ରୋମ / ନୂଆଦିଲ୍ଲୀ ଜୁନ୍ ୨୨ (ଓଡିଆ ପୁଅ) ୨୮ ଜୁନ୍ ଠାରୁ ୟୁରୋପର ଅନ୍ୟତମ ଦେଶ ଇଟାଲୀରେ ଫେସ୍ ମାସ୍କ ଆଉ ବାଧ୍ୟତାମୂଳକ ହେବ ନାହିଁ ବୋଲି ଇଟାଲିର ସ୍ୱାସ୍ଥ୍ୟ ମନ୍ତ୍ରଣାଳୟ କହିଛି।
ଇଟାଲୀର ବର୍ଗୀକରଣ ପ୍ରଣାଳୀ ଅଧୀନରେ “ହ୍ୱାଇଟ୍” ଏରିୟାରେ ମାସ୍କର ଅନାବଶ୍ୟକତାର ନିୟମ କାର୍ଯ୍ୟକାରୀ ହେବ ବୋଲି ସ୍ୱାସ୍ଥ୍ୟମନ୍ତ୍ରୀ ରୋବର୍ଟୋ ସ୍ପେରାନଜା ଫେସବୁକରେ ଲେଖିଛନ୍ତି।
ଉତ୍ତର ପଶ୍ଚିମରେ ଥିବା ଛୋଟ ଅଞ୍ଚଳ ଅଷ୍ଟା ଭ୍ୟାଲି ବ୍ୟତୀତ ଇଟାଲୀର ସମସ୍ତ ଅଞ୍ଚଳରେ ଏବେ ମାସ୍କର ଆବଶ୍ୟକତା ପଡ଼ିବ ନାହିଁ।
ସ୍ପେରାନଜାଙ୍କ ଘୋଷଣା ଇଟାଲୀର କୋମିଟାଟୋ ଟେକ୍ନିକୋ ସାଇଣ୍ଟିଫିକ୍ (ସିଟିଏସ୍) ବୈଜ୍ଞାନିକ ପରାମର୍ଶଦାତା ପ୍ୟାନେଲର ପରାମର୍ଶ ପରେ ଆସିଛି, ଯେଉଁଥିରେ କୁହାଯାଇଛି ଯେ ବଡ଼ ସମାବେଶ ଗୁଡ଼ିକରେ ଭୂତାଣୁ ବିସ୍ତାର ହେବାର ଆଶଙ୍କା ଅଧିକ ଥିବା କ୍ଷେତ୍ର ପାଇଁ ଲୋକଙ୍କ ପାଖରେ ମାସ୍କ ରହିବା ଉଚିତ୍।
ଜୁନ୍ ୨୮ ସୁଦ୍ଧା, ବିଶେଷଜ୍ଞମାନେ ପୂର୍ବାନୁମାନ କରିଛନ୍ତି ଯେ ସମସ୍ତ ଇଟାଲୀକୁ ଏକ “ହ୍ୱାଇଟ୍” ଜୋନ୍ ଶ୍ରେଣୀଭୁକ୍ତ କରାଯିବ ଏବଂ ଏହି ଅଞ୍ଚଳଗୁଡ଼ିକରେ ମାସ୍କର ଆବଶ୍ୟକତା ବାଧ୍ୟତାମୂଳକ ହେବନାହିଁ।
ସୂଚନାଯୋଗ୍ୟଯେ, ସୋମବାର ଦିନ ସାରା ଦେଶରେ ୨୧ ଟି ମୃତ୍ୟୁ ଏବଂ ୪୯୫ ଟି ନୂଆ ମାମଲା ରେକର୍ଡ କରାଯାଇଥିଲା।
ମହାମାରୀ ୨୦୨୦ ଆରମ୍ଭରୁ ପରଠାରୁ ଦେଶରେ ୧୨୭, ୨୯୧ ମୃତ୍ୟୁ ରେକର୍ଡ କରାଯାଇଛି, ଯେଉଁଥିରେ ୪୨.୫ ଲକ୍ଷ ସଂକ୍ରମଣ ରେକର୍ଡ ହୋଇଛି।
ବର୍ତ୍ତମାନ ପର୍ଯ୍ୟନ୍ତ, ୧୨ ରୁ ବୟସ୍କ ୩୦ ପ୍ରତିଶତ ଲୋକଙ୍କୁ ଟୀକାକରଣ କରାଯାଇଛି।
୬ କୋଟି ଜନସଂଖ୍ୟା ମଧ୍ୟରୁ ପ୍ରାୟ ୧.୬ କୋଟି ଲୋକଙ୍କୁ ଟିକା ଦିଆଯାଇଛି।