ନୂଆଦିଲ୍ଲୀ ୧୦-୨ (ଓଡ଼ିଆ ପୁଅ) ଭାରତୀୟ ସେନାର ସୂତ୍ରରୁ ପ୍ରକାଶ ଯେ ପୋଙ୍ଗଙ୍ଗ ତ୍ସୋ ସମେତ ଲାଇନ୍ ଅଫ୍ ଆକ୍ଟୁଆଲ୍ କଣ୍ଟ୍ରୋଲର ଅନ୍ୟ କେତେକ ସ୍ଥାନରୁ ସୈନ୍ୟ ହଟାଇବାକୁ ସହମତି ପ୍ରକାଶ ପାଇଛି ଏବଂ ସୈନ୍ୟମାନଙ୍କର ଫେରିବା କାର୍ଯ୍ୟ ଆରମ୍ଭ ହୋଇଛି।
ଚୀନ୍ ସୈନ୍ୟ ବୁଧବାର ଦିନ ଘୋଷଣା କରିଛନ୍ତି ଯେ, ଭାରତୀୟ ଏବଂ ଚୀନ୍ ସେନା କର୍ମଚାରୀମାନେ ପୈଙ୍ଗୋଙ୍ଗ ସୋ ହ୍ରଦର ଦକ୍ଷିଣ ଏବଂ ଉତ୍ତର ଉପକୂଳରୁ ଫେରିବା ଆରମ୍ଭ କରିଛନ୍ତି। ଏଠାରେ, ଉଭୟ ପାର୍ଶ୍ୱରେ ଥିବା ସେନାର ସୈନିକମାନେ ଗତ କିଛି ମାସ ଧରି ପରସ୍ପର ସାମ୍ନାରେ ରହିଥିଲେ। ଚୀନ୍ର ପ୍ରତିରକ୍ଷା ମନ୍ତ୍ରଣାଳୟ ପକ୍ଷରୁ କୁହାଯାଇଛି ଯେ ୨୪ ଜାନୁଆରୀରେ କର୍ପସ କମାଣ୍ଡର ସ୍ତରୀୟ ଆଲୋଚନା ସମୟରେ ଚୁକ୍ତି ହେବା ପରେ ସୈନ୍ୟ ପ୍ରତ୍ୟାହାର କରାଯିବା କାର୍ଯ୍ୟ ଆରମ୍ଭ ହୋଇଛି।
ଚୀନ୍ ପ୍ରତିରକ୍ଷା ମନ୍ତ୍ରଣାଳୟର ଜାତୀୟ ପ୍ରତିରକ୍ଷା ମୁଖପାତ୍ର କର୍ଣ୍ଣେଲ ୱୁ କିୟାନ୍ ବୁଧବାର ଏକ ଲିଖିତ ବିବୃତ୍ତି ଦେଇ କହିଛନ୍ତି ଯେ, ଚୀନ୍ ଏବଂ ଭାରତର ଆଗ ଧାଡି ସୈନ୍ୟ ଉତ୍ତର ଏବଂ ଦକ୍ଷିଣ ପୌଙ୍ଗୋଙ୍ଗ ସୋ ହ୍ରଦରୁ ପ୍ରତ୍ୟାହାର କରିବା ଆରମ୍ଭ କରିଛନ୍ତି। ଏହି ପଦକ୍ଷେପ ଭାରତ ଏବଂ ଚୀନ୍ ମଧ୍ୟରେ ନବମ କର୍ପସ କମାଣ୍ଡର ସ୍ତରୀୟ ଆଲୋଚନାରେ ହୋଇଥିବା ଚୁକ୍ତିନାମା ଅନୁଯାୟୀ ହୋଇଛି।
Chinese and #Indian border troops on the southern and northern shores of #Pangong Lake began disengagement as planned on Wednesday according to the consensus reached during the ninth round of military commander-level talks: China's Ministry of National Defense pic.twitter.com/Af6NhoFjz3
— Global Times (@globaltimesnews) February 10, 2021
ସୂଚନାଯୋଗ୍ୟଯେ, ନବମ ରାଉଣ୍ଡ ଆଲୋଚନା 15 ଘଣ୍ଟାରୁ ଅଧିକ ସମୟ ଧରି ଚାଲିଥିଲା - ପୂର୍ବ ଲଦାଖର ଲାଇନ୍ ଅଫ୍ ଆକ୍ଟୁଆଲ୍ କଣ୍ଟ୍ରୋଲ୍ (LAC) ରେ ଥିବା ଟେନସନକୁ ଦୂର କରିବା ଏବଂ ନଅ ମାସର ଷ୍ଟାଣ୍ଡ-ଅଫ୍ ପାଇଁ ସମାଧାନ ଖୋଜିବା ପାଇଁ ଲକ୍ଷ୍ୟ ରଖାଯାଇଥିଲା। ଭାରତ ତରଫରୁ କୁହାଯାଇଥିଲାଯେ, ଏହି ଆଲୋଚନା ଏକ ସକରାତ୍ମକ, ବ୍ୟବହାରିକ ଏବଂ ଗଠନମୂଳକ ବାବେ ଶେଷ ହୋଇଥିଲା ଏବଂ ଉଭୟ ପକ୍ଷ ଶୀଘ୍ର ପଦକ୍ଷେପ ନେବାକୁ କରିବାକୁ ରାଜି ହୋଇଛନ୍ତି।
ଅନ୍ୟପକ୍ଷରେ, ଖବର ଅନୁଯାୟୀ, ଭାରତୀୟ ସେନାର ସୂତ୍ରରୁ ପ୍ରକାଶ ଯେ ପାଙ୍ଗୋଙ୍ଗ ସୋ ସମେତ ଲାଇନ ଅଫ୍ ଆକ୍ଟୁଆଲ୍ କଣ୍ଟ୍ରୋଲର ଅନ୍ୟ କେତେକ ସ୍ଥାନରୁ ସୈନ୍ୟ ହଟାଇବାକୁ ସହମତି ପ୍ରକାଶ ପାଇଛି ଏବଂ ସୈନ୍ୟମାନଙ୍କୁ ପ୍ରତ୍ୟାହାର କରିବା କାର୍ଯ୍ୟ ଆରମ୍ଭ ହୋଇଛି।
ଏଠାରେ ଉଲ୍ଲେଖଯୋଗ୍ୟ ଯେ ଗତ ବର୍ଷ ମେ ୫ ତାରିଖରେ ମାସରେ ଲାଦାଖର ପାଙ୍ଗୋଙ୍ଗ ସୋ ଭ୍ୟାଲିରେ ଭାରତ ଏବଂ ଚୀନ୍ର ସେନା କର୍ମଚାରୀଙ୍କ ମଧ୍ୟରେ ସଂଘର୍ଷ ପରଠାରୁ ପ୍ରକୃତ ନିୟନ୍ତ୍ରଣ ଲାଇନରେ କ୍ରମାଗତ ଉତ୍ତେଜନା ଦେଖାଦେଇଛି। ଏହା ପରେ, ଜୁନ୍ ୧୫ ରେ ଗାଲଭାନ୍ ଭ୍ୟାଲିରେ ଘଟିଥିବା ରକ୍ତାକ୍ତ ସଂଘର୍ଷ, ଭାରତ-ଚୀନ୍ ସୀମାରେ ଅନେକ ଦଶନ୍ଧି ପରେ ପ୍ରଥମ ଥର ପାଇଁ ଏପରି ଘଟଣା ଦେଖିବାକୁ ମିଳିଥିଲା। ଏହି ଘଟଣାରେ ଉଭୟ ପକ୍ଷରୁ ସୈନ୍ୟ ସହୀଦ ହୋଇଥିଲେ। ଗାଲୱାନ୍ ହିଂସାରେ ୨୦ ଜଣ ଭାରତୀୟ ସୈନିକ ସହିଦ୍ ହୋଇଥିବାବେଳେ ୪୦ ରୁ ଅଧିକ ଚୀନ୍ ସୈନିକ ନିହତ ହୋଇଥିଲେ। ତେବେ ଚୀନ୍ ନିଜ ସୈନିକଙ୍କ ମୃତ୍ୟୁର ସରକାରୀ ଅଙ୍କ ବିଶ୍ୱକୁ କେବେବି ପ୍ରକାଶ କରି ନାହିଁ।
ସେବେଠାରୁ ଉତ୍ତେଜନାକୁ ହ୍ରାସ କରିବା ପାଇଁ ସାମରିକ ଏବଂ କୂଟନୀତିକ ସ୍ତରରେ ଭାରତ ଏବଂ ଚୀନ୍ ମଧ୍ୟରେ ନିରନ୍ତର ଆଲୋଚନା ଚାଲିଛି। ଅନ୍ୟପକ୍ଷରେ ଚୀନ୍ ପ୍ରାୟ ୬୦ ହଜାର ସୈନିକଙ୍କ ସହ ବହୁ ସଂଖ୍ୟକ ଯୁଦ୍ଧ ବିମାନ ଏବଂ ଅସ୍ତ୍ରଶସ୍ତ୍ର ନିୟୋଜିତ କରିଥିଲା। ଏହାର ଜବାବରେ ଭାରତରୁ ସମାନ ସଂଖ୍ୟକ ଯୁବକ ସହିତ ଅସ୍ତ୍ରଶସ୍ତ୍ର ଏବଂ ଯୁଦ୍ଧ ବିମାନ ନିୟୋଜିତ କରାଯାଇଥିଲା।