ରାହୁଲ ଗାନ୍ଧୀ କହିଲେ – କରୋନାରୁ ରକ୍ଷା ପାଇବା ପାଇଁ କେବଳ ଗୋଟିଏ ଉପାୟ, ‘ସଂପୂର୍ଣ୍ଣ ଲକଡାଉନ୍’

ନୂଆଦିଲ୍ଲୀ ୦୪ ମଇ (ଓଡ଼ିଆ ପୁଅ) ଗତ ବର୍ଷ କରୋନାକୁ ରୋକିବା ପାଇଁ ଲାଗୁ ହୋଇଥିବା ଦେଶବ୍ୟାପୀ ଲକ୍ଡାଉନ୍କୁ ସମାଲୋଚନା କରିଥିବା କଂଗ୍ରେସ ନେତା ରାହୁଲ ଗାନ୍ଧୀ ବର୍ତ୍ତମାନ କହିଛନ୍ତି ଯେ, କରୋନା ସଂକ୍ରମଣରୁ ରକ୍ଷା ପାଇବା ପାଇଁ ଏକମାତ୍ର ଉପାୟ ହେଉଛି ‘ସମ୍ପୂର୍ଣ୍ଣ ଲକ୍ଡାଉନ୍’। ରାହୁଲ ଗାନ୍ଧୀ ଏହା ମଧ୍ୟ କହିଛନ୍ତି ଯେ ଭାରତ ସରକାରଙ୍କ ନିଷ୍କ୍ରିୟତା ଯୋଗୁଁ ନିରୀହ ଲୋକମାନେ ପ୍ରାଣ ହରାଉଛନ୍ତି।

କରୋନା ସହିତ ମୁକାବିଲା ପାଇଁ ଖରାପ ପରିଚାଳନା ପାଇଁ ରାହୁଲ ଗାନ୍ଧୀ କେନ୍ଦ୍ର ସରକାରଙ୍କୁ ଟାର୍ଗେଟ କରିଛନ୍ତି। ସେ ଟୁଇଟ୍ କରି କହିଛନ୍ତି, ‘ଭାରତ ସରକାର ବୁଝୁନାହାଁନ୍ତି। ଏହି ପରିସ୍ଥିତିରେ କରୋନା ସଂକ୍ରମଣ ନହେବା ପାଇଁ ସମ୍ପୂର୍ଣ୍ଣ ଲକଡାଉନ୍ ହେଉଛି ଏକମାତ୍ର ଉପାୟ। ଭାରତ ସରକାରଙ୍କ ନିଷ୍କ୍ରିୟତା ଯୋଗୁଁ ଅନେକ ନିରୀହ ଲୋକ ମୃତ୍ୟୁବରଣ କରୁଛନ୍ତି।

ଗତ କିଛି ସପ୍ତାହ ଧରି ରାହୁଲ ଗାନ୍ଧୀ କରୋନା ପରିଚାଳନାରେ ଅବ୍ୟବସ୍ଥା ପାଇଁ କେନ୍ଦ୍ର ସରକାର ଏବଂ ପ୍ରଧାନମନ୍ତ୍ରୀ ମୋଦୀଙ୍କ ଉପରେ ରାଜନୈତିକ ଆକ୍ରମଣ କରୁଛନ୍ତି। ସୋମବାର ମଧ୍ୟ ରାହୁଲ ଗାନ୍ଧୀ କର୍ଣ୍ଣାଟକର ଜିଲ୍ଲା ହସ୍ପିଟାଲରେ ଅମ୍ଳଜାନ ଅଭାବ ହେତୁ ୨୪ ରୋଗୀଙ୍କ ମୃତ୍ୟୁକୁ ମଧ୍ୟ ଏକ ହତ୍ୟା ବୋଲି ରାହୁଲ ଗାନ୍ଧୀ କହିଥିଲେ।

ସୂ ଚନାଯୋଗ୍ୟଯେ, ମଙ୍ଗଳବାର ଦିନ ଭାରତରେ ୩ ଲକ୍ଷ ୫୭ ହଜାର ୨୨୯ ଟି ନୂଆ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି। ଏହା ସହ ଦେଶରେ ମୋଟ କରୋନା ସଂକ୍ରମଣ ସଂଖ୍ୟା ୨ କୋଟି ଅତିକ୍ରମ କରିଛି। ଏହି ସମୟ ମଧ୍ୟରେ କରୋନା ଭୂତାଣୁ କାରଣରୁ ୩ ହଜାର ୪୪୯ ଜଣଙ୍କର ମୃତ୍ୟୁ ଘଟିଛି।

ଦେଶରେ କରୋନା ବିପର୍ଯ୍ୟୟ ଜାରି ରହିଛି। କରୋନାର ବୃଦ୍ଧି ପାଉଥିବା ସଂକ୍ରମଣକୁ ଦୃଷ୍ଟିରେ ରଖି ଅନେକ ରାଜ୍ୟରେ ଲକଡାଉନ୍ ଲାଗୁ କରାଯାଇଛି। ଏହି ସମୟରେ କଂଗ୍ରେସର ପୂର୍ବତନ ସଭାପତି ରାହୁଲ ଗାନ୍ଧୀ ସମଗ୍ର ଦେଶରେ ସମ୍ପୂର୍ଣ୍ଣ ତାଲା ପକାଇବାକୁ ଦାବି କରିଛନ୍ତି।
ସେ ଆହୁରି ମଧ୍ୟ ଲେଖିଛନ୍ତି ଯେ ସମାଜର କିଛି ବିଭାଗକୁ ନ୍ୟାୟ ଯୋଜନାର ଲାଭ ଦେଇ ସମ୍ପୂର୍ଣ୍ଣ ଲକଡାଉନ୍ ଲାଗୁ କରାଯିବା ଉଚିତ ଯାହା ଦ୍ୱାରା ଲୋକଙ୍କ ଜୀବନକୁ ଠିକ୍ ସମୟରେ ବଞ୍ଚାଯାଇପାରିବ। କରୋନା ଭୂତାଣୁ ସଂକ୍ରମଣକୁ ରୋକିବା ପାଇଁ ରାହୁଲ ଗାନ୍ଧୀ ଏହା ପୂର୍ବରୁ ଅନେକଥର କେନ୍ଦ୍ର ସରକାରଙ୍କୁ ନିଜର ପରାମର୍ଶ ଦେଇଛନ୍ତି।

କରୋନା ବୃଦ୍ଧି ପାଉଥିବା ସଂକ୍ରମଣକୁ ରୋକିବା ପାଇଁ ଦିଲ୍ଲୀ, ମହାରାଷ୍ଟ୍ର, ହରିୟାଣା, କର୍ଣ୍ଣାଟକ ସମେତ ଅନେକ ରାଜ୍ୟରେ ଲକ୍ଡାଉନ୍ ଲଗାଯିବା ସହିତ ଆସନ୍ତା ଦିନରେ ଓଡ଼ିଶାରେ ଲକ୍ଡାଉନ୍ ଲଗାଇବା ପାଇଁ ରାଜ୍ୟସରକାର ଘୋଷଣା କରିଛନ୍ତି। ସେହିପରି ବିହାର ସମେତ ଅନେକ ରାଜ୍ୟରେ ଲକ୍ଡାଉନ୍ ଲଗାଯିବାର ଆଶା କରାଯାଉଛି।