ଭୁବନେଶ୍ୱର: ଦେଶ ସ୍ୱାଧୀନତାକୁ ସ୍ମରଣ କରାଇବା ଉଦ୍ଦେଶ୍ୟରେ ଏବଂ ସ୍ୱାଧୀନତାର ୭୫ ବର୍ଷ ପୂର୍ତ୍ତି ଅବସରରେ ୧୩୦ କୋଟି ଦେଶବାସୀଙ୍କ ଭାଗିଧାରୀ ଓ ଭାବନାର ପର୍ବ “ଆଜାଦୀ କା ଅମୃତ ମହୋତ୍ସବ” ପାଳନ କରାଯାଉଛି। ଏହି ଅବସରରେ ଯେଉଁ ମହାପୁରୁଷ, ଶହୀଦ, ସ୍ୱାଧୀନତା ସଂଗ୍ରାମୀ ଓ ଅପରିଚିତ ନାୟକମାନେ ଦେଶ ପାଇଁ ତ୍ୟାଗ, ବଳିଦାନ ଓ ତପସ୍ୟା କରିଥିଲେ, ସେମାନଙ୍କୁ ସ୍ମରଣ କରି ଶ୍ରଦ୍ଧାଞ୍ଜଳୀ ଜ୍ଞାପନ କରାଯାଉଛି। ଓଡ଼ିଶାର ବହୁ ମହାପୁରୁଷ, ସ୍ୱାଧୀନତା ସଂଗ୍ରାମୀ ଓ ଅପରିଚିତ ନାୟକ ମାନଙ୍କୁ ସମ୍ମାନ ଜଣାଇବା ସହିତ ସେମାନଙ୍କ ସଂପର୍କରେ ବର୍ତ୍ତମାନର ଯୁବପୀଢ଼ିକୁ ଅବଗତ କରାଇବା ଆମ ସମସ୍ତଙ୍କ ଦାୟୀତ୍ୱ। ଏହା ଦ୍ୱାରା ଆମ ସଂସ୍କୃତି, ଐତିହ୍ୟ, ପରଂପରା ଓ ଇତିହାସ ସର୍ବଦା ଜୀବନ୍ତ ହୋଇ ରହିବ। ପାଇକ ବିଦ୍ରୋହକୁ ସ୍ୱତନ୍ତ୍ର ଆନ୍ଦୋଳନ ଭାବେ ମୋଦି ସରକାର ମାନ୍ୟତା ଦେବା ସହିତ ଏଥି ପାଇଁ ବଜେଟରେ ୨୦୦ କୋଟି ଟଙ୍କାର ବ୍ୟୟବରାଦ କରିଛନ୍ତି। ରାଜ୍ୟ ସରକାର ଜମି ପ୍ରଦାନ କରିବା ମାତ୍ରେ ଖୋର୍ଦ୍ଧାର ବରୁଣେଇ ପାହାଡ଼ରେ ସ୍ମାରକୀ ପ୍ରତିଷ୍ଠା ସମ୍ଭବ ହୋଇପାରିବ ଏବଂ ଏହା ହିଁ ପ୍ରକୃତ ପକ୍ଷେ ତାଙ୍କ ପ୍ରତି ଶ୍ରଦ୍ଧାଞ୍ଜଳି ହେବ ବୋଲି ବିଜେପି ରାଜ୍ୟ ସଭାପତି ସମୀର ମହାନ୍ତି କହିଛନ୍ତି।
@Dr
ଆଜାଦୀ କା ଅମୃତ ମହୋତ୍ସବ ଉପଲକ୍ଷେ ସହିଦଙ୍କୁ ଶ୍ରଦ୍ଧାଞ୍ଜଳି..
