ନୂଆ ଦିଲ୍ଲୀ ୧ ଅଗଷ୍ଟ (ଓଡ଼ିଆ ପୁଅ) ଟୋକିଓ ଅଲିମ୍ପିକ୍ସ ୨୦୨୦: ପିଭି ସିନ୍ଧୁ ଟୋକିଓ ଅଲିମ୍ପିକ୍ସରେ ବ୍ରୋଞ୍ଜ ପଦକ ଜିତି ଇତିହାସ ସୃଷ୍ଟି କରିଛନ୍ତି। ପିଭି ସିନ୍ଧୁ ଚାଇନାର ହେ ବିଙ୍ଗ ଜିଆଓଙ୍କୁ ପରାସ୍ତ କରି ଏହି ପଦକ ଜିତିଛନ୍ତି। ଏହି ବିଜୟ ସହିତ ସେ କ୍ରମାଗତ ଦୁଇ ଅଲିମ୍ପିକ୍ ପଦକ ଜିତିଥିବା ଭାରତର ପ୍ରଥମ ମହିଳା ଖେଳାଳି ହୋଇପାରିଛନ୍ତି।
ଭାରତୀୟ ଷ୍ଟାର ସଟଲର ପୂର୍ବରୁ ୨୦୧୬ ରିଓ ଅଲିମ୍ପିକ୍ସରେ ରୌପ୍ୟ ପଦକ ଜିତିଥିଲେ।
ଟୋକିଓ ଅଲିମ୍ପିକ୍ସରେ ପିଭି ସିନ୍ଧୁଙ୍କ ବ୍ରୋଞ୍ଜ ପଦକ ହେଉଛି ଭାରତର ଦ୍ୱିତୀୟ ପଦକ। ଭାରୋତ୍ତୋଳନକାରୀ ମିରାବାଇ ଚାନୁ ଭାରତପାଇଁ ପ୍ରଥମେ ରୌପ୍ୟ ପଦକ ଦେଇଥିବା ବେଳେ ଟୋକିଓରେ ଭାରତ ସିନ୍ଧୁଙ୍କ ବ୍ରୋଞ୍ଜକୁ ମିଶାଇ ବର୍ତ୍ତମାନ ପର୍ଯ୍ୟନ୍ତ ଦୁଇଟି ପଦକ ପାଇଛି। ବକ୍ସର ଲୋଭଲିନା ମଧ୍ୟ ଏକ ପଦକ ଆଣିବେ।
ରବିବାର ଦିନ ଟୋକିଓରେ ବ୍ରୋଞ୍ଜ ପଦକ ପାଇଁ ପିଭି ସିନ୍ଧୁ ଚାଇନାର ଷ୍ଟାର ସଟଲର ହେ ବିଙ୍ଗ ଜିଆଓଙ୍କୁ ୨୧-୧୩, ୨୧-୧୫ ରେ ପରାସ୍ତ କରିଛନ୍ତି। ଏହି ମ୍ୟାଚ୍ ଜିତିବାକୁ ତାଙ୍କୁ ୫୨ ମିନିଟ୍ ସମୟ ଲାଗିଥିଲା।
ସୂଚନାଯୋଗ୍ୟଯେ, ୧୨୫ ବର୍ଷର ଅଲିମ୍ପିକ୍ ଇତିହାସରେ କେବଳ ଦୁଇଜଣ ଭାରତୀୟ ଖେଳାଳି ଦୁଇଟି ବ୍ୟକ୍ତିଗତ ପଦକ ଜିତିବାରେ ସକ୍ଷମ ହୋଇଛନ୍ତି। ପିଭି ସିନ୍ଧୁ ହେଉଛନ୍ତି ପ୍ରଥମ ଭାରତୀୟ ମହିଳା ଏବଂ ସାମଗ୍ରିକ ଭାବେ ଦ୍ୱିତୀୟ ଭାରତୀୟ ଖେଳାଳି। ଭାରତ ପାଇଁ ପ୍ରଥମ ଥର ପାଇଁ ସୁଶୀଲ କୁମାର ଏହି କୀର୍ତ୍ତିମାନ କରିଥିଲେ। ସେ ୨୦୦୮ ବେଜିଂ ଅଲିମ୍ପିକ୍ସରେ ବ୍ରୋଞ୍ଜ ପଦକ ଏବଂ ୨୦୧୨ ଲଣ୍ଡନ ଅଲିମ୍ପିକ୍ସରେ ରୌପ୍ୟ ପଦକ ଜିତିଥିଲେ।