ନୂଆ ଦିଲ୍ଲୀ ୯-୧୦ (ଓଡ଼ିଆ ପୁଅ) ସପନା ଚୌଧୁରୀ ଏବେ ଚର୍ଚ୍ଚରେ। ତେବେ କାହିଁକି ସେ ବୀର ସାହୁଙ୍କ ସହ ବିବାହ କରିଥିବା କଥା ନଅ ମାସ ପର୍ଯ୍ୟନ୍ତ ଲୁଚାଇ ରଖିଥିଲେ। ଏହାର ରହସ୍ୟ ତାଙ୍କ ଭଉଣୀ ଖୋଲିଛନ୍ତି।
ସପନା ଏକ ପୁତ୍ର ସନ୍ତାନ ଜନ୍ମ ଦେଇଛନ୍ତି। ସପନା ସୋସିଆଲ ମିଡିଆ ହେଡଲାଇନରେ ଅଛନ୍ତି। ସପନାଙ୍କ ମା’ ହେବାର ଖବର ସମସ୍ତଙ୍କୁ ଆଶ୍ଚର୍ଯ୍ୟ କରିଥିଲା କାରଣ ସପନାଙ୍କ ବିବାହ ଖବର କେହି ଜାଣି ନଥିଲେ।
ପୁଅ ଜନ୍ମ ହେବା ପରେ, ଲୋକମାନେ ଜାଣିବାକୁ ଚାହୁଁଥିଲେ ଯେ, ଶିଶୁର ପିତା କିଏ ଏବଂ ସପନା କେବେ ବିବାହ କଲେ, ଏହି ରହସ୍ୟର ପରଦା ହଟାଇଛନ୍ତି ତାଙ୍କ ଭଉଣୀ।
ସପନାଙ୍କ ବଡ ଭଉଣୀ ଶିବାନୀ ଅତ୍ରୀ ସପନାଙ୍କ ବିବାହ ବିଷୟରେ କହିଛନ୍ତି। ସେ ଏକ ସ୍ଥାନୀୟ ଚ୍ୟାନେଲକୁ କହିଛନ୍ତି ସପନା ଚୌଧୁରୀ ଜାନୁଆରୀରେ ବିବାହ କରିଥିଲେ କିନ୍ତୁ ଆମେ ଉତ୍ସବ ପାଳନ କରିପାରିଲୁ ନାହିଁ। କାରଣ ସପନାଙ୍କ ସ୍ୱାମୀ ଅର୍ଥାତ୍ ବୀର ସାହୁଙ୍କ ପିସାଙ୍କର ମୃତ୍ୟୁ ହୋଇଥିଲା, ଯେଉଁ କାରଣରୁ ସେ ବିବାହ ଉତ୍ସବ ପାଳନ କରିପାରିନଥିଲେ। ତାହାପରେ ଲକଡାଉନ୍ ହୋଇଯାଇଥିଲା ଯେଉଁଥିପାଇଁ ବିବାହ ଜଣା ପଡି ନଥିଲା। କିନ୍ତୁ ଯେତେବେଳେ ଛୋଟ ଅତିଥି ଘରକୁ ଆସଛି, ମୁଁ ବହୁତ ଖୁସି ଏବଂ ମିଠା ବାଣ୍ଟୁଛି।
ସୂଚନାଯୋଗ୍ୟଯେ, ସପନାଙ୍କ ସ୍ୱାମୀ ବୀର ସାହୁ ହରିୟାଣାର ବାସିନ୍ଦା, ବୀର ସାହୁ ଜଣେ ଅଭିନେତା ଗାୟକ ଏବଂ ଲେଖକ ଏବଂ ସେ ଏକ ପଞ୍ଜାବୀ ଚଳଚ୍ଚିତ୍ରରେ ମଧ୍ୟ କାମ କରିଛନ୍ତି।
ଏହି ସମୟରେ ଉଭୟ ସପନା ଏବଂ ତାଙ୍କ ପରିବାର ନୂଆ ଅତିଥିକୁ ସ୍ୱାଗତ କରିବାରେ ବ୍ୟସ୍ତ ଅଛନ୍ତି, ସେମାନେ ଖୁସି ଅଛନ୍ତି। ମିଠା ବଣ୍ଟା ଯାଉଛି। ସୋସିଆଲ ମିଡିଆରେ ଏହା ଭାଇରାଲ ହେଉଛି, ଛୋଟ ଅତିଥିଙ୍କ ଆଗମନରେ ପରିବାର ବହୁତ ଖୁସି ଅଛନ୍ତି।