ଭୁବନେଶ୍ୱର: ଭିନ୍ନକ୍ଷମ ମାନଙ୍କ ପାଇଁ ନ୍ୟାସନାଲ୍ କ୍ୟାରିଅର୍ ସର୍ଭିସ୍ ସେଣ୍ଟର (NCSCDA) ଭୁବନେଶ୍ୱର ଶ୍ରମ ଓ ନିଯୁକ୍ତି ମନ୍ତ୍ରଣାଳୟ, ଭାରତ ସରକାର ଆସନ୍ତା ସେପ୍ଟେମ୍ବର ମାସ ୬ ତାରିଖ ୨୦୨୩ରେ ଜୋମାଟୋ ଏବଂ ନିଓ ମିସନ ସହଯୋଗରେ ଏକ ନିଯୁକ୍ତି ମେଳାର ଆୟୋଜନ କରିବାକୁ ଯାଉଛନ୍ତି। ଏହି ନିଯୁକ୍ତି ମେଳାଟି କେବଳ ପୁରୁଷ ଚଳନଶକ୍ତି ବାଧିତ ଭିନ୍ନକ୍ଷମମାନଙ୍କ ପାଇଁ ଉପଯୁକ୍ତ ଅଟେ। ଏହି ମେଳାରେ ବିତରଣ କାର୍ଯ୍ୟନିର୍ବାହୀ ପଦ ପାଇଁ ଭିନ୍ନକ୍ଷମମାନେ ଭାଗ ନେଇ ପାରିବେ। ଏହି ନିଯୁକ୍ତି ମେଳାରେ ଜୋମାଟୋ ଓଡିଶାରେ ଏବଂ ପାନ୍ ଇଣ୍ଡିଆରେ ନିଯୁକ୍ତିର ସୁଯୋଗ ଦେବ ଏବଂ ନିଓମୋସନ୍ ମନୋନୀତ ପ୍ରାର୍ଥୀଙ୍କୁ ସବସିଡିଯୁକ୍ତ ବୈଦ୍ୟୁତିକ ହୁଇଲ ଚେୟାର ପ୍ରଦାନ କରିବ। ତେଣୁ ସମସ୍ତ ଚାକିରୀ ଆଶାୟୀ ଭିନ୍ନକ୍ଷମ ବ୍ୟକ୍ତି (ଚଳନ ବାଧିତ) ନିଜର ସମସ୍ତ ଶିକ୍ଷାଗତ ପ୍ରମାଣପତ୍ରର ନକଲ, ଆଧାର କାର୍ଡ, ପାସପୋର୍ଟ ସାଇଜ୍ ଫଟୋଗ୍ରାଫ୍, ଭିନ୍ନକ୍ଷମ ପ୍ରମାଣପତ୍ର ଏବଂ ବାୟୋ ଡାଟା ଫର୍ମ ଆଦି ଡକ୍ୟୁମେଣ୍ଟ୍ ସହିତ ଆସି ଏହି ନିଯୁକ୍ତି ମେଳାରେ ଭାଗ ନେବାକୁ ଅନୁରୋଧ କରାଯାଇଛି। ତେଣୁ ଆଗ୍ରହୀ ଚାକିରୀ ଆଶାୟୀ ଭିନ୍ନକ୍ଷମମାନେ ଏହି ଚାକିରି ଆବେଦନ କରିବା ପାଇଁ ଉପରୋକ୍ତ ଡକ୍ୟୁମେଣ୍ଟ୍ ସହିତ ନିମ୍ନ ଠିକଣାକୁ ଆସିବାକୁ ଅନୁରୋଧ।
◆ ତାରିଖ- ୦୬ ସେପ୍ଟେମ୍ବର ୨୦୨୩
◆ ସମୟ- ସକାଳ ୯ ଘଟିକା
◆ ବୟସ ସୀମା- ୨୩ ବର୍ଷ ରୁ ୪୦ ବର୍ଷ
◆ ଶିକ୍ଷାଗତ ଯୋଗ୍ୟତା- ସମସ୍ତେ ଯୋଗ୍ୟ ଅଟନ୍ତି (ସ୍ମାର୍ଟ ଫୋନ୍ ରହିବା ଏବଂ ବ୍ୟବହାର ଜାଣିଥିବା ଆବଶ୍ୟକ)
◆ ଠିକଣା: ଏନ ସି ଏସ୍ ସି ଡି ଏ, (ପୂର୍ବରୁ : ଭିଆରସିଏଚ)
ପ୍ଲଟ ନଂ- ୧,୨,୫ ଏବଂ ୬
ଗଣ୍ଡମୁଣ୍ଡା, ପୋଖରୀପୁଟ, ଭୁବନେଶ୍ୱର, ଖୋର୍ଦ୍ଧା-୭୫୧୦୩୦ (ମଧୁସୂଦନ ଦାସ ପାର୍କ ସାମ୍ନା)
-/DevDRath