ନୂଆ ଦିଲ୍ଲୀ ୧୮ ଜୁଲାଇ (ଓଡ଼ିଆ ପୁଅ) ଆସନ୍ତା କାଲିଠାରୁ ମୌସୁମୀ ଅଧିବେଶନ ଆରମ୍ଭ। ମୌସୁମୀ ଅଧିବେଶନ ପୂର୍ବରୁ କଂଗ୍ରେସ ଦଳର ସଂସଦୀୟ ସ୍ତରରେ ଏକ ପ୍ରମୁଖ ପୁନର୍ଗଠନ କରିଛନ୍ତି କଂଗ୍ରେସ ସଭାପତି ସୋନିଆ ଗାନ୍ଧୀ। ଉଭୟ ଲୋକସଭା ଓ ରାଜ୍ୟସଭାରେ ସଂସଦୀୟ ଦଳ ଗଠନ କରି ପୂର୍ବତନ କେନ୍ଦ୍ର ମନ୍ତ୍ରୀ ପି ଚିଦାମ୍ବରମ୍, ମନୀଷ ତେୱାରୀ, ଅମ୍ବିକା ସୋନି ଏବଂ ପୂର୍ବତନ ମୁଖ୍ୟମନ୍ତ୍ରୀ ଦୀଗବିଜୟ ସିଂଙ୍କ ପରି ବରିଷ୍ଠ ଚେହେରା ଆଣିଛନ୍ତି।
ଗାନ୍ଧୀ ଏକ ପତ୍ରରେ କହିଛନ୍ତି, “ସିପିପି (କଂଗ୍ରେସ ସଂସଦୀୟ ଦଳ) ର ଅଧ୍ୟକ୍ଷ ଭାବେ ମୁଁ ସଂସଦର ଉଭୟ ଗୃହରେ ଆମ ଦଳର କାର୍ଯ୍ୟକାରିତାକୁ ସୁଗମ ତଥା ସୁନିଶ୍ଚିତ କରିବା ପାଇଁ ନିମ୍ନଲିଖିତ ଗୋଷ୍ଠୀ ଗଠନ କରିବାକୁ ନିଷ୍ପତ୍ତି ନେଇଛି। ଏହି ଗୋଷ୍ଠୀ ଆନ୍ତଃ- ଅଧିବେଶନ ସମୟରେ ଏବଂ ଯେଉଁଠାରେ ସଂସଦ ପ୍ରସଙ୍ଗଗୁଡ଼ିକ ଉପରେ ଆଲୋଚନା କରାଯିବା ଆବଶ୍ୟକ ସେଠାରେ ଦୈନିକ ବୈଠକ କରିବେ।”
ଏହି ଚିଠିରେ ଏହା ଔପଚାରିକଭାବେ ପଶ୍ଚିମବଙ୍ଗ ସାଂସଦ ଅଧୀର ରଞ୍ଜନ ଚୌଧୁରୀ ଲୋକସଭାରେ ଦଳର ନେତା (LOP) ଭାବରେ କାର୍ଯ୍ୟ କରିବେ ବୋଲି କୁହାଯାଇଛି। କିନ୍ତୁ ମନୀଷ ତେୱାରୀ ଏବଂ ଶଶି ଥରୁରଙ୍କୁ ଏହି ଦଳରେ ଅନ୍ତର୍ଭୁକ୍ତ କରିବା ସୂଚାଇ ଦେଇଛି ଯେ ଦଳର ସଂସଦୀୟ ନିଷ୍ପତ୍ତି ପ୍ରକ୍ରିୟାରେ ଗାନ୍ଧୀ ଅଧିକ ବୈଚାରିକ ମତ ଚାହୁଁଛନ୍ତି। ଅବଶ୍ୟ ଉଭୟ ତିୱାରୀ ଏବଂ ଥରୁରଙ୍କୁ ଚୌଧୁରୀଙ୍କ ପାଇଁ ଏକ ସମ୍ଭାବ୍ୟ ସ୍ଥାନାନ୍ତର ଭାବରେ ବିବେଚନା କରାଯାଉଥିଲା।
ଏହି ଦୁଇ ନେତା ଚୌଧୁରୀ, ଗୌରବ ଗୋଗୋଇ (ଡେପୁଟି ନେତା), କେ ସୁରେଶ (ମୁଖ୍ୟ ସଚେତକ), ରବନୀତ୍ ସିଂ ବିଟୁ ଏବଂ ମାଣିକାମ୍ ଟାଗୋର (ଉଭୟ ସଚେତକ)ଙ୍କ ସହ ଯୋଗ ଦେଇଛନ୍ତି।
ରାଜ୍ୟସଭାରେ ବିରୋଧୀ ଦଳର ନେତା ଭାବରେ ମଲ୍ଲିକାର୍ଜୁନ ଖଡଗେ, ଆନନ୍ଦ ଶର୍ମା (ଡେପୁଟି ଲିଡର) ଏବଂ ଜୟରାମ ରମେଶ (ମୁଖ୍ୟ ସଚେତକ) ସହ ବର୍ତ୍ତମାନ ଚିଦାମ୍ବରମ୍, ସୋନି ଏବଂ ଦୀଗବିଜୟ ସିଂଙ୍କୁ ସ୍ଥାନ ଦିଆଯାଇଛିଯ ଏହି ବରିଷ୍ଠ ନେତାଙ୍କର ଅଭିଜ୍ଞତା ସଂସଦୀୟ କାର୍ଯ୍ୟକଳାପରେ ଦଳ ପାଇଁ ବେଶ ସହାୟକ ହେବ।
ସଂସଦର ଏହି ସଦ୍ୟତମ ପୁନର୍ଗଠନ ସୋମବାର ସଂସଦର ମୌସୁମୀ ଅଧିବେଶନ ଆରମ୍ଭ ହେବାର ଗୋଟିଏ ଦିନ ପୂର୍ବରୁ ଆସିଛି। ବିରୋଧୀ ସରକାରଙ୍କର ଅର୍ଥନୀତି, ଟୀକାକରଣ ରଣନୀତି, ଚାକିରି ହରାଇବା ଏବଂ ଚାଷ ପ୍ରସଙ୍ଗରେ ସରକାରଙ୍କୁ କୋଣ ଅନୁକୋଣରେ ଘେରିବାକୁ ରଣନୀତୁ ପ୍ରସ୍ତୁତ କରିସାରିଛନ୍ତି। ଏହି ପ୍ରସଂଗ ଗୁଡ଼ିକରେ ସଂସଦରେ ଝଡ଼ ସୃଷ୍ଟିହେବାର ସମ୍ଭାବନାକୁ ଏଡ଼ାଇ ଦିଆଯାଇନପାରେ।