ନୂଆ ଦିଲ୍ଲୀ ୩୧-୧ (ଓଡ଼ିଆ ପୁଅ) ପୋଷାକ ଏବଂ ଫ୍ୟାଶନ୍ ଉତ୍ପାଦ ସହିତ ଜଡିତ ଏକ ଇ-କମର୍ସ କମ୍ପାନୀ “ମିଣ୍ଟ୍ରା” Mintra ଏହାର ଲୋଗୋରେ ପରିବର୍ତ୍ତନ କରିବାକୁ ଯାଉଛି। ମୁମ୍ବାଇର ସାଇବର କ୍ରାଇମ ପୋଲିସ ନିକଟରେ ଅଭିଯୋଗ ପରେ କମ୍ପାନୀ “ମିଣ୍ଟ୍ରା” ଏହାର ଲୋଗୋ ବଦଳାଇବାକୁ ନିଷ୍ପତ୍ତି ନେଇଛି।
ଖବର ଅନୁଯାୟୀ, ମୁମ୍ବାଇର ଜଣେ ମହିଳା କାର୍ଯ୍ୟକର୍ତ୍ତା ମୁମ୍ବାଇ ସାଇବର କ୍ରାଇମ ପୋଲିସ ନିକଟରେ ଅଭିଯୋଗ କରିଥିଲେ। ଅଭିଯୋଗରେ କୁହାଯାଇଥିଲା ଯେ, ମିନ୍ତ୍ରା କମ୍ପାନୀର ଲୋଗୋ ମହିଳାଙ୍କ ସମ୍ମାନକୁ ଅପମାନିତ କରୁଛି।
ମହିଳା କେବଳ ମିନ୍ତ୍ରା ର ଏହି ଲୋଗୋ ହଟାଇବାକୁ ଦାବି କରିନାହାଁନ୍ତି, ବରଂ କମ୍ପାନୀ ବିରୋଧରେ କଠୋର କାର୍ଯ୍ୟାନୁଷ୍ଠାନ ମଧ୍ୟ ଦାବି କରିଛନ୍ତି।
ଏହି ବିବାଦରେ ଛନ୍ଦି ହେବା ପରେ ରବିବାର ଦିନ, “ମିନ୍ତ୍ରା” ମୁମ୍ବାଇ ପୋଲିସର ସାଇବର କ୍ରାଇମ ଶାଖାକୁ ନିଜ ପଦକ୍ଷେପ ସମ୍ପର୍କରେ ଏକ ପତ୍ର ମାଧ୍ୟମରେ ସୂଚନା ଦେଇଛନ୍ତି।
ଏଥିରେ ଦର୍ଶାଯାଇଛି ଯେ, ଜାନୁଆରୀ ୪ ରେ ସାଇବର କ୍ରାଇମ ସହ ବାର୍ତ୍ତାଳାପ ପରେ “ମିନ୍ତ୍ରା” ଏହି ପଦକ୍ଷେପ ନେଇଛନ୍ତି। ଏକ ମାସ ମଧ୍ୟରେ ଏହାର ଲୋଗୋ ବଦଳାଇବ ବୋଲି କମ୍ପାନୀ କହିଛି। କମ୍ପାନୀ ବର୍ତ୍ତମାନ ରହିଥିବା ଲିଖିତ ସାମଗ୍ରୀରେ ପରିବର୍ତ୍ତନ କରୁଛି। ଥରେ ଏହା ସମାପ୍ତ ହୋଇଗଲେ, ନୂତନ ଲୋଗୋ ଥିବା ସାମଗ୍ରୀ ପ୍ରୟୋଗ ହେବ।
ଆଭେଷ୍ଟା ଫାଉଣ୍ଡେସନ ନାମକ ଏକ ଏନଜିଓର ପ୍ରତିଷ୍ଠାତା ନାଜ ପଟେଲଙ୍କ ନିକଟରେ ମିନ୍ତ୍ରାର ଲୋଗୋ ବିରୋଧରେ ଅଭିଯୋଗ ଦାଖଲ କରିଥିଲେ। ଲୋଗୋ ହଟାଇବା ଏବଂ କମ୍ପାନୀ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ନାଜ ପଟେଲ ଗତ ବର୍ଷ ଡିସେମ୍ବରରେ ଅଭିଯୋଗ କରିଥିଲେ। ପଟେଲ ଅଭିଯୋଗ କରିଛନ୍ତି ଯେ, ମିନ୍ତ୍ରାର ଲୋଗୋ ଉଲଗ୍ନ ମହିଳାଙ୍କ ପରି ଦେଖାଯାଉଛି।
ମହିଳା କାର୍ଯ୍ୟକର୍ତ୍ତାଙ୍କଠାରୁ ଅଭିଯୋଗ ପାଇବା ପରେ ମୁମ୍ବାଇ ପୋଲିସର ସାଇବର କ୍ରାଇମ ବିଭାଗ କମ୍ପାନୀକୁ ଏକ ଇ-ମେଲ୍ ପଠାଇ ଅଭିଯୋଗ ସମ୍ପର୍କରେ ସୂଚନା ଦେଇଥିଲା। ଏକ ମିଡିଆ କମ୍ପାନୀ ସହ କଥାବାର୍ତ୍ତା କରି ମୁମ୍ବାଇ ପୋଲିସର ସାଇବର କ୍ରାଇମ ବିଭାଗର ଡିସିପି ରଶ୍ମି କରନାଦିକର କହିଛନ୍ତି ଯେ କମ୍ପାନୀର ଲୋଗୋ ମହିଳାଙ୍କ ପ୍ରତି ଅସଦାଚରଣ ବୋଲି ଆମେ ଅନୁସନ୍ଧାନରୁ ଜାଣିଛୁ। ଅଭିଯୋଗ ପରେ ଆମେ ମିନ୍ତ୍ରାଙ୍କୁ ଏକ ଇ-ମେଲ୍ ପଠାଇଥିଲୁ ଯାହା ପରେ ତାଙ୍କ ଅଧିକାରୀମାନେ ଆସି ଆମକୁ ଭେଟିଥିଲେ। ଅଧିକାରୀମାନେ କହିଛନ୍ତି ଯେ ସେମାନେ ଏକ ମାସ ମଧ୍ୟରେ କମ୍ପାନୀର ଲୋଗୋ ବଦଳାଇବେ।
୨୦୨୦ ରେ, ମିନ୍ତ୍ରାର ୱେବସାଇଟ୍ ରେ ଆସୁଥିବା ଟ୍ରାଫିକ୍ ପ୍ରାୟ ୫୧ ପ୍ରତିଶତ ବୃଦ୍ଧି ପାଇଛି। ୨୦୦୭ ରେ ପ୍ରତିଷ୍ଠିତ ମିନ୍ତ୍ରା, ୨୦୧୪ ରେ ଫ୍ଲିପକାର୍ଟ ଦ୍ୱାରା କିଣାଯାଇଥିଲା। ପରବର୍ତ୍ତୀ ସମୟରେ, ୨୦୧୬ ରେ ଫ୍ଲିପକାର୍ଟ, ଫ୍ୟାଶନ ଇ-ରିଟେଲର ଜାବଙ୍ଗକୁ ମଧ୍ୟ ଅଧିଗ୍ରହଣ କରିଥିଲା।