ଆଜି ଆଡ଼ଭାଣୀଙ୍କ ଜନ୍ମଦିନ: ଶୁଭେଚ୍ଛା ଜଣାଇଲେ ପ୍ରଧାନମନ୍ତ୍ରୀ, କେକ୍ କାଟିଲେ ଉପରାଷ୍ଟ୍ରପତି ..

ନୂଆଦିଲ୍ଲୀ: ବିଜେପିର ପ୍ରତିଷ୍ଠାତା ସଦସ୍ୟ, ବରିଷ୍ଟ ନେତା ଲାଲକୃଷ୍ଣ ଆଡ଼ଭାଣୀ ଆଜି ୯୪ ବର୍ଷରେ ପଦାର୍ପଣ କରିଛନ୍ତି। ଆଡଭାଣୀଙ୍କ ଜନ୍ମଦିନରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏବଂ ଉପ- ରାଷ୍ଟ୍ରପତି ଏମ କେ ଭେଙ୍କେୟା ନାଇଡୁଙ୍କ ସମେତ ଗୃହମନ୍ତ୍ରୀ ଅମିତ ଶାହ, ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ ଓ ବିଜେପିର ରାଷ୍ଟ୍ରୀୟ ଅଧ୍ୟକ୍ଷ ଜେପି ନଡ୍ଡା ପ୍ରମୂଖ ତାଙ୍କ ବାସଭବନକୁ ଯାଇ ଜନ୍ମଦିନ ଅବସରରେ ଆଡ଼ଭାଣୀଙ୍କୁ ଶୁଭେଚ୍ଛା ଏବଂ ଶୁଭକାମନା ଜଣାଇଛନ୍ତି। ଜନ୍ମଦିନ ପାଳନ ଅବସରରେ ଉପରାଷ୍ଟ୍ରପତି ଭେଙ୍କେୟା ନାଇଡୁ ଆଡଭାନୀଙ୍କ ହାତ ଧରି କେକ୍ କାଟିଥିଲେ।

ପ୍ରଧାନମନ୍ତ୍ରୀ ମୋଦି ଏହି ଅବସରରେ ଟ୍ବିଟ୍ କରି କହିଛନ୍ତି, “ଆଦରଣୀୟ ଆଡ଼ଭାଣୀ ଜୀ’ଙ୍କୁ ଜନ୍ମଦିନରେ ଶୁଭକାମନା। ତାଙ୍କର ଦୀର୍ଘ ଓ ସ୍ବାସ୍ଥ୍ୟ ଜୀବନର କାମନା କରୁଛି। ଲୋକଙ୍କୁ ସଶକ୍ତ କରିବା ଓ ସାଂସ୍କୃତି ଗୌରବକୁ ବଢ଼ାଇବା ପାଇଁ ତାଙ୍କର ଚେଷ୍ଟା ପାଇଁ ରାଷ୍ଟ୍ର ସବୁବେଳେ ଋଣୀ ରହିବ”।
-@DevDr