ନୂଆଦିଲ୍ଲୀ ନଭେମ୍ବର ୨୫ (ଓଡ଼ିଆ ପୁଅ) କଂଗ୍ରେସ ନେତା ଅହମ୍ମଦ ପଟେଲଙ୍କ ବୁଧବାର ସକାଳେ ଦେହାନ୍ତ ହୋଇଛି। ଏହି ସୂଚନା ତାଙ୍କ ପୁଅ ଫେଜଲ ପଟେଲ ପ୍ରଦାନ କରିଛନ୍ତି। ସୂଚନାଯୋଗ୍ୟ ଯେ ଅହମ୍ମଦ ପଟେଲଙ୍କ ସ୍ୱାସ୍ଥ୍ୟ ଅବସ୍ଥା ଖରାପ ହେବା ପରେ ଗୁରୁଗ୍ରାମର ମେଦାନ୍ତ ହସ୍ପିଟାଲରେ ଭର୍ତ୍ତି କରାଯାଇଥିଲା। ଅକ୍ଟୋବର ପ୍ରଥମ ସପ୍ତାହରେ ପଟେଲ କରୋନା ଭୂତାଣୁ ସଂକ୍ରମିତ ହୋଇଥିଲେ।
ଏକ ଟୁଇଟ୍ରେ ତାଙ୍କ ପୁଅ ଫେଜଲ ପଟେଲ କହିଛନ୍ତି ଯେ, ଗୁଜରାଟର ରାଜ୍ୟସଭା ସାଂସଦ ଆଜି ସକାଳ ୩.୩୦ ସମୟରେ ମୃତ୍ୟୁ ବରଣ କରିଛନ୍ତି। ସେ ଲେଖିଛନ୍ତି – ‘ମୁଁ ବହୁତ ଦୁଃଖର ସହିତ ସୂଚନା ଦେଉଛି ଯେ, ମୋ ପିତା ଶ୍ରୀ ଅହମ୍ମଦ ପଟେଲଙ୍କ ଅକାଳରେ ଦେହାନ୍ତ ହୋଇଛି। ଏକ ମାସ ପୂର୍ବରୁ କରୋନା ସଂକ୍ରମିତ ହୋଇଥିବା ଜଣାପଡିବା ପରେ ମଲ୍ଟିପୁଲ୍ ଅର୍ଗାନ ବିଫଳତା ହେତୁ ତାଙ୍କ ସ୍ୱାସ୍ଥ୍ୟ ଅବସ୍ଥା ବିଗିଡି ଯାଇଥିଲା।
ପଟେଲ ତାଙ୍କର ସମସ୍ତ ଶୁଭେଚ୍ଛୁମାନଙ୍କୁ COVID-୧୯ ନିୟମ ଅନୁସରଣ କରିବାକୁ ଏବଂ ସାମାଜିକ ଦୂରତା ନିୟମ ପାଳନ କରିବାକୁ ଅନୁରୋଧ କରିଥିଲେ।
୧୯୭୬ ମସିହାରେ ରାଜନୀତିକୁ ଆସିଥିବା ଅହମ୍ମଦ ପଟେଲଙ୍କୁ ଅକ୍ଟୋବର ୧ ରେ କରୋନା ସଂକ୍ରମିତ ହୋଇଥିଲେ। ତାଙ୍କୁ ୧୫ ନଭେମ୍ବରରେ ଗୁରୁଗ୍ରାମର ମେଦାନ୍ତା ହସ୍ପିଟାଲର ଆଇସିୟୁରେ ଭର୍ତ୍ତି କରାଯାଇଥିଲା। ଅକ୍ଟୋବର ୧ ରେ ଅହମ୍ମଦ ପଟେଲ କହିଥିଲେ ଯେ ସେ କରୋନା ଅଟନ୍ତି ସଂକ୍ରମିତ ହୋଇଥିବା ଜଣାପଡିଛି। ତାଙ୍କ ସହ ଯୋଗାଯୋଗ କରୁଥିବା ଲୋକଙ୍କୁ ମଧ୍ୟ ପରୀକ୍ଷା କରିବାକୁ ସେ ଅନୁରୋଧ କରିଥିଲେ। ଆଠ ଥର ସାଂସଦ ଅହମ୍ମଦ ପଟେଲ ଲୋକସଭାରେ ତିନିଥର ଏବଂ ରାଜ୍ୟସଭାରେ ପାଞ୍ଚଥର କାର୍ଯ୍ୟ ନିର୍ବାଚିତ ହୋଇଥିଲେ। ଅଗଷ୍ଟ ୨୦୧୮ ରେ ତାଙ୍କୁ ଅଲ ଇଣ୍ଡିଆ କଂଗ୍ରେସ କମିଟି (AICC) ର କୋଷାଧ୍ୟକ୍ଷ ଭାବେ ନିଯୁକ୍ତି ଦିଆଯାଇଥିଲା। ଅହମ୍ମଦ ପଟେଲ ୧୯୭୬ ମସିହାରେ ଗୁଜୁରାଟର ଭାରୁଚ ଜିଲ୍ଲାରେ ସ୍ଥାନୀୟ ସଂସ୍ଥା ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରି ନିଜର ରାଜନୈତିକ କ୍ୟାରିୟର ଆରମ୍ଭ କରିଥିଲେ। ପରେ ସେ ଉଭୟ ଗୁଜରାଟ ଏବଂ କେନ୍ଦ୍ରରେ କଂଗ୍ରେସର ସାଂଗଠନିକ ଢ଼ାଞ୍ଚାକୁ ସଡାଡ଼ି ଥିଲେ। ୧୯୮୫ ମସିହାରେ ସେ ତତ୍କାଳୀନ ପ୍ରଧାନମନ୍ତ୍ରୀ ରାଜୀବ ଗାନ୍ଧୀଙ୍କ ସଂସଦ ସଚିବ ଭାବରେ ନିଯୁକ୍ତ ହୋଇଥିଲେ। ସର୍ଦ୍ଦାର ସରୋବର ପ୍ରକଳ୍ପର ତଦାରଖ କରିବା ପାଇଁ ନର୍ମଦା ପରିଚାଳନା ପ୍ରାଧିକରଣ ଗଠନ କରିବାରେ ଅହମ୍ମଦ ପଟେଲ ମଧ୍ୟ ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥିଲେ। ଦୀଗବିଜୟ ତାଙ୍କ ମୃତ୍ୟୁରେ ଶ୍ରଦ୍ଧାଞ୍ଜଳି ଅର୍ପଣ କରିଛନ୍ତି।
@ahmedpatel pic.twitter.com/7bboZbQ2A6
— Faisal Ahmed Patel (@mfaisalpatel) November 24, 2020