ନୂଆ ଦିଲ୍ଲୀ ୧୮-୩ (ଓଡ଼ିଆ ପୁଅ) କ୍ରମାଗତ ଅଷ୍ଟମ ଦିନ ପାଇଁ ଦେଶରେ ୨୦, ୦୦୦ ରୁ ଅଧିକ ମାମଲା ରେକର୍ଡ କରାଯାଇଛି, ଯାହାକି ତୀବ୍ର ବୃଦ୍ଧି ଏବଂ ଦ୍ୱିତୀୟ ତରଙ୍ଗର ସମ୍ଭାବନା ସୃଷ୍ଟିକରିଛି।
କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରଣାଳୟର ସକାଳ ୮ ଟାରେ ଅପଡେଟ୍ ହୋଇଥିବା ସୂଚନା ଅନୁଯାୟୀ ଭାରତ ଗୁରୁବାର ଦିନ କରୋନାଭାଇରସ୍ ରୋଗ (କୋଭିଡ୍ -୧୯) ର ୩୫, ୮୭୧ ନୂତନ ମାମଲା ପଞ୍ଜିକୃତ କରିଛି
ଗତ ୨୪ ଘଣ୍ଟାରେ ରେକର୍ଡ଼ ହୋଇଥିବା ମୃତ୍ୟୁ ସଂଖ୍ୟା ୧୭୨ ହୋଇଥିବା ବେଳେ ମୋଟ ମୃତ୍ୟୁ ୧୫୯, ୨୧୬ କୁ ବୃଦ୍ଧି ପାଇଛି। ଯାହାକି ଦୁଇ ମାସ ମଧ୍ୟରେ ସର୍ବାଧିକ।
ଭାଇରାଲ୍ ରୋଗରେ ଭାରତର ସବୁଠାରୁ ଅଧିକ ପ୍ରଭାବିତ ରାଜ୍ୟ ମହାରାଷ୍ଟ୍ରରେ ବୁଧବାର ଦିନ ୨୩, ୧୭୯ କୋଭିଡ୍ -୧୯ ମାମଲା ପଞ୍ଜିକୃତ ହୋଇଛି। ଗତ ବର୍ଷ ସେପ୍ଟେମ୍ବରରେ ରାଜ୍ୟରେ ୨୩, ୦୦୦ ମାମଲା ରେକର୍ଡ଼ କରାଯାଇଥିଲା ଏହାପରେ ଏଥିରେ କମି ଆସିଥିଲା। ସେପ୍ଟେମ୍ବର ୧୧, ୨୦୨୦ ରେ ରାଜ୍ୟ ୨୪, ୮୮୬ ମାମଲା ରିପୋର୍ଟ ହୋଇଥିଲା ଏବଂ ସେପ୍ଟେମ୍ବର ୧୭ ରେ ୨୪, ୬୧୯ ସଂକ୍ରମଣ ହୋଇଥିଲା।
ଗତ ବର୍ଷ ମହାମାରୀ ଆରମ୍ଭ ହେବା ପରଠାରୁ ଏହା ରାଜ୍ୟରେ ଏହା ହେଉଛି ଷଷ୍ଠ ସର୍ବାଧିକ ଦିନିକିଆ ସଂକ୍ରମଣ ମାମଲା। ଗତ ଡିସେମ୍ବର ୧୩ ରେ ୨୪ ଘଣ୍ଟା ମଧ୍ୟରେ ପ୍ରାୟ ୩୦, ୨୫୪ ନୂତନ ସଂକ୍ରମଣ ରେକର୍ଡ କରାଯାଇଥିଲା।