ନୂଆ ଦିଲ୍ଲୀ ୨୨-୧ (ଓଡ଼ିଆ ପୁଅ) ମିଡିଆ ପେମେଣ୍ଟ ଆଇନକୁ ନେଇ ଗୁଗୁଲ ଏବଂ ଅଷ୍ଟ୍ରେଲିଆ ସରକାରଙ୍କ ମଧ୍ୟରେ ଟଣାଟଣି। ଏହି ଆଇନ ବର୍ତ୍ତମାନ ଅଷ୍ଟ୍ରେଲିଆ ସଂସଦରେ ବିତର୍କ ହେଉଛି। ଖୁବ ଶୀଘ୍ର ମତଦାନ ମଧ୍ୟ ହୋଇପାରେ।
ପ୍ରାୟ ଏକ ମାସ ଧରି ‘ମିଡିଆ ପେମେଣ୍ଟ ଆଇନ’ ଉପରେ ଅଷ୍ଟ୍ରେଲିଆ ସରକାର ଏବଂ ଗୁଗୁଲ ମଧ୍ୟରେ ମତ ପାର୍ଥକ୍ୟ ରହିଛି। ବର୍ତ୍ତମାନ ଗୁଗୁଲ ଅଷ୍ଟ୍ରେଲିଆ ସରକାରଙ୍କୁ ଦେଶରେ ଏହାର ସର୍ଚ୍ଚ ଇଞ୍ଜିନ୍ ଉପରେ ପ୍ରତିବନ୍ଧକ ଲଗାଇବାକୁ ଧମକ ଦେଇଛି। ଯଦି ସ୍ଥାନୀୟ ଖବର ପ୍ରକାଶକଙ୍କୁ ଦେୟ ଦେବାକୁ ଗୁଗୁଲ ବାଧ୍ୟ ହୁଏ ତେବେ କମ୍ପାନୀ ଦେଶରେ ଏହାର ସର୍ଚ୍ଚ ଇଞ୍ଜିନ୍ ବନ୍ଦ କରିବ ବୋଲି ଗୁଗୁଲ ଧମକ ଦେଇଛି। ଏଥି ସହିତ ଅଷ୍ଟ୍ରେଲିୟାର ପ୍ରଧାନମନ୍ତ୍ରୀ ସ୍କଟ ମୋରିସନ୍ ଏହି ଧମକକୁ ନେଇ ପ୍ରତିକ୍ରିୟା ଦେଇନାହାଁନ୍ତି।
ଏହାପୂର୍ବରୁ ଗୁଗୁଲ ସର୍ଚ୍ଚଇଞ୍ଜିନରେ ଅଷ୍ଟ୍ରେଲିୟା ସମ୍ବାଦ ୱେବସାଇଟକୁ ଅବରୋଧ କରିଥିଲା। ଏହା ଉପରେ ଅଷ୍ଟ୍ରେଲିଆ ସରକାର କହିଛନ୍ତି ଯେ ଗୁଗୁଲ ଏହାକୁ ନିଷେଧ କରିବା ପରିବର୍ତ୍ତେ ଆମର ବିଷୟବସ୍ତୁ ପାଇଁ ଦେୟ ଦେବା ଉପରେ ଧ୍ୟାନ ଦେବା ଉଚିତ୍।
ଅଷ୍ଟ୍ରେଲିଆ ସରକାର ଏହି ଆଇନର ଏକ ଡ୍ରାଫ୍ଟ ଉପରେ କାମ କରୁଛନ୍ତି। ଏହି ନିୟମ ଅନୁଯାୟୀ, ଉଭୟ ଗୁଗୁଲ ଏବଂ ଫେସବୁକକୁ ସେମାନଙ୍କ ସର୍ଚ୍ଚ ଇଞ୍ଜିନରେ ସ୍ଥାନୀୟ ମିଡିଆ କମ୍ପାନୀଗୁଡିକର ଖବର ପ୍ରଦର୍ଶନ କଲେ ଦେୟ ଦେବାକୁ ପଡିବ। ସଂସଦରେ ଏହି ଆଇନ ଉପରେ ବିତର୍କ ଚାଲିଛି। ଖୁବ ଶୀଘ୍ର ମତଦାନ ମଧ୍ୟ ହୋଇପାରେ।
ଗୁଗୁଲ୍, ଫେସବୁକ୍ ବ୍ୟତୀତ ଅନ୍ୟ ଟେକ୍ କମ୍ପାନୀଗୁଡିକ ଅଷ୍ଟ୍ରେଲିଆ ସରକାରଙ୍କ ଏହି ନିୟମକୁ ବିରୋଧ କରୁଛନ୍ତି। ଗୁଗୁଲ ଚେତାବନୀ ଦେଇଛି ଯେ ଯଦି ସରକାର ମିଡିଆ କମ୍ପାନୀଗୁଡ଼ିକୁ ଦେୟ ଦେବାକୁ ବାଧ୍ୟ କରନ୍ତି, ତେବେ ଅଷ୍ଟ୍ରେଲିଆରେ ମାଗଣା ସର୍ଚ୍ଚ ସେବା ପ୍ରତ୍ୟାହାର କରାଯିବ। ତା’ପରେ ଗୁଗୁଲ୍ ବ୍ୟବହାର କରୁ ଥିବା ଲୋକମାନଙ୍କୁ ଦେୟ ଦେବାକୁ ପଡିବ।