ନୂଆ ଦିଲ୍ଲୀ ୮-୯ (ଓଡ଼ିଆ ପୁଅ) କେନ୍ଦ୍ର ମନ୍ତ୍ରୀ ରିଜିଜୁ ଟୁଇଟ୍ କରି ପ୍ରକାଶ କରିଛନ୍ତିଯେ, “ଭାରତୀୟ ସେନା ଦ୍ୱାରା ପଠାଯାଇଥିବା ହଟଲାଇନ ବାର୍ତ୍ତା ଉପରେ ଚୀନର PLA ପ୍ରତିକ୍ରିୟା ଦେଇଛି। ସେମାନେ ନିଶ୍ଚିତ କରିଛନ୍ତି ଯେ, ଅରୁଣାଚଳ ପ୍ରଦେଶରୁ ନିଖୋଜ ଯୁବକମାନେ ସେମାନଙ୍କ ପାର୍ଶ୍ୱରୁ ମିଳିଛନ୍ତି।”
ସୂଚନାଯୋଗ୍ୟଯେ, ପୂର୍ବ ଅରୁଣାଚଳ ନିର୍ବାଚନମଣ୍ଡଳୀର ସାଂସଦ ତାପିର ଗାଓଙ୍କ ଟ୍ୱିଟ ପରେ ଏହି ଘଟଣା ସାମ୍ନାକୁ ଆସିଥିଲା। ଗାଓ ତାଙ୍କ ଟ୍ୱିଟ୍ରେ କହିଥିଲେ, “୩ ସେପ୍ଟେମ୍ବରରୁ ଅରୁଣାଚଳର ଉପର ସୁବାନସିରିରେ ଥିବା ଭାରତୀୟ ଅଞ୍ଚଳ ଅନ୍ତର୍ଗତ ମ୍ୟାକମୋହୋନ୍ ଲାଇନ୍ ତଳେ ଥିବା ସେର ୭ ଅଞ୍ଚଳରୁ ଚାଇନାର PLA ଦ୍ୱାରା ୫ ଜଣ ଟ୍ୟାଗିନ୍ ଯୁବକ ଅପହରଣ ହୋଇଥିବା ସୂଚନା ମିଳିଛି। ବର୍ତ୍ତମାନ #CCP ବିରୋଧରେ ଛିଡା ହେବାର ସମୟ। ଏହି ପାଞ୍ଚ ଜଣ ଯୁବକ ଟାଗିନ ଜନଜାତିର ଅଟନ୍ତି।”
ପ୍ରକାଶ ରିଙ୍ଗଲିଙ୍ଗ (ଜଣେ ନିଖୋଜ ଯୁବକର ଭାଇ) ଫେସବୁକରରେ ପ୍ରକାଶ ଲେଖିଥିଲେ ଯେ ତାଙ୍କ ଭାଇ ଏବଂ ଅନ୍ୟ ଚାରିଜଣଙ୍କୁ ଭାରତ-ଚୀନ୍ ସୀମାରେ ଥିବା ସେରା- ୭ ଅଞ୍ଚଳରୁ ପିଏଲଏ ଦ୍ୱାରା ଅପହରଣ କରାଯାଇଛି। ଏହି ଘଟଣାକୁ କଂଗ୍ରେସ ବିଧାୟକ ନିନୋଙ୍ଗ ଏରିଙ୍ଗ ମଧ୍ୟ ଟ୍ୱିଟ କରିଥିଲେ, ସେ ପ୍ରକାଶ ରିଙ୍ଗଲିଙ୍ଗ (ଜଣେ ନିଖୋଜ ଯୁବକର ଭାଇ)ଙ୍କ ଫେସବୁକର ଏକ ସ୍କ୍ରିନସଟ ସଂଲଗ୍ନ କରିଥିଲେ।
ସ୍ଥାନୀୟ ପୋଲିସ ମଧ୍ୟ ଏହି ଘଟଣାର ତଦନ୍ତ ଆରମ୍ଭ କରିଥିଲା ବୋଲି ଅରୁଣାଚଳ ସରକାରଙ୍କ ଜଣେ ବରିଷ୍ଠ ଅଧିକାରୀ ଏହା ପୂର୍ବରୁ କହିଥିଲେ।
ଅପହରଣର ଖବର ଏପରି ଏକ ସମୟରେ ଆସିଥିଲା ଯେତେବେଳେ ପୂର୍ବ ଲଦାଖର ପାଙ୍ଗୋଙ୍ଗ ସୋ ଅଞ୍ଚଳରେ ଦୁଇ ଦେଶ ମଧ୍ୟରେ ଚାଲିଥିବା ବିବାଦକୁ ଦୃଷ୍ଟିରେ ରଖି ଭାରତୀୟ ସେନା ୩, ୪୦୦ କିଲୋମିଟର ଲମ୍ବା ଲାଇନ୍ ଅଫ୍ ଆକ୍ଟୁଆଲ୍ କଣ୍ଟ୍ରୋଲରେ ଏହାର ନିୟୋଜନକୁ ବୃଦ୍ଧି କରିଛି।
ଏହାପରେ କେନ୍ଦ୍ର ମନ୍ତ୍ରୀ କିରେନ ରିଜିଜୁ ମଙ୍ଗଳବାର କହିଛନ୍ତି ଯେ ଚୀନ୍ର ପିପୁଲ୍ସ ଲିବରେସନ୍ ଆର୍ମି (ପିଏଲଏ) ନିଶ୍ଚିତ କରିଛି ଯେ ତିନି ଦିନ ପୂର୍ବେ ନିଖୋଜ ହୋଇଯାଇଥିବା ଅରୁଣାଚଳ ପ୍ରଦେଶର ପାଞ୍ଚ ଜଣ ଯୁବକ ସେମାନଙ୍କ ପଟେ ମିଳିଛନ୍ତି। ରିଜିଜୁ ଆହୁରି ମଧ୍ୟ କହିଛନ୍ତି ଯେ, ଯୁବକମାନଙ୍କ ହସ୍ତାନ୍ତର ପ୍ରକ୍ରିୟାର ନିୟମ ମୁତାବକ କାମ କରାଯାଉଛି।
“ଭାରତୀୟ ସେନା ଦ୍ୱାରା ପଠାଯାଇଥିବା ହଟଲାଇନ ବାର୍ତ୍ତା ଉପରେ ଚୀନ୍ର PLA ପ୍ରତିକ୍ରିୟା ଦେଇଛି। ସେମାନେ ନିଶ୍ଚିତ କରିଛନ୍ତି ଯେ, ଅରୁଣାଚଳ ପ୍ରଦେଶର ନିଖୋଜ ଯୁବକମାନଙ୍କୁ ସେମାନଙ୍କ ପକ୍ଷରୁ ମିଳିଛନ୍ତି।” ବୋଲି ରିଜିଜୁ ଏକ ଟୁଇଟ୍ରେ କହିଛନ୍ତି।