ରାଜସ୍ଥାନ ୨୬-୨ (ଓଡ଼ିଆ ପୁଅ) ରାଜସ୍ଥାନର ବୁନ୍ଦୀ ଜିଲ୍ଲାରେ ଏକ ବସ ନଈରେ ଖସି ପଡ଼ିଛି। ଏହି ଦୁର୍ଘଟଣାରେ ୨୫ଜଣ ଲୋକଙ୍କର ମୃତ୍ୟୁ ହୋଇଛି। ମୃତକଙ୍କ ମଧ୍ୟରେ ୧୦ ଜଣ ମହିଳା ଏବଂ ତିନିଜଣ ଶିଶୁ ସାମିଲ ଅଛନ୍ତି।
ରାଜସ୍ଥାନରେ ଏହି ଦୁର୍ଘଟଣା ବୁଧବାରଦିନ ହୋଇଛି। ଏକ ବରଯାତ୍ରୀ ବସ ନଦୀରେ ଖସି ପଡ଼ିଛି। ଆହତଙ୍କୁ ନିକଟସ୍ଥ ହସ୍ପିଟାଲରେ ଭର୍ତ୍ତି କରାଯାଇଛି। ଆହତଙ୍କ ଅବସ୍ଥା ଗୁରୁତର ବୋଲି କୁହାଯାଉଛି।
ପ୍ରାଥମିକ ସୂଚନା ଅନୁସାରେ, ରାଜସ୍ଥାନର ବୁନ୍ଦୀ ସ୍ଥିତ କୋଟା ଲାଲସୋତ ମେଗା ହାଇୱେ ସ୍ଥିତ ଲାଖେରୀରେ ଏହି ଦୁର୍ଘଟଣା ଘଟିଛି। ଅଧିକ ବେଗରେ ଯାଉଥିବା ବସ ଅଚାନକ ଅସୁନ୍ତଳିତ ହୋଇ ନଦୀକୁ ଖସିପଡ଼ିଛି। ଦୁର୍ଘଟଣା ପରେ ସ୍ଥାନୀୟ ଲୋକ ଉଦ୍ଧାର କାର୍ଯ୍ୟ ଆରମ୍ଭ କରିଥିଲେ। ପୋଲିସ୍ ସୂଚନା ପାଇ ସେଠାରେ ପହଁଚିଛି।