ଶ୍ରୀନଗର ୯-୮ (ଓଡ଼ିଆ ପୁଅ) ଆତଙ୍କବାଦୀମାନେ ରବିବାର ସକାଳେ ଜାମ୍ମୁ କାଶ୍ମୀରର ବଡ଼ଗାମ ଜିଲ୍ଲାର ଓମପୋରା ଅଞ୍ଚଳରେ ବିଜେପି କର୍ମୀ ଅବଦୁଲ ହମିଦଙ୍କ ଉପରକୁ ଗୁଳି ମାରିଛନ୍ତି। ଖବର ମୁତାବକ, ଆତଙ୍କବାଦୀମାନେ ଅବଦୁଲ ହମିଦଙ୍କ ଘରେ ପଶି ତାଙ୍କୁ ଗୁଳି କରି ସେଠାରୁ ପଳାଇ ଯାଇଥିଲେ। ଅବଦୁଲ ହମିଦଙ୍କୁ ଗୁରୁତର ଅବସ୍ଥାରେ ଡାକ୍ତରଖାନାରେ ଭର୍ତ୍ତି କରାଯାଇଛି।
ଘଟଣା ସମ୍ପର୍କରେ ସୂଚନା ପାଇବା ପରେ ପୋଲିସ ଘଟଣାସ୍ଥଳରେ ପହଞ୍ଚି ଆଖପାଖ ଅଞ୍ଚଳରେ ଘେରି ରହି ଆତଙ୍କବାଦୀଙ୍କ ସନ୍ଧାନକୁ ଜୋରଦାର କରିଛି। ସୂଚନାନୁସାରେ, ରବିବାର ସକାଳେ ଆତଙ୍କବାଦୀମାନେ ବିଜେପି କର୍ମୀ ଅବଦୁଲ ହମିଦଙ୍କ ଘରେ ଆକ୍ରମଣ କରିଥିଲେ।
ଆତଙ୍କବାଦୀମାନେ ଅବଦୁଲ ହମିଦଙ୍କୁ ଗୁଳି କରିବା ପରେ ସେହି ଅଞ୍ଚଳରେ ଉପସ୍ଥିତ ଥିବା ଅନ୍ୟ ଜଣେ ବିଜେପି ମହିଳାକର୍ମୀଙ୍କ ଘରେ ପ୍ରବେଶ କରିଥିଲେ। ତେବେ ମହିଳା ବିଜେପି କର୍ମୀ ଘରେ ଉପସ୍ଥିତ ନଥିଲେ, ପରେ ଆତଙ୍କବାଦୀମାନେ ସେଠାରୁ ପଳାୟନ କରିଥିଲେ।
ସୂଚନାଯୋଗ୍ୟଯେ, ଅବଦୁଲ ହମିଦ ବୁଦ୍ଧାମ ଜିଲ୍ଲାର ବିଜେପିର ଓବିସି ୟୁନିଟର ଜିଲ୍ଲା ସଭାପତି ଥିଲେ।
ଘଟଣା ସମ୍ପର୍କରେ ସୂଚନା ପାଇବା ପରେ ପୋଲିସ ଘଟଣାସ୍ଥଳରେ ପହଞ୍ଚି ବିଜେପି କର୍ମୀଙ୍କୁ ଡାକ୍ତରଖାନାରେ ଭର୍ତ୍ତି କରିଥିଲା ଯେଉଁଠାରେ ତାଙ୍କ ଅବସ୍ଥା ଗୁରୁତର ରହିଛି।
ଆତଙ୍କବାଦୀଙ୍କୁ ଧରିବା ପାଇଁ ପୋଲିସ ଏହି ଅଞ୍ଚଳରେ ଘେରାବନ୍ଦୀ କରିଛି ଏବଂ ସର୍ଚ୍ଚ ଅପରେସନ ଆରମ୍ଭ ହୋଇଛି।