ନୂଆ ଦିଲ୍ଲୀ ୩୧ ଅକ୍ଟୋବର (ଓଡ଼ିଆ ପୁଅ) ଶୁକ୍ରବାର ଦିନ ପବ୍ଲିକ ଆଫାୟାର୍ସ ସେଣ୍ଟର ଦ୍ୱାରା ପବ୍ଲିକ ଆଫାୟାର୍ସ ଇଣ୍ଡେକ୍ସ ୨୦୨୦ ପ୍ରକାଶିତ ହୋଇଛି। ଏହି ସୂଚକାଙ୍କ ଅନୁଯାୟୀ, କେରଳକୁ ବୃହତ ରାଜ୍ୟ ବର୍ଗରେ ସର୍ବୋତ୍ତମ ଶାସିତ ରାଜ୍ୟ ଭାବରେ ବିଚାର କରାଯାଇଛି ଏବଂ ଉତ୍ତର ପ୍ରଦେଶ ସର୍ବନିମ୍ନ ଶାସିତ ରାଜ୍ୟ ଭାବରେ ବିଚାର କରାଯାଇଛି।
ପୂର୍ବତନ ଭାରତୀୟ ସ୍ପେସ୍ ରିସର୍ଚ୍ଚ ଅର୍ଗାନାଇଜେସନ୍ (ଆଇଏସଆରଓ) ଅଧ୍ୟକ୍ଷ କେ କସ୍ତୁରୀରଙ୍ଗନଙ୍କ ନେତୃତ୍ୱରେ ବାଙ୍ଗାଲୁରୁର ଏକ ଏନଜିଓ ଏହାର ବାର୍ଷିକ ରିପୋର୍ଟରେ କହିଛିଯେ, ସ୍ଥାୟୀ ବିକାଶ ପରିପ୍ରେକ୍ଷୀରେ ଏକ ମିଶ୍ରିତ ସୂଚକାଙ୍କ ଉପରେ ଆଧାର କରି ରାଜ୍ୟଗୁଡିକ ଶାସନ ପରିଚାଳନା ଉପରେ ସ୍ଥାନ ପାଇଛନ୍ତି।। ଚାରୋଟି ଦକ୍ଷିଣ ରାଜ୍ୟ – କେରଳ (୧.୩୮୮ PAI ଇଣ୍ଡେକ୍ସ ପଏଣ୍ଟ), ତାମିଲନାଡୁ (୦.୯୧୨), ଆନ୍ଧ୍ରପ୍ରଦେଶ (୦.୫୩୧) ଏବଂ କର୍ଣ୍ଣାଟକ (୦.୪୬୮) ଶାସନ କ୍ଷେତ୍ରରେ ବୃହତ ରାଜ୍ୟ ବର୍ଗରେ ପ୍ରଥମ ଚାରି ସ୍ଥାନରେ ରହିଛନ୍ତି ବୋଲି ଏଥିରେ କୁହାଯାଇଛି।
ସର୍ବନିମ୍ନରେ ନେଗେଟିଭ୍ ପଏଣ୍ଟ ସହ ଉତ୍ତରପ୍ରଦେଶ (-୧.୪୬୧), ଓଡିଶା (-୧.୨୦୧) ଏବଂ ବିହାର (-୧.୧୫୮) ଅଛନ୍ତି।
ଛୋଟ ରାଜ୍ୟ ବର୍ଗରେ ଗୋଆ ୧.୭୪୫ ପଏଣ୍ଟ ସହ ପ୍ରଥମ ସ୍ଥାନ ଅଧିକାର କରିଛି, ତା’ପରେ ମେଘାଳୟ (୦.୭୯୭) ଏବଂ ହିମାଚଳ ପ୍ରଦେଶ (୦.୭୨୫) ରହିଛି। ନେଗେଟିଭ୍ ପଏଣ୍ଟ ସହ ଖରାପ ପ୍ରଦର୍ଶନକାରୀମାନେ ହେଲେ ମଣିପୁର (-୦.୩୬୩), ଦିଲ୍ଲୀ (-୦.୨୮୯) ଏବଂ ଉତ୍ତରାଖଣ୍ଡ (-୦.୨୭୭) ବୋଲି ରିପୋର୍ଟରେ କୁହାଯାଇଛି।
କେନ୍ଦ୍ରଶାସିତ ଅଞ୍ଚଳ ମଧ୍ୟରେ
ଚଣ୍ଡିଗଡ଼ ୟୁନିଅନ୍ ଟେରିଟୋରୀ ବର୍ଗରେ ୧.୦୫ PAI ପଏଣ୍ଟ ସହିତ ଶୀର୍ଷ ସ୍ଥାନ ପାଇଛି, ତା’ପରେ ପୁଡୁଚେରୀ (୦.୫୨) ଏବଂ ଲାକ୍ଷାଦ୍ୱୀପ(୦.୦୦୩) | ଦାଦର ଏବଂ ନାଗର ହାଭେଲି (-୦.୬୯), ଆଣ୍ଡାମାନ, ଜାମ୍ମୁ କାଶ୍ମୀର (-୦.୫୦) ଏବଂ ନିକୋବର (-୦.୩୦) ସବୁଠାରୁ ଖରାପ ପ୍ରଦର୍ଶନ କରିଛନ୍ତି।
PAC ଅନୁଯାୟୀ, ଇକ୍ୱିଟି, ଅଭିବୃଦ୍ଧି ଏବଂ ସ୍ଥିରତାର ତିନୋଟି ସ୍ତମ୍ଭ ଦ୍ୱାରା ବ୍ୟାଖ୍ୟା କରାଯାଇଥିବା ସ୍ଥାୟୀ ବିକାଶ ପ୍ରସଙ୍ଗରେ ଶାସନ ପରିଚାଳନା ବିଶ୍ଳେଷଣ କରାଯାଇଥାଏ।