, ଏହା କେବଳ ଆକାଉଣ୍ଟର ସୁରକ୍ଷା ପାଇଁ ଉଦ୍ଦିଷ୍ଟ ଥିଲା। /-ଦେବଦତ୍ତ ରଥ