ନୂଆଦିଲ୍ଲୀ ୬-୩ (ଓଡ଼ିଆ ପୁଅ) ସଡକ ସୁରକ୍ଷା ୱାର୍ଲ୍ଡ ସିରିଜ୍ T20 2021 : ଇଣ୍ଡିଆ ଲିଜେଣ୍ଡ୍ସ ପାଇଁ ପୂର୍ବତନ ଭାରତୀୟ ଓପନର୍ ବିରେନ୍ଦର ସେହୱାଗ ବ୍ୟାଟିଂ କରି ସଡକ ସୁରକ୍ଷା ବିଶ୍ୱ ସିରିଜ୍ T୨୦ ୨୦୨୧ ରେ ବାଂଲାଦେଶ ଲିଡେଣ୍ଡ୍ସ ବିପକ୍ଷରେ ମାତ୍ର ୨୦ ଟି ବଲରେ ନିଜର ଅର୍ଦ୍ଧଶତକ ପୂରଣ କରିଥିବା ବେଳେ ସେହୱାଗ ସଚିନଙ୍କ ସହ ପ୍ରଥମ ୱିକେଟ୍ ଯୋଡ଼ିର ୧୧୪ ରନ୍ ଇଣ୍ଡିଆ ଲିଜେଣ୍ଡ୍ସକୁ ୧୦ ୱିକେଟ୍ ରେ ଏକ ବଡ଼ ବିଜୟ ପ୍ରଦାନ କରିଛି।
ସେହୱାଗ ୩୫ ବଲରୁ ଅପରାଜିତ ୮୦ ସ୍କୋର କରିଥିଲେ, ଦଳ ୧୦ ୱିକେଟରେ ଭାରତ ଜିତିଛି।
ବିରେନ୍ଦର ସେହୱାଗ ମାତ୍ର ୨୦ ବଲରୁ ଅର୍ଦ୍ଧଶତକ ପୂରଣ କରିଥିଲେ ଏବଂ ତାହା ମଧ୍ୟରେ ସେ ୩ ଛକା ଓ ୮ ଚୌକା ମାରିଥିଲେ।
ସେ ଛକା ମାରି ନିଜର ଅର୍ଦ୍ଧଶତକ ପୂରଣ କରିଥିଲେ। ସେହୱାଗ ଏକ ଧାମାକାଦାର ବ୍ୟାଟିଂ ସହ ଇନିଂସ ଆରମ୍ଭ କରିଥିଲେ ଏବଂ ସେ ପ୍ରଥମ ଓଭରରେ ୧୯ ରନ୍ ସଂଗ୍ରହ କରିଥିଲେ। ପ୍ରଥମେ ମୋ ରଫିକ୍ ବୋଲିଂ କରିଥିଲେ ଏବଂ ସେହୱାଗ ତାଙ୍କ ଓଭରରେ ତିନୋଟି ଚୌକା ଓ ଗୋଟିଏ ଛକା ମାରିଥିଲେ। ଏହା ପରେ ମଧ୍ୟ ସେହୱାଗଙ୍କ ବ୍ୟାଟିଂ ବନ୍ଦ ହୋଇନଥିଲା ଏବଂ ସେ ବଡ ସଟ୍ ମାରିବାରେ ଲାଗିଲେ।
ସେହୱାଗ ୫ ଟି ଛକା ଏବଂ ୧୦ ଟୌକା ସହାୟତାରେ ୩୫ ବଲରୁ ଅପରାଜିତ ୮୦ ସ୍କୋର କରିଥିଲେ ଏବଂ ତାଙ୍କ ଷ୍ଟ୍ରାଇକ ହାର ୨୨୮.୫୭ ଥିବାବେଳେ ସଚିନ ତେନ୍ଦୁଲକର ୨୬ ବଲରୁ ଅପରାଜିତ ୩୩ ସ୍କୋର କରି ୫ ଚୌକା ସହାୟତାରେ କରିଥିଲେ। ଜିତିବା ପାଇଁ ଭାରତ ୧୧୦ ରନ ଲକ୍ଷ୍ୟ ରଖିଥିଲା ଏବଂ ଏହି ଦଳ କୌଣସି ୱିକେଟ୍ ହରାଇ ନଥିଲା ଏବଂ ୧୦.୧ ଓଭରରେ ୧୧୪ ରନ୍ ସ୍କୋର କରି ମ୍ୟାଚ୍ ଜିତିଥିଲା।
ଏହି ମ୍ୟାଚର ପ୍ରଥମ ଇନିଂସରେ ବାଂଲାଦେଶ ଲିଜେଣ୍ଡ୍ସ ୧୯.୪ ଓଭରରେ ୧୦୯ ରନ୍ ସଂଗ୍ରହ କରି ଆଉଟ୍ ହୋଇଥିଲେ। ବାଂଲାଦେଶ ପାଇଁ ନାଜିମୁଦ୍ଦିନ ୩୩ ବଲରୁ ୪୯ ରନ୍ କରିଥିଲେ। ତାଙ୍କ ବ୍ୟତୀତ ଅନ୍ୟ କୌଣସି ବ୍ୟାଟ୍ସମ୍ୟାନ୍ ବିଶେଷ କିଛି କରିପାରିନଥିଲେ। ଭାରତ ପାଇଁ ବିନୟ କୁମାର, ପ୍ରଜ୍ଞାନ୍ ଓଝା ଏବଂ ଯୁବରାଜ ସିଂ ଦୁଇଟି ଲେଖାଏଁ ୱିକେଟ୍ ନେଇଥିବାବେଳେ ମନପ୍ରୀତ ଗୋନି ଏବଂ ୟୁସୁଫ ପଠାନ ଗୋଟିଏ ଲେଖାଏଁ ୱିକେଟ୍ ନେଇଥିଲେ।
