ନୂଆ ଦିଲ୍ଲୀ ୧୦-୭ (ଓଡ଼ିଆ ପୁଅ) ଭାରତରୁ ୟୁଏଇକୁ ବିମାନ ଜୁଲାଇ ୧୨ ରୁ ଆରମ୍ଭ ହେବ। ବନ୍ଦେ ଭାରତ ମିଶନରେ ଏହି ସେବା ଆରମ୍ଭ ହେବ। ଭାରତ ଏବଂ ୟୁଏଇ ସହମତ ହୋଇଛନ୍ତି ବୋଲି ବେସାମରିକ ବିମାନ ଚଳାଚଳ ମନ୍ତ୍ରଣାଳୟ ଗୁରୁବାର ଦିନ କହିଛି।
ଭାରତ ଏବଂ ୟୁଏଇ ସରକାର ମଧ୍ୟରେ ଘନିଷ୍ଠ ରଣନୀତିକ ଭାଗିଦାରୀର ଏକ ଅଂଶ ଭାବରେ, ବର୍ତ୍ତମାନ ଭାରତରେ ରହୁଥିବା ୟୁଏଇ ବାସିନ୍ଦାଙ୍କୁ ୟୁଏଇକୁ ଫେରାଇନେବାରେ ସାହାଯ୍ୟ କରିବା ଉଦ୍ଦେଶ୍ୟରେ ଉଭୟ ଦେଶର ବେସାମରିକ ବିମାନ ଚଳାଚଳ କର୍ତ୍ତୃପକ୍ଷ ଏକ ସ୍ୱତନ୍ତ୍ର ବ୍ୟବସ୍ଥା କରିବାକୁ ରାଜି ହୋଇଛନ୍ତି।
ବର୍ତ୍ତମାନ ଭାରତରେ ଥିବା ଅନେକ ଭାରତୀୟ ନାଗରିକ ଗତ ଦୁଇ ସପ୍ତାହ ଧରି ସୋସିଆଲ ମିଡିଆରେ ଦୁଇ ଦେଶ ମଧ୍ୟରେ ବିମାନ ଉଡ଼ାଣ ଅଭାବରୁ ଅଭିଯୋଗ କରିଆସୁଥିଲେ। ମାର୍ଚ୍ଚ ୨୩ ରେ କରୋନାଭାଇରସ୍ ମହାମାରୀ ଯୋଗୁଁ ଭାରତ ସମସ୍ତ ନିର୍ଦ୍ଧାରିତ ଅନ୍ତର୍ଜାତୀୟ ଯାତ୍ରୀ ବିମାନକୁ ସ୍ଥଗିତ ରଖିଥିଲା।
ଏହି ବ୍ୟବସ୍ଥା ପ୍ରାରମ୍ଭରେ ୧୫ ଦିନ ପାଇଁ – ଜୁଲାଇ ୧୨ ରୁ ଜୁଲାଇ ୨୬ ପର୍ଯ୍ୟନ୍ତ ରହିବ ଏବଂ ଏହା ପରେ ସମୀକ୍ଷା କରାଯିବ ବୋଲି ଏଥିରେ କୁହାଯାଇଛି।