Odiapua.com

ଲକ୍ଷ୍ମୀ ବମ୍ ଟ୍ରେଲର ରିଲିଜ୍ – ଅକ୍ଷୟ କୁମାର, କିଆରା ଆଡଭାନୀଙ୍କ ହରର-କମେଡି ନଭେମ୍ବର ୯ରେ ରିଲିଜ୍ ହେବ

Bureau

ହରର-କମେଡ଼ି ଲକ୍ଷ୍ମୀ ବମ୍ ରେ ଅକ୍ଷୟ କୁମାର ଟ୍ରାନ୍ସଜେଣ୍ଡର ଭାବେ ଅଭିନୟ କରିଛନ୍ତି। ତାଙ୍କ ଭୂମିକା ବିଷୟରେ ଅଭିନେତା କହିଛନ୍ତି ଯେ, “୩୦ ବର୍ଷ ମଧ୍ୟରେ ଏହା ମାନସିକ ସ୍ତରରେ ଅଧିକ ଗୁରୁତ୍ତ୍ୱପୂର୍ଣ୍ଣ ଭୂମିକା ଅଟେ। ଏହା ପୂର୍ବରୁ କେବେ ଅନୁଭବ କରି ନଥିଲି।” ମୂଳ ତାମିଲ ଚଳଚ୍ଚିତ୍ରକୁ ନିର୍ଦ୍ଦେଶନା ଦେଇଥିବା ରାଘବ ଲରେନ୍ସ ମଧ୍ୟ ବଲିଉଡର ଏହି ରିମେକ୍ ନିର୍ଦ୍ଦେଶନା ଦେଇଛନ୍ତି। ଏଥିରେ କିଆରା ଆଡୱାନୀ, ତୁଷାର କାପୁର, ଶରଦ କେଲକର ଏବଂ ଅଶ୍ୱିନୀ କାଲସେକର ସହ ଅଭିନୟ କରିଛନ୍ତି।
ନୂଆ ଦିଲ୍ଲୀ ୯-୧୦ (ଓଡ଼ିଆ ପୁଅ) ନଭେମ୍ବର ୯ ରେ ବଲିଉଡ ସୁପରଷ୍ଟାର ଅକ୍ଷୟ କୁମାରଙ୍କ ବହୁ ପ୍ରତୀକ୍ଷିତ ଚଳଚ୍ଚିତ୍ର ଲକ୍ଷ୍ମୀ ବମ୍ ଏହି ଦୀପାବଳି ପୂର୍ବରୁ OTT ପ୍ଲାଟଫର୍ମରେ ପ୍ରିମିୟର୍ ହେବ। ହରର-କମେଡ଼ିରେ ଅଭିନେତା ଅକ୍ଷୟ କୁମାର ଜଣେ ଟ୍ରାନ୍ସଜେଣ୍ଡର ଭୂମିକାରେ ନଜର ଆସିବେ। ଏହି ଚଳଚ୍ଚିତ୍ରରେ କିଆରା ଆଡଭାନୀ ମଧ୍ୟ ଏକ ପ୍ରମୁଖ ଭୂମିକାରେ ଅଭିନୟ କରିଛନ୍ତି। ଅକ୍ଷୟ କୁମାର ଟ୍ରେଲରକୁ ସେୟାର କରି କହିଛନ୍ତି, “ଯେଉଁଠାରେ ଥାଆନ୍ତୁ, ସେଇଠି ରହିଯାଆନ୍ତୁ ଏବଂ ପ୍ରସ୍ତୁତ ହୋଇଯାଆନ୍ତୁ ଦେଖିବା ପାଇଁ ଲକ୍ଷ୍ମୀ ବମ୍ ଟ୍ରେଲର, କାରଣ ବର୍ଷିବାକୁ ଆସୁଛି ଲକ୍ଷ୍ମୀବମ୍।” ଟ୍ରେଲରରେ ଦର୍ଶାଯାଇଛି ଯେ ଭୂତ ପ୍ରବେଶ କରିବା ପରେ ଅଭିନେତା ଟ୍ରାନ୍ସଜେଣ୍ଡରରେ ରୂପାନ୍ତରିତ ହୋଇଛନ୍ତି। ଟ୍ୟାଗଲାଇନ୍ ରେ ଲେଖା ଅଛି,” ଗୋଟିଏ ପରିବାର ଏବଂ ଭୂତର ଏକ ସର୍କସ୍।”

ଟ୍ରେଲର ବିଷୟରେ ପ୍ରଶଂସକଙ୍କୁ ଥଟ୍ଟା କରି ଅକ୍ଷୟ କୁମାର ଶୁକ୍ରବାର ଦିନ ଟ୍ୱିଟ୍ କରି କହିଥିଲେ ଯେ, “ଲକ୍ଷ୍ମୀ ବମ୍ବ ଟ୍ରେଲରକୁ ଅପେକ୍ଷା କରିଛୁ, ଯେପରିକି କିଆରା ଆଡଭାନି ଏବଂ ମୁଁ” ମାତ୍ର ୩ ଘଣ୍ଟା ଅଛି। ଟ୍ରେଲର ଆଜି ୧୨.୩୦ ରେ ମୁକ୍ତିଲାଭ କରିବ।

ଅକ୍ଷୟ କୁମାର ଜୁନ୍ ମାସରେ, ସେୟାର କରିଥିଲେଯେ, ପ୍ରଥମ ଥର ପାଇଁ କୋଭିଡ୍ -୧୯ ସଙ୍କଟ ମଧ୍ୟରେ ଫିଲ୍ମ OTT ପ୍ଲାଟଫର୍ମରେ ରିଲିଜ୍ ହେବ। ଏହା ଡିସ୍ନି + ହଟଷ୍ଟାରରେ ପ୍ରିମିୟର୍ ହେବାର ଯୋଜନା ହୋଇଛି। ଏହି ଚଳଚ୍ଚିତ୍ରଟି ଅଷ୍ଟ୍ରେଲିଆ, ନ୍ୟୁଜିଲ୍ୟାଣ୍ଡ ଏବଂ ୟୁଏଇରେ ନଭେମ୍ବର ୯ ରେ ମୁକ୍ତିଲାଭ ପାଇଁ ନିଶ୍ଚିତ ହୋଇଛି। ଲକ୍ଷ୍ମୀ ବମ୍ ତାମିଲ ବ୍ଲକବଷ୍ଟର “ମୁନି ୨ : କାଞ୍ଚାନା” ର ରିମେକ୍ ଅଟେ। ମୂଳ ତାମିଲ ସିନେମାକୁ ଲୋକଲୋଚନକୁ ଆଣିଥିବା ରାଘବ ଲରେନ୍ସ, କିଆରା ଆଡଭାନୀ, ତୁଷାର କପୁର, ଶରଦ କେଲକର ଏବଂ ଅଶ୍ୱିନୀ କାଲସେକରଙ୍କ ସହ ଅଭିନୟରେ ବଲିଉଡର ରିମେକ୍ ଲକ୍ଷ୍ମୀବମ୍ କୁ ମଧ୍ୟ ନିର୍ଦ୍ଦେଶନା ଦେଇଛନ୍ତି।

ଏଥିରେ ପ୍ରଥମ ଥର ପାଇଁ ଅକ୍ଷୟ କୁମାରଙ୍କୁ ଏକ ଫିଲ୍ମରେ ଟ୍ରାନ୍ସଜେଣ୍ଡର ଭୂମିକାରେ ଅଭିନୟ କରୁଥିବା ଦେଖିବାକୁ ମିଳିବ। ତାଙ୍କ ଭୂମିକା ବିଷୟରେ ଅଭିନେତା କହିଥିଲେ, “୩୦ ବର୍ଷ ମଧ୍ୟରେ ଏହା ହେଉଛି ମାନସିକ ସ୍ତରରେ ଅଧିକ ଗୁରୁତ୍ତ୍ୱପୂର୍ଣ୍ଣ ଭୂମିକା। ଏହା ପୂର୍ବରୁ କେବେ ଅନୁଭବ କରି ନଥିଲି। ଏଥିପାଇଁ କ୍ରେଡିଟ୍ ଲରେନ୍ସ ସାର୍ ଙ୍କ ନିକଟକୁ ଯିବ। ସେ ମୋତେ ଏକ ନୂଆ ଭୂମିକା ସହିତ ପରିଚିତ କରାଇଲେ ଯାହା ମୁଁ ଜାଣିନଥିଲି। ଏହା ମୋର ଅନ୍ୟ ଚରିତ୍ରମାନଙ୍କଠାରୁ ଭିନ୍ନ ଥିଲା। ତାହାର କହିବା ଶୈଳୀ, ଚାଲିବା ଶୈଳୀ, ପ୍ରତିକ୍ରିୟା ମୁଁ କେବେ ଚିତ୍ରଣ କରିନଥିଲି ବୋଲି ଅଭିନେତା ଏକ ଭର୍ଚୁଆଲ୍ ସାମ୍ବାଦିକ ସମ୍ମିଳନୀରେ କହିଛନ୍ତି। ସେ କହିଛନ୍ତିଯେ, “ଲକ୍ଷ୍ମୀ ବମ୍” ତାଙ୍କୁ ଲିଙ୍ଗଗତ ସମାନତା ଉପରେ ଅଧିକ ସମ୍ବେଦନଶୀଳ କରିଛି।

ନିକଟରେ ଅକ୍ଷୟ କୁମାର ବାଣୀ କାପୁରଙ୍କ ସହ ତାଙ୍କର ଆଗାମୀ ଫିଲ୍ମ ବେଲ ବଟମ୍ ର ସୁଟିଂ ଶେଷ କରି ବ୍ରିଟେନରୁ ଫେରିଛନ୍ତି।

ୱାର୍କ ଫ୍ରଣ୍ଟରେ ଅକ୍ଷୟ କୁମାରଙ୍କ ଚଳଚ୍ଚିତ୍ରର ଏକ ଆକର୍ଷଣୀୟ ଲାଇନ୍ ଅପ୍ ଅଛି। ଲକ୍ଷ୍ମୀ ବମ୍ ଏବଂ ବେଲ୍ ବଟମ୍ ବ୍ୟତୀତ ସେ ଫରହାଦ୍ ସାମଜୀଙ୍କ ବଚ୍ଚନ ପାଣ୍ଡେ ଏବଂ ରୋହିତ ଶେଟ୍ଟୀଙ୍କ ସୂର୍ଯ୍ୟବଂଶୀରେ ନଜର ଆସିବେ। ସାରା ଅଲି ଖାନ ଏବଂ ଧନୁଷଙ୍କ ସହ ଅନାନନ୍ଦ ଏଲ୍ ରାୟଙ୍କ ଅତରଙ୍ଗି ରେ ମଧ୍ୟ ତାଙ୍କର ପ୍ରମୁଖ ଭୂମିକା ରହିଛି। ଏହି ଅଭିନେତା ପୃଥ୍ୱୀରାଗରେ ନଜର ଆସିବେ ଯେଉଁଥିରେ ମନୁଷୀ ଚିଲ୍ଲର ଡେବ୍ୟୁ କରିଛନ୍ତି। ଏଥିସହ ଅକ୍ଷୟ କୁମାରଙ୍କ ପାଖରେ ପାଇପଲାଇନରେ ରକ୍ଷାବନ୍ଧନ ଏବଂ ଦୁର୍ଗାବତୀ ଚଳଚ୍ଚିତ୍ର ମଧ୍ୟ ରହିଛି।