ନୂଆ ଦିଲ୍ଲୀ ୨-୮ (ଓଡ଼ିଆ ପୁଅ) ଭାରତୀୟ ରେଳବାଇ ୩୫ ବର୍ଷ ପାଇଁ ବେସରକାରୀ କମ୍ପାନୀଙ୍କୁ ୧୦୯ ରୁଟ୍ ରେ ୧୫୧ ଟି ଟ୍ରେନ୍ ଚଳାଇବା ଦେବାକୁ ଯାଉଛି। ଏଥିପାଇଁ ଅନେକ ଆଶାୟୀ କମ୍ପାନୀ ଆବେଦନ କରିବାକୁ ଚାହୁଁଛନ୍ତି। ଇଣ୍ଡିଆନ୍ ଏକ୍ସପ୍ରେସରେ ପ୍ରକାଶିତ ଏକ ରିପୋର୍ଟରୁ ଜଣାପଡ଼ିଛିଯେ, ରେଳବାଇର ଘରୋଇ ରେଳ ଚଲାଚଳ ପ୍ରକଳ୍ପ ପାଇଁ ଅନେକ ଆଶାୟୀ ବିଡରମାନେ ଆବେଦନ ପୂର୍ବରୁ ଏକ ବୈଠକରେ ଏ ନେଇ ବିଭିନ୍ନ ଦିଗ ଉପରେ ଅନେକ ପ୍ରଶ୍ନ ଉଠାଇଥିଲେ।
ସେଥିମଧ୍ୟରୁ ଗୋଟିଏ ଥିଲା ଯାତ୍ରୀମାନଙ୍କର ରେଳଭଡ଼ା ସମ୍ବନ୍ଧୀୟ। ରିପୋର୍ଟରେ କୁହାଯାଇଛିଯେ, ବେସରକାରୀ ବେସରକାରୀ କମ୍ପାନୀମାନଙ୍କ ଦ୍ୱାରା ଆରମ୍ଭ ହେବାକୁ ଥିବା ପ୍ରସ୍ତାବିତ ରେଳ ଚଳାଚଳ ପ୍ରକଳ୍ପରେ କମ୍ପାନୀମାନେ ନିଜର ଯାତ୍ରୀବାହୀ ଟ୍ରେନ୍ ପାଇଁ ଭଡ଼ା ସ୍ଥିର କରିପାରିବେ ଏବଂ ଏହି ରେଳଯାତ୍ରୀଭଡ଼ା ପାଇଁ କୌଣସି ଉଚ୍ଚ ସୀମା ରହିବ ନାହିଁ। ଏତଦ୍ ବ୍ୟତୀତ ଅପରେଟରମାନେ ଏଥିପାଇଁ କୌଣସି କର୍ତ୍ତୃପକ୍ଷଙ୍କ ଅନୁମୋଦନ ନେବା ଆବଶ୍ୟକ କରିବେ ନାହିଁ ବୋଲି ରେଳ ମନ୍ତ୍ରଣାଳୟ ଶୁକ୍ରବାର ଦିନ ସ୍ପଷ୍ଟ କରିଥିବା ରିପୋର୍ଟରେ କୁହାଯାଇଛି।
ଭଡା ପାଇଁ କୌଣସି ଉଚ୍ଚ ସୀମା ନ ରହୁଥିବାରୁ ଏବଂ ଆଧୁନିକ ରେଳ ଯାତ୍ରା ଯୋଗୁଁ ଏହି ରେଳ ଭଡା ବର୍ତ୍ତମାନର ଟ୍ରେନ୍ ସେବା ଭଡ଼ା ଅପେକ୍ଷା ଅଧିକ ହେବ ବୋଲି ଅଧିକାରୀମାନେ କହିଛନ୍ତି।
ଶୁକ୍ରବାର ସେହି ପ୍ରଶ୍ନଗୁଡିକର ଉତ୍ତର ଦେଇ ରେଳବାଇ କହିଛି ଯେ, ଏହି ଘରୋଇ ଟ୍ରେନର ଭଡା ମାର୍କେଟ ଡ୍ରିଭିନ୍ ହେବ ଏବଂ କୌଣସି ଅନୁମୋଦନ ଉପରେ ବିଚାର କରାଯାଇ ନାହିଁ।
ରେଳବାଇ ଅଧିନିୟମ ଅନୁଯାୟୀ, ଦେଶରେ ଯାତ୍ରୀବାହୀ ଟ୍ରେନ୍ ପାଇଁ କେବଳ ମନ୍ତ୍ରଣାଳୟ କିମ୍ବା କେନ୍ଦ୍ର ସରକାର ନିଷ୍ପତ୍ତି ନେଇପାରିବେ। ଏହି ବ୍ୟବସ୍ଥାକୁ ଆଇନଗତ ଭାବେ କାର୍ଯ୍ୟକାରୀ କରିବା ପାଇଁ ରେଳବାଇକୁ କ୍ୟାବିନେଟ୍ ର ଅନୁମୋଦନ କିମ୍ବା ସଂସଦର ଅନୁମୋଦନ ଆବଶ୍ୟକ ହୋଇପାରେ ବୋଲି କୁହାଯାଇଛି।
ବେସରକାରୀ ଅପରେଟରମାନେ ତାଙ୍କର ୱେବସାଇଟ୍ ଜରିଆରେ ଟିକେଟ୍ ବିକ୍ରି କରିପାରିବେ। କିନ୍ତୁ ଏହି ୱେବସାଇଟର ବ୍ୟାକ ଏଣ୍ଡ ରେଳୱେ ରିଜର୍ଭେସନ ସିଷ୍ଚମରେ ରହିବ।
ଭାରତୀୟ ରେଳବାଇ, ଯେଉଁ ରୁଟ୍ଗୁଡ଼ିକରେ ଯେଉଁ ଘରୋଇ ଉଦ୍ୟୋଗ ଅପରେଟରଙ୍କୁ ନିୟୋଜିତ କରିବାକୁ ଚାହୁଁଛି ସେମାନଙ୍କ ମଧ୍ୟରେ ଟ୍ରେନର ବୈଷୟିକ ନିର୍ଦ୍ଦିଷ୍ଟତା ଉପରେ ଦ୍ୱନ୍ଦ୍ୱ ଉପୁଜି ଥିଲା। ସେଥିପାଇଁ ଅନେକ କମ୍ପାନୀ ପଚାରିଥିଲେ ଯେ, ରେଳବାଇ କିପରି ବେସରକାରୀ ଟ୍ରେନକୁ ୧୬୦ କିଲୋମିଟର ବେଗରେ ଦୌଡ଼ାଇ ପାରିବ, ଯେତେବେଳେ ଏହାର ଭିତ୍ତିଭୂମି ବୋଧହୁଏ ଏଭଳି ବେଗ ପାଇଁ ପ୍ରସ୍ତୁତ ନୁହେଁ, ସେ କ୍ଷେତ୍ରରେ ସେମାନଙ୍କୁ ଦିଆଯାଇଥିବା ଉତ୍ତରଟି ହେଉଛି: “ଏହି ଧାରା ଆତ୍ମ-ବ୍ୟାଖ୍ୟାକାରୀ ଅଟେ। କୌଣସି ପରିବର୍ତ୍ତନର ଚିନ୍ତା ଆବଶ୍ୟକ ନାହିଁ।”
ରେଳବାଇ ମଧ୍ୟ ବେସରକାରୀ ଅପରେଟରଙ୍କୁ ଆଣିବାକୁ ଚାହୁଁଥିବା ରୋଲିଂ ଷ୍ଟକ୍ ପାଇଁ ବୈଷୟିକ ନିର୍ଦ୍ଦିଷ୍ଟତା ଉପରେ କୌଣସି ସୂଚନା ଦେଇନାହିଁ। ଏହି ବିଷୟରେ ବିଭିନ୍ନ ପ୍ରଶ୍ନର ଉତ୍ତର ଥିଲା: “ଖୁବ ଶୀଘ୍ର ଡ୍ରାଫ୍ଟ ସ୍ପେସିଫିକେସନ୍ ଏବଂ ଷ୍ଟାଣ୍ଡାର୍ଡ ଜାରି କରାଯିବ।”
ପ୍ରକାଶିତ ରିପୋର୍ଟର ସୂତ୍ରରୁ ପ୍ରକାଶ ଯେ, ବେସରକାରୀ ଅପରେଟରମାନଙ୍କ ପାଇଁ ବୈଷୟିକ ନିର୍ଦ୍ଦିଷ୍ଟକରଣ ହେଉଛି ୪୦, ୦୦୦ କିଲୋମିଟର ଚାଲିବା ପରେ କିମ୍ବା ୩୧ ଦିନ ପାଇଁ ରକ୍ଷଣାବେକ୍ଷଣ ଦେଖାଯିବା ପରେ – ଯାହା ବର୍ତ୍ତମାନ ଜଣାପଡ଼ିନାହିଁ।
ଦୁର୍ଘଟଣାର ଉତ୍ତୀଦାୟିତ୍ୱ କିପରି ସ୍ଥିର କରାଯିବ ବୋଲି ପଚରାଗଲା, ଦିଆଯାଇଥିବା ଉତ୍ତରଟି ହେଲା: “ପ୍ରଯୁଜ୍ୟ ବ୍ୟବସ୍ଥା ଡ୍ରାଫ୍ଟ ଚୁକ୍ତିର ଅଂଶ ଭାବରେ ଅନ୍ତର୍ଭୂକ୍ତ କରାଯିବ।”